1 Korintu 3:9 - MUKANDA USANDU WA ZAMBI 1975

⁹ Mumu tuli akwa milimo-ni-akwo ja Zambi, yenu nuli ulime wa Zambi, chitunga cha Zambi.

Mukanda Wa Zambi 1970

⁹ Mumu yetu twakulingila Zambi hamuwika, ni yenu nuli munda wa Zambi. Nawa, nuli zuwo lia Zambi.

1 Korintu 3:9 Iomraidhean Croise

Miaso (Masamu) 118:22

Liwe lize alitunyine tungi, hilinapu lia helu lia mbango.

Miaso (Masamu) 72:16

Kumukukapwa kulumbama cha mbuto mu mavu helu lia milundu. Mihuko yaho kumuyikanyika ngwe Lebano, waze atwama mu chihunda kumakatatuka ngwe mwambu wa hashi.

Yishima 9:1

Mana hatunga zuwo lienyi; hasonga nguji jenyi shimbiali.

Izaya 32:20

Kawaha waze akukuwa mbuto ku meya eswo, waze kakutaviza molu ja ngombe ni chimbulu kwenda kweswako.

Izaya 61:11

Mumu chizechene ngwe mavu kakusokesa mafwo, ni munda wakusokesa yize akuwilemo, chocho Mwene Yehova masokesa ululi ni uhaliso kumeso ja mavungu eswe.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Izaya 61:5

Yilambala mamanamana nikulisa mapanga jenu, tundaka manulimina ni kufunga minda yenu ya uva.

Jeremia 2:21

Hindu nakutumbile mutondo wa uva ulemu, wa mbuto yipema pundu. Kuchi hiwalumuka wamokomoko, mutondo wa uva wa mu yambu?

Mateu 15:13

Alioze waakumbulwile ngwenyi, Mitondo yize yeswe Tata wa mwilu kayitumbile kumakayitukula.

Mateu 16:18

Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Mateu 9:37

Hohene yamba kuli tumbaji twenyi ngwenyi, Kucha chamwenemwene chinalumbama, alioze akwa milimo akehe.

Marku 16:20

O yatuhuka, yambujola kweswe, ni Mwene walingile hamwe no, nikukolesa liji ni yilayi yize yakawile. Amene.

Yilinga 4:11

Iye lie liwe lize asele liamokomoko kuli yenu tungi, kuliapwa liwe lia helu lia ha mbango.

1 Korintu 3:16

Te kunwanyingikine, yenu nuli tembele ya Zambi, ni Spiritu ya Zambi katwama muli yenu.

1 Korintu 3:6

Ami natumbile, Apolu wahinjilile; alioze Zambi watatwishile.

1 Korintu 6:19

Kuma, kunwanyingikine nyi, mujimba wenu unapu tembele ya Spiritu Musandu, yoze uli muli yenu, yoze nuli nenyi wa kuli Zambi? Hi nuli a yenwene ko;

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Efesu 2:10

Mumu yetu tuli chitanga chenyi, atutangile muli Kristu Yesu ha yilinga yipema, yize Zambi walulikile kushi hanga tukendemo.

Kolosu 2:7

nukatande miji, nukondomoke muli iye, nukalikoleze mu Ufulielo wenu, chizechene ngwe anulongesele, nikulumbama mu kusakwila.

1 Timoteu 3:15

Alioze kachi munguvumiwa chikolo, hanga ukanyingike ngwe chatamba kwenda mu zuwo lia Zambi, che chikungulwila cha Zambi ya mwono, lie nguji ni fundamentu ya umwenemwene.

Hebreu 3:6

Alioze Kristu ngwe mwe Mwana helu lia zuwo lienyi; yetu tuli zuwo lienyi nyi chamwenemwene mutulalaminya ku hamu lietu ni kulisamba cha kutalatala chetu cha ngú, ndo ku songo.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

3 Yoano 1:8

Yetu kashika chatutamba kusambilila atu ngwe wano, hanga tukapwe akwa milimo-ni-akwo ha umwenemwene.