1 Korintu 3:6 - MUKANDA USANDU WA ZAMBI 1975

⁶ Ami natumbile, Apolu wahinjilile; alioze Zambi watatwishile.

Mukanda Wa Zambi 1970

⁶ Yami natumbile mbuto, Apolo mwe wayihinjilile meya, alioze Zambi wayitatwishile.

1 Korintu 3:6 Iomraidhean Croise

Miaso (Masamu) 127:1

Nyi Yehova katungule zuwo, waze analitungu mahondangana chamokomoko. Nyi Yehova kafungile limbo, tulayi malayilila chamokomoko.

Miaso (Masamu) 62:11

Zambi hanahanjika kamuwika. Kaali hinevwa chuma chino, ngwo, Ndundo japwa ja mbala ja Zambi.

Miaso (Masamu) 62:9

Chamwenemwene atu aze keshi ulemu apwa amokomoko; atu alemu o apwa mahuza. Kwasa mu pezu mazunduka; eswe hamuwika anahuhuka; ni mwiku shinaho.

Yishima 11:25

Mukwa kuvungumiona mamutohesa; ni yoze kakuhinjila akwo neye kumakamuhinjila.

Izaya 61:11

Mumu chizechene ngwe mavu kakusokesa mafwo, ni munda wakusokesa yize akuwilemo, chocho Mwene Yehova masokesa ululi ni uhaliso kumeso ja mavungu eswe.

Yilinga 11:18

O muze evwile yino yuma, aholele kulungunga, achichimiekene Zambi, ngwo, Kashika Zambi hanahana kuli akwa mavungu nawa kulikonyekena akatambule mwono.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

Yilinga 16:14

Mba umwe pwo, jina lienyi Lindia, mukwa kutalikila mahina a ufungo, wa ku limbo lia Taiatira, mukwa kuwayila Zambi watuvwile: Mwene wazulwile mbunge yenyi kupanjika ku yuma yize ahanjikile Paulu.

Yilinga 18:24

Achi, umwe Ka-Yunda, jina lienyi Apolu, mukwa Alezandre ku munyachi wenyi, mukwa kulongoloka, wahetele ku Efwesu; iye mukwa tachi mu yisoneko.

Yilinga 19:1

Shimbu Apolu te achili ku Korindu, Paulu se hanapalika ndusu mu yifuchi yeswe ya ku tunda, wahetele ku Efwesu, wawanyine amwe tumbaji:

Yilinga 21:19

Muze te haameneka, wambulwile chimwe ha chimwe yuma yize alingile Zambi hakachi ka akwa mavungu ku uvumbiko wenyi.

A-ROMA 15:18

Mumu chichi kahamuka kuhanjika ha yuma niyimwe shina yize alingile Kristu ku moko jami, mukwononwesa akwa mavungu ku maliji ni ku yitanga,

1 Korintu 1:12

Achi, chino ngunambe ngwami, Mweswe wa kuli yenu kanambe ngwenyi, Ami nguli wa Paulu; ni mukwo ngwenyi, Ni yami nguli wa Apolu; ni mukwo ngwenyi, Ni yami nguli wa Sefwa; ni mukwo ngwenyi, Ni yami nguli wa Kristu.

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

1 Korintu 3:22

chipwe Paulu, hanji Apolu, hanji Sefwa, hanji hano hashi, hanji mwono, hanji kufwa, hanji yuma ya haliapwila, hanji yuma yize muyizaho; yeswe niyenu;

1 Korintu 3:7

Chocho, chipwe yoze wakutumba hi chimwe ko, chipwe yoze Wakuhinjila, ka; alioze Zambi yoze wakutatwisa.

1 Korintu 9:1

Yami hi nguli postolo ko, nyi? Hi nguli mukwa kutusuka ko, nyi? Chamwene Yesu Mwene wetu, nyi? Yenu hi nuli chitanga chami muli Mwene ko, nyi?

Efesu 3:17

hanga Kristu akatwame mu mbunge jenu ku Ufulielo; hanga yenu nikutanda miji, nukajikize mu zango;

1 Tesalonika 1:5

Mumu sango lietu lipema kuliejile kuli yenu ni liji wika, alioze ni tachi nawa, ni Spiritu Musandu, ni kukununa chinji; chizechene ngwe nunanyingika chize twapwile hakachi kenu mumu hali yenu.