1 Korintu 3:5 - MUKANDA USANDU WA ZAMBI 1975

⁵ Paulu kuchi apwa? Ni Apolu kuchi apwa? Tuvumbi waze ku liji lio nwafulielele kuli Mwene; ni eswe nikulita ngwe amuhele Mwene.

Mukanda Wa Zambi 1970

⁵ Mwe Apolo iya? Hanji Paulu iya? Yetu tuli lume tuvumbi twa Zambi, twanulongesele ku fuliela. Mutu ni mutu hakachi ketu tunalingi milimo yize atuhele Zambi ha kulinga.

1 Korintu 3:5 Iomraidhean Croise

Mateu 25:15

Kuli umwe wahanyine mbongo jitano, ni kuli mukwo jiali, ni kuli mukwo umuwika: kuli mweswe nikulita ni kuhasa chenyi, mutu ni mutu; neye wakatukile, wayile mu ungeji wenyi.

Luka 1:2

chizechene ngwe atukunjikileyo, waze apwile yela ni tulala twa lie liji, chize ku uputukilo,

Yoano 3:27

Yoano wakumbulwile, ngwenyi, Mutu kahashile kutambula nichimwe shina mamwahacho kwilu.

Yilinga 18:24

Achi, umwe Ka-Yunda, jina lienyi Apolu, mukwa Alezandre ku munyachi wenyi, mukwa kulongoloka, wahetele ku Efwesu; iye mukwa tachi mu yisoneko.

Yilinga 19:1

Shimbu Apolu te achili ku Korindu, Paulu se hanapalika ndusu mu yifuchi yeswe ya ku tunda, wahetele ku Efwesu, wawanyine amwe tumbaji:

A-ROMA 15:16

Hanga ngukapwe kavumbi ka Kristu Yesu kuli akwa mavungu, nikulinga ngwe uvumbiko wa sasendote mu sango lipema lia Zambi, hanga akwa mavungu akapwe mulambu wa kupemena chikolo, kanausela ku usandu kuli Spiritu Musandu.

1 Korintu 12:28

Zambi hanase amwe mu chikungulwila, chitangu apostolo, chamuchiali aprofeta, chamuchitatu alongeshi, kulutwe lia wano tachi ja yipupu, mba kulutwe yawana ya vumbi ya kuhindwisa, kukwasa, kutondekeza, malimi eka ni eka.

1 Korintu 16:12

Alioze ha kutwala kuli ndumbu Apolu, naliumbile chikolo kuli iye, akaye kuli yenu hamwe ni mandumbu; alioze kuchapwile upale wenyi kuya haliapwila, chipwe hakehe, alioze kumakaya muze mawana mwaka upema.

1 Korintu 3:10

Nikulita ni vumbi lia Zambi lize anguhele, ngwe chilangaji wa lutwe wa mana, yami nasele fundamentu, mukwo matungaho. Alioze mutu ni mutu akakanyame ngwe chize matungaho.

1 Korintu 3:22

chipwe Paulu, hanji Apolu, hanji Sefwa, hanji hano hashi, hanji mwono, hanji kufwa, hanji yuma ya haliapwila, hanji yuma yize muyizaho; yeswe niyenu;

1 Korintu 3:7

Chocho, chipwe yoze wakutumba hi chimwe ko, chipwe yoze Wakuhinjila, ka; alioze Zambi yoze wakutatwisa.

1 Korintu 9:17

Mumu kachi mungulinga chino ku upale wa yami mwene, kachi mungupwa ni fweto: alioze kachi hi ku upale wa yami mwene ko, kanangukunjika uselo.

2 Korintu 11:23

O tuvumbi twa Kristu, nyi? (Ngunahanjika ngwe ngunazaluka) yami nahianaho; nikukilikita kuhiana chikolo, mu mazuwo ja ususu kuhiana chikolo, ni mijiji yahiana naye, ni kufwa kanji.

2 Korintu 3:3

chinasoloka ngwe nuli mukanda wa Kristu, wa kulinga kuli yetu, kuunasonewa hi ni ulombo ko, alioze ni Spiritu ya Zambi ya mwono; hi ha mawe ko, alioze ha mbunge ja musunya.

2 Korintu 3:6

Iye Mwene hanatuhashisha ngwe tuvumbi twa usendo waha; hi wa ku lusona ko, alioze wa kuli Spiritu: mumu lusona kakushiha, alioze Spiritu kakupwisa ni mwono.

2 Korintu 4:1

Kashika se uvumbiko uno tuli nawo, nikulita ni keke yino hitunawane, kutushi kulezumioka:

2 Korintu 4:5

Mumu kutushi kuliambujola yetwene, alioze Kristu Yesu mwe Mwene, ni yetwene ndungo jenu mumu hali Yesu.

2 Korintu 4:7

Alioze upite uno tuli nawo mu yikwachilo ya uma, hanga kuhiana cha tachi chikapwe cha kuli Zambi, hi cha kuli yetwene ko.

2 Korintu 5:18

Alioze yuma yeswe, ya kuli Zambi, yoze hanatuwanyisa ni iye mwene, ku tachi ja Yesu Kristu, hanatwehe uvumbiko wa uwanyino;

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

2 Korintu 6:4

alioze ni yuma yeswe tukasolole chinyingi ngwe tuvumbi twa Zambi, ni uhumikizo wunji, ni luyinda, ni huli, ni kupinda,

Efesu 3:7

Ha lienalio angupwishile kavumbi, nikulita ni chawana cha vumbi lia Zambi lize anguhele, nikulita ni kulinga cha tachi jenyi.

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.

Kolosu 1:25

Ha chiyo yami kunapwa kavumbi nikulita ni uselo wa Zambi, uze anguhele hali yenu, mukumanununa liji lia Zambi.

1 Timoteu 1:12

Nakusakwilila yoze wakunguhashisa, iye Kristu Yesu Mwene wetu, mumu Wangumwene nguli wamwenemwene, hangusela ku uvumbiko;

1 Petulu 4:10

Mweswe nikulita ngwe hanatambula chawana cha vumbi, alinge nacho umwe kuli mukwo ni mukwo, ngwe tuselo apema a vumbi lieka ni lieka lia Zambi.