1 Korintu 3:3 - MUKANDA USANDU WA ZAMBI 1975

³ Mumu nuchili akwa musunya: mumu se kuyili hakachi kenu, ni ukwa, ni vunda, ni kuhangujola, hi nuli akwa musunya ko, nyi? Kunwendele nikulita ni atu, nyi?

Mukanda Wa Zambi 1970

³ mumu ndoo ni haliabwila nuchili ni ndako yibi ya utu. Nyi hakachi kenu nuli ni ukwa ni kulihamika, yuma ngwe yize kuyishi kulweza ngwo, kunushi ni Mwiku wa Zambi, nyi? Kuyishi kulweza ngwo, nwakwenda nikulita ni ndako yibi ya uutu, nyi?

1 Korintu 3:3 Iomraidhean Croise

Hosea 6:7

O hanatangula usendo chizechene ngwe Alama; hanalingi ni mafwefwe kuli yami.

A-ROMA 13:13

Twendenu ngwe chinalite, ngwe mu mwalwa; hi mu chimbangwinya ko, hi ni kuzengewa ko, hi ni ukoi ko, hi ni ujila ko, hi ni vunda ko, hi ni ukwa ko.

1 Korintu 1:10

Achi, ngunaliumbu kuli yenu, mandumbu, ku jina lia Mwene wetu Yesu Kristu, nukahanjike chuma chimuwika, kanda nulihandunyona hakachi kenu; alioze nukalinunge hamuwika ni kunyonga chimuwika ni upatwilo umuwika.

1 Korintu 1:11

Mumu hanangulwezecho ha kutwala kuli yenu, mandumbu jami, kuli akwa zuwo lia Choe, ngwo, Kuchili kulihangujola hakachi kenu.

1 Korintu 11:18

Mumu chitangu, muze munukunguluka, ngunevu ngwo, Kulihandununa kuchili hakachi kenu; mba ngunachifuliela hakehe.

1 Korintu 3:4

Mumu muze umwe mamba ngwenyi, Ami nguli wa Paulu; ni mukwo ngwenyi, Ami nguli wa Apolu; hi nuli akwa musunya ko, nyi?

2 Korintu 12:20

Mumu ngunevu woma kuchina hanji muze mungwiza mungunuwana ngwe chize chazangile, ni yami mwene mununguwana ngwe chize yenu kunwazangile; kuchina hanji mukukapwa vunda, ni ukwa, ni ufwatulo, ni kulimanangana, ni kakowelo, ni kalundanganyishi, ni kulifuza ni yizungozungo.

Galashia 5:15

Alioze kachi munulisuma nikuliwumbula umwe ni mukwo, kanyamenu kuchina munuluka.

Titu 3:3

Mumu yetwene nawa ha miaka ya kunyima twapwile yihepuke, yihulia, nikupianguka, nikulingila usolo weka ni weka ni kuwaha cheka ni cheka, nikwenda mu uhuka ni lufwachinda, akwa kole, nikulivwila kole umwe ni mukwo.

Tiangu (Jake) 3:16

Mumu kuze kuuli ukwa ni kulimanangana, kuze kwene kuli vunda ni yilinga yeswe yipi.

1 Petulu 4:2

hanga kunuchi katwama nawa mu musunya ha miaka yenu yize yinasala, mukulinga usolo wa atu, aiioze mukulinga upale wa Zambi.