1 Korintu 3:16 - MUKANDA USANDU WA ZAMBI 1975

¹⁶ Te kunwanyingikine, yenu nuli tembele ya Zambi, ni Spiritu ya Zambi katwama muli yenu.

Mukanda Wa Zambi 1970

¹⁶ Kunwanyingikine ngwenu, nuli zuwo lia Zambi, ni Mwiku wa Linanga watwama muli yenu, nyi?

1 Korintu 3:16 Iomraidhean Croise

Ezekiel 36:27

Mba mungukasa Spiritu yami muli yenu; mungukanwendesa nikulita ni yiyulo yami, munukatala kanawa kufunga shimbi jami.

Yoano 14:17

Iye Spiritu ya umwenemwene: mwenawo akwa hashi kahashile kumutambula; mumu keshi kumumona, chipwe keshi kumunyingika; alioze yenu nwakumunyingika; mumu katwama hamwe ni yenu, iye kumakapwa muli yenu.

A-ROMA 6:16

Kunwanyingikine, nyi? Yoze kuli iye munulitumbikila ndungo mukumwononokena, nuli ndungo ja yoze munumwononokena; chipwe ja shili ya kutwala ku kufwa, hanji ja kwononoka cha kutwala ku ululi?

A-ROMA 6:3

Shina nunalajala, nyi? Ngwe yetu eswe hanatupapachisa muli Kristu Yesu, hanatupapachisa mu kufwa chenyi?

A-ROMA 8:11

Alioze kachi Spiritu ya yoze wahindwishile Yesu hakachi ka afu watwama muli yenu, kachi yoze wahindwishile Kristu Yesu hakachi ka afu, makapwisa ni mwono nawa mijimba yenu ya kufwa mumu hali Spiritu yenyi yoze watwama muli yenu.

A-ROMA 8:9

Alioze yenu hi nuli mu musunya ko, alioze muli Spiritu, kachi chamwenemwene Spiritu ya Zambi watwama muli yenu. Alioze kachi umwe keshi ni Spiritu ya Kristu, auze hi niwenyi ko.

1 Korintu 3:17

Kachi umwe malumbula tembele ya Zambi, kachi Zambi makamulumbula; mumu tembele ya Zambi yisandu, yenayo nunapu yenu.

1 Korintu 3:9

Mumu tuli akwa milimo-ni-akwo ja Zambi, yenu nuli ulime wa Zambi, chitunga cha Zambi.

1 Korintu 5:6

Kulisamba chenu kuchawahile. Kunwanyingikine futunwiso yikepe muyifutunwisa mwaha weswe, nyi?

1 Korintu 6:16

Kuma, kunwanyingikine nyi, yoze malinunga ni chikoi mapwa mujimba umuwika? Mumu kanambe ngwenyi, E aali kumakapwa musunya umuwika.

1 Korintu 6:19

Kuma, kunwanyingikine nyi, mujimba wenu unapu tembele ya Spiritu Musandu, yoze uli muli yenu, yoze nuli nenyi wa kuli Zambi? Hi nuli a yenwene ko;

1 Korintu 6:9

Hanji kunwanyingikine yihenge kechi kahinga wanangana wa Zambi. Kanda nulionga: chipwe mapangala, chipwe akwa kukombelela mahamba, chipwe yitanji, chipwe akwa luchisa, chipwe akwa utumwa,

1 Korintu 9:13

Kunwanyingikine, nyi? Waze akulingila yuma yisandu kakulia yuma ya ku tembele, ni waze akulingila ku chilumbilo, kakupwa ni chihanda cha ku chilumbilo?

1 Korintu 9:24

Kunwanyingikine, nyi? Ngwo, Waze mazomboka muma mwa kuzomboka, mazomboka eswe, alioze umuwika matambula kwononona? Chocho zombokenu, hanga nukazuke.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

1 Timoteu 3:15

Alioze kachi munguvumiwa chikolo, hanga ukanyingike ngwe chatamba kwenda mu zuwo lia Zambi, che chikungulwila cha Zambi ya mwono, lie nguji ni fundamentu ya umwenemwene.

2 Timoteu 1:14

Chize chuma chipema akukunjikilecho, funga ku tachi ja Spiritu Musandu, yoze wakutwama muli yetu.

Hebreu 3:6

Alioze Kristu ngwe mwe Mwana helu lia zuwo lienyi; yetu tuli zuwo lienyi nyi chamwenemwene mutulalaminya ku hamu lietu ni kulisamba cha kutalatala chetu cha ngú, ndo ku songo.

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

1 Yoano 4:12

Niumwe wamwene Zambi niumwe mwaka: kachi mutulizanga umwe ni mukwo ni mukwo, kachi Zambi matwama muli yetu, ni zango lienyi mulipwa lingunu muli yetu.