1 Korintu 3:12 - MUKANDA USANDU WA ZAMBI 1975

¹² Alioze kachi umwe matunga ha fundamentu yino, oru, prata, mawe alemu, mutondo, mwambu, yiswaswa:

Mukanda Wa Zambi 1970

¹² Ha kutanga ha fundamentu yize, amwe maatunga ni oru, hanji ni prata, hanji ni mawe alemu. Akwo maatunga ni mitondo, hanji ni mwambu, hanji ni yiswaswa.

1 Korintu 3:12 Iomraidhean Croise

Miaso (Masamu) 119:72

Shimbi ya mu kanwa lie yanguwahila kuhiana tununu twa oru ni prata. Yote

Miaso (Masamu) 19:10

Shinaho kuyizanga kuhiana oru, ewa, chipwe oru yinji yipema. Yahiana kuyema, chipwe wuchi uze muusotwoka ku chishila, kunyima.

Kutuhuka 5:12

Chocho e atu alimwangine ndusu mu chifuchi cheswe cha Engitu mukukonga shachi ajitenge ngwe mwambu.

Yishima 16:16

Kuzuka mana chawaha kuhiana oru. Ewa kutongola malinjekela chawaha kuhiana prata.

Yishima 30:6

Kanda uweza ku maliji jenyi kuchina makukanjisa mba makumona uli mukwa mahuza.

Yishima 8:10

Tambula kufumba chami, chahiana prata. Tambula chinyingi chami, chahiana oru yipema.

Izaya 60:17

Ha unengu mungukasalakanyisa oru, ha utale mungukasalakanyisa prata, ha mutondo mungukasalakanyisa unengu, ha mawe mungukasalakanyisa utale. Ha tulayi twenu mungukanusela sambukila; ha tupita mungukanusela ululi.

Jeremia 23:28

Profeta mweswe kali ni chilota akachaule chilota chenyi, alioze mweswe kali ni liji liami ahanjike liji liami ni umwenemwene. Yehova kanambe ngwenyi, Mwambu wamokomoko ni tiliku kuyinalifu te?

Yilinga 20:30

Hakachi ka yenwene nawa kumakasoloka malunga akwa kuhanjika yuma ya kupiya, mukukoka tumbaji kunyima yo.

A-ROMA 16:17

Haliapwila ngunaliumbu kuli yenu, mandumbu, nukase chinyingi waze akuuhandununa, ni waze akutalingisa, cha kulimika ni longeso lize nwalilongesele, nukaakondoloke.

1 Korintu 3:11

Mumu fundamentu yikwo niumwe mahasa kusa shina yize hanase, yenayo Yesu Kristu.

1 Korintu 3:13

kumakasolola chitanga cha mutu ni mutu mumu lie tangwa mulikachilweza, mumu makachisolola ni kahia; kahia kumukakeseka chitanga cha mutu ni mutu chize muchipwa.

2 Korintu 2:17

Mumu yetu kutwapwile ngwe anji, nikusepa liji lia Zambi: alioze ngwe akwa kutuwika ku mbunge, alioze ngwe a kuli Zambi, kumeso ja Zambi, twakuhanjika muli Kristu.

2 Korintu 4:2

alioze hitunalituna yuma ya kuhengama ya sonyi; kutwendele ni kalimbavuli, chipwe kutwalongesele liji lia Zambi ni kalimbalimba; alioze ha kwambulula umwenemwene, twakusoloka kanawa ku mbunge ya atu eswe kumeso ja Zambi.

Kolosu 2:8

Kanyamenu kuchina umwe manuhupa ni mana jenyi a kwonga nikulembejeka chamokomoko, nikulita ni ndongo ja atu, nikulita ni manyonga a hano hashi, hi a Kristu ko.

1 Timoteu 6:3

Kachi umwe malongesa longeso lieka, keshi kutayiza ku maliji angunu, aze a Mwene wetu Yesu Kristu, ni ku longeso lize liakulita ni uwayilo;

2 Timoteu 2:20

Achi, mu zuwo linene muyili yikwachilo, hi ya oru ni ya prata wika ko, alioze muyili nawa ya mutondo, ni ya uma; yimwe ku ulemu, ni yikwo ku ulelu.

2 Timoteu 3:13

Alioze yingulungulu ni akwa kwonga kumakapiha kuhiana, nikupiangula, nikupianguka.

2 Timoteu 3:7

Kakulilongesa matangwa eswe, alioze nilimwe tangwa keshi kuheta ku chinyingi cha umwenemwene.

2 Timoteu 4:3

Mumu mwaka muukapwa muze kechi kulihumikiza ni longeso lingunu; alioze mapwa ni matwi a kuzwa, makalilunjikila alongeshi nikulita ni usolo wo ene.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

1 Petulu 1:7

hanga kweseka cha Ufulielo wenu, ulemu wahiana chikolo oru yize ya kutoka, chipwe mayeseka ni kahia, akauwane wa uhaliso ni uhenya ni ulemu ha usolwelo wa Yesu Kristu:

Usolwelo 2:14

Alioze yuma yikehe ngukuli nayo, mumu uli no koko waze akulalaminya ku longeso lia Mbalau, yoze walongesele Mbalake kutela chitalingiso kulutwe lia ana ja Izalele, mukulia yuma yize hanayitambula yitapo ku mahamba, mukulinga utanji.

Usolwelo 21:18

Atungile chipanga chalio ni jasepe: ni limbo liapwile ni oru yipema ngwe katalilo mupema.

Usolwelo 3:18

Ngunakwehe mana ngwami, Ulande kuli yami oru ya kusaya ku kahia, hanga ukapwe pichi, ni mahina atoma hanga uzale, hanga sonyi ja uselesele we kujichi kusoloka; ni yitumbo ya meso ya kukwita meso je, hanga umone.