1 Korintu 2:9 - MUKANDA USANDU WA ZAMBI 1975

⁹ Alioze nikulita ngwe chinasonewa ngwo, Yuma yize meso kayimwene, ni matwi kayivwile, kuyanjilile mu mbunge ya mutu, yuma yize hanalulika Zambi hali waze akumuzanga.

Mukanda Wa Zambi 1970

⁹ Alioze ngwe hichinasonewa mu Mukanda wa Zambi ngwo: “Yuma yize mutu niumwe kaamwene ko hanji keevwile ko nilimwe tangwa, yuma yize mutu niumwe kanyongene ngwenyi, muyihasa kubwa, yenayo Zambi alulikilile waze akumuzanga.”

1 Korintu 2:9 Iomraidhean Croise

Miaso (Masamu) 31:19

Utu we walumbama, uze hiwatulikila waze akukuvwila woma. Wenawo hiwalingila atu aze aswama muli yena kumeso ja ana ja atu.

Izaya 64:4

Chize ku shakulu niumwe kandevwa, chipwe kusa chinyingi ni matwi jenyi, nilimwe liso kanda limona umwe Zambi shina yena mwene, yoze wakulingila akwa kumutwaminyina.

Izaya 65:17

Mungutanga lilu liaha ni hashi haha, ni yuma ya kushi kechi kayiwuluka nawa, chipwe kuyinyonga.

Mateu 20:23

Iye ngwenyi, Kumunukanwa chamwenemwene musenge wami, kumakanupapachisa ni upapachiso uze mangupapachisa nawo; alioze kutwama ku chindume chami, hanji ku chimeso chami, hi nichami ko kuhana; alioze chili hali waze hanaalulikilacho kuli Tata.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

Hebreu 11:16

aiioze haliapwila kakuzanga chifuchi chimwe chahiana, te chize cha mwilu: kashika Zambi keshi kwavwila sonyi, akamuvuluke ngwo, Zambi yetu; mumu hanaalulikila limbo.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

1 Petulu 1:12

Aalwezele ngwe, hi kuli ayo ko, aiioze kuli yetu atuvumbikile ni yino yuma, yize haliapwila hananwambulwilayo ku makanwa ja akwa kwambujola, muli Spiritu Musandu kanatumiwa mwilu; yuma yize angelo kakwivwa usona kuhengulamo.

1 Yoano 4:19

Yetu twakuzanga, mumu iye waliangile kutuzanga.