1 Korintu 2:7 - MUKANDA USANDU WA ZAMBI 1975

⁷ alioze twakuhanjika mana ja Zambi mu chijimbikilo, te mana a kuhengama, aze Zambi wafunjikile shimbu kanda kushi lia miakulwila, ha uhenya wetu.

Mukanda Wa Zambi 1970

⁷ Mana waze nakulongesa kali mana a chijimbikilo cha Zambi, waze ahengamine kuli atu. Zambi hanatongola mana waze, mumu ha uhenya wetu, muze te kanda achitanga hashi.

1 Korintu 2:7 Iomraidhean Croise

Miaso (Masamu) 78:2

Mungupakula kanwa liami ni chishima. Mungwambulula yijimbikilo ya shakulu,

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 13:35

hanga chikamanunuke chize ahanjikile ku kanwa lia profeta ngwo, Kumungukapakula kanwa liami ni yishima: Mungukanduka yuma ya kuhengama chize ku kusela cha fundamentu ya hashi.

A-ROMA 11:25

Mumu chazangile yenu, mandumbu, kwalajala ha chijimbikilo chino, kuchina munukanyama ni kutaka cha yenwene, ngwe kukalisa ha chihanda hichawana A-Izalele, ndo ku kuzala tò cha akwa mavungu muchiza:

A-ROMA 8:29

Mumu waze waanyingikine Shimbu-kanda, waafunjikile Shimbu-kanda nawa, hanga akaatese ni kulifwa cha Mwanenyi, hanga iye akapwe mutangu hakachi ka ana akwo anji:

A-ROMA 8:30

mba waze waafunjikile Shimbu-kanda, o nawa waatambikile; ni waze iye waatambikile, o nawa waasambishile; ni waze iye waasambishile, o nawa waahele uhenya.

1 Korintu 2:1

Yami, mandumbu, muze nejile kuli yenu, chejile ni kulenga cha maliji, hanji ni mana, nikwambujola kuli yenu Shindakenyo ya Zambi.

Efesu 1:4

nikulita ngwe atutongwele muli iye, shimbu te kanda asela fundamentu ya hashi, hanga tukapwe asandu, kutushi kapalia kumeso jenyi.

Efesu 3:10

hanga haliapwila akanyingikise mawanangana ni yiyulo mu malilu, ku chikungulwila, milali yeka ni yeka ya mana a Zambi.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

Hebreu 1:2

ha kusula songo lia matangwa ano, hanahanjika kuli yetu muli Mwanenyi, yoze hanamupwisa swana ya yuma yeswe, ku tachi jenyi nawa watangile miaka.

Hebreu 11:3

Ku Ufulielo chatulumbunuka ngwe atesele miaka ku liji lia Zambi, chocho chize chakumoneka kachitangile ku yuma yize yakusoloka.

1 Petulu 1:11

nikuhengula ha chize, hanji mwaka uze, Spiritu ya Kristu, yoze wapwile muli ayo wenyikine, muze ashindakenyene Shimbu-kanda ha lamba lia Kristu, ni uhenya uze muukapwa kulutwe.

1 Petulu 5:1

Makulwana hakachi kenu, ngunaashinjila, yami nguli mukulwana-ni-mukwo, ni chela cha lamba lia Kristu, yami nawa nguli mukwa kulianyina ha uhenya uze himuusoloka:

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

2 Petulu 1:3

Se tachi jenyi ja Uzambi hijinatwehe chawana yuma yeswe ya kutwala ku mwono ni uwayilo, ku chinyingi cha yoze watutambikile ni uhenya wenyi mwene ni kuhiana chenyi mwene.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.