1 Korintu 2:6 - MUKANDA USANDU WA ZAMBI 1975

⁶ Alioze twakuhanjika mana hakachi ka angunu: hindu hi mana ja mwakono ko, chipwe hi mana ja miata ja mwakono ko, aze meza kuhwa:

Mukanda Wa Zambi 1970

⁶ Alioze nakulongesa ni mana, atu angunu mu ufulielo. Hindu hi ni mana ja mwakono ko, chibwe ni mana ja akwa kuyula ja mwakono, waze chiyulo cho muchikahwa.

1 Korintu 2:6 Iomraidhean Croise

Hebreu 5:14

Alioze kulia cha tachi kuchapwa hali waze hakola, waze mumu ha mukunda wa kulijilila, mana jo akwete a kulifumba, akase chinyingi hakachi ka chize chipema ni chipi.

Tiangu (Jake) 3:15

Mana ano hi mana a kuhulumuka kwilu ko, aiioze a hashi, a musunya, a Ndiapu.

2 Korintu 4:4

muli ayo zambi ya mwakono hanapupuchisa manyonga ja waze keshi kufuliela, hanga kupanguka cha sango lipema lia uhenya wa Kristu, Mwenawo che kulifwa cha Zambi, kuchichi kapanguka hali ayo.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

1 Korintu 2:8

Aze niumwe wa kuli miata ja mwakono kaanyingikineko, mumu kachi aanyingikine, kachi kahachilile ha kulusu Mwene wa uhenya.

1 Korintu 1:28

ni yuma yilelu ya hano hashi, ni yuma yamokomoko, Zambi hanatongola, ewa, ni yuma yize yakuhi, hanga akahwise yuma yize kuyili:

Kolosu 4:12

Mukwenu Epafwa, ndungo ya Kristu Yesu, kananumeneka, matangwa eswe nikulitachika chikolo hali yenu mu yilemba yenyi, hanga nukamane ngú, angunu, akwa kulisela chinyingi liakulu mu upale wa Zambi.

Efesu 2:2

mu yenayo ha miaka ya kunyima nwendele nikulita ni ndako ya hano hashi, nikulita ni mwata wa chiyulo cha mu tetela, Spiritu yoze haliapwila wakulinga muli akwa uhulia.

Mateu 5:48

Kashika pwenu angunu, ngwe Tatenu wa mwilu kapwa mungunu.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

Miaso (Masamu) 33:10

Yehova kakupwisa yamokomoko yiyulo yeswe ya mavungu; manyonga eswe a atu kakwapwisa amokomoko.

Jobe 12:21

Kakuzukwila sau hali alemu; kakukokolola tachi ja akwa ndundo.

Jobe 12:19

Kakutwala asasendote a kupupa; kakununguna akwa ndundo.

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Tiangu (Jake) 3:2

Mumu yetu eswe twakutalinga kanji, kachi umwe keshi kutalinga ha liji, iye mutu mungunu, kanahase kuhombola mujimba weswe nawa.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

1 Korintu 14:20

Mandumbu, kanda nupwa ana mu kunyonga chenu: hindu mu uhuka pwenu ana-akemba, alioze mu kunyonga pwenu makulwana.

1 Korintu 2:13

Ye yize twakuyihanjika, hi ni maliji aze ko mana ja atu akulongesa; alioze aze Spiritu kakulongesa; nikupalakenya yuma ya uspiritu ni uspiritu.

1 Korintu 2:1

Yami, mandumbu, muze nejile kuli yenu, chejile ni kulenga cha maliji, hanji ni mana, nikwambujola kuli yenu Shindakenyo ya Zambi.

Luka 16:8

Mwene wenyi wahalishile kaselo ka uhenge, mumu walingile ni ukanyame, mumu akwa mwaka uno ha chisemuko cho ene kanakanyama kuhiana akwa pangu.

Mateu 19:21

Yesu ngwenyi, Kachi unazange kupwa mungunu, yako, ulanjise yize uli nayo, Ukahane kuli yiswale, mba kumuopwa ni upite mwilu; wize, ungukaule.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Izaya 40:23

Kakupwisa alemu ngwe amokomoko, akwa kuyula hashi kakwahwisa ngwe nichimwe.

Miaso (Masamu) 37:37

Usele chinyingi hali mutu mungunu; tala mwe mukwa kululama, mumu songo lienyi mulipwa sambukila.

Miaso (Masamu) 146:4

Mwiku wenyi wamukatuka, mahilukila ku mavu jenyi. Tangwa lio liene manyonga jenyi majimuka.

1 Korintu 3:1

Yami, mandumbu, Chahashile kuhanjika kuli yenu ngwe kuli akwa uspiritu, alioze ngwe kuli akwa musunya, ngwe kuli anaakemba muli Kristu.

1 Korintu 12:8

Mumu muli Spiritu mahana kuli umwe, liji lia mana; kuli mukwo, liji lia chinyingi; nikulita ni Spiritu umuwika;

2 Korintu 4:3

Nyi kachi sango lietu linafukiwa, linafukiwa kuli waze anatoko:

Kolosu 1:28

Iye twakumwambujola, nikukanyamisa mutu ni mutu, nikulongesa mutu mweswe ni mana eswe, hanga tukatumbikile mutu ni mutu mungunu muli Kristu.

Hebreu 6:1

Kashika nikuhichika liji lia uputukilo lia Kristu, tusenyenu kulutwe ku ungunu; kanda tusela cheka nawa fundamentu ya kulikonyeka ku yitanga ya kufwa, ni Ufulielo kuli Zambi,