1 Korintu 2:4 - MUKANDA USANDU WA ZAMBI 1975

⁴ Liji liami ni kwambujola chami kuyapwile ni maliji a kukununa ni mana ja atu, alioze ni kukumika cha Spiritu ni tachi:

Mukanda Wa Zambi 1970

⁴ Longeso liami ni kwambujola chami kuyabwile ni maliji a kukununa nikulita ni mana ja atu, alioze yabwile ni shindakenyo ya ndundo ja Mwiku wa Linanga.

1 Korintu 2:4 Iomraidhean Croise

Yishima 20:19

Mweswe mendangana ni kalundanganyishi masolola yuma ya kuhengeka, kashika kanda uliendela ni mukwa kupepieka ni mivumbo yenyi.

Yishima 7:21

Ni ulembekese wenyi wunji yamukumba. Yamushinjila ni kupepieka cha mivumbo yenyi.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Ezekiel 13:6

Hanahanjika mahuza; hanatahe cha kwonga. Kakwamba ngwo, Yehova kanambe, alioze Yehova kaatumine, hindu kanafuliela ngwo, Iye makamanununa liji lietu.

Yilinga 20:27

Mumu chalitwaminyine kwambujola kuli yenu mana eswe a Zambi.

Yilinga 26:28

Akripa wambile kuli Paulu ngwenyi, Chikepe chinasala mba unangukununa kupwa mukwa Kristu.

A-ROMA 15:13

Zambi ya kutalatala akanuzalise ni uwahililo weswe ni sambukila yeswe ha kufuliela, hanga nukalumbame mu kutalatala ku tachi ja Spiritu Musandu.

A-ROMA 15:19

ni tachi ja yilayi ni yipekesa, ni tachi ja Spiritu Musandu; chocho chize ku Yerusaleme, nikujinga ndo ku Iliriku, hingunamanununa kwambujola sango lipema lia Kristu:

A-ROMA 16:18

Mumu waze keshi kulingila Mwene wetu Yesu Kristu, alioze kakulingila jimo lio ene; ni ku maliji a kulembejeka, ni kutangujola, kakwonga mbunge ja atu alelu.

1 Korintu 1:17

Mumu Kristu kangutumineko mukupapachisa, alioze mukwambujola sango lipema: hi ni mana ja maliji ko, kuchina hanji kulusu ya Kristu mayipwisa yamokomoko.

1 Korintu 2:1

Yami, mandumbu, muze nejile kuli yenu, chejile ni kulenga cha maliji, hanji ni mana, nikwambujola kuli yenu Shindakenyo ya Zambi.

1 Korintu 2:13

Ye yize twakuyihanjika, hi ni maliji aze ko mana ja atu akulongesa; alioze aze Spiritu kakulongesa; nikupalakenya yuma ya uspiritu ni uspiritu.

1 Korintu 4:20

Mumu wanangana wa Zambi hi ni liji ko, alioze ni tachi.

2 Korintu 6:6

ni kulinanga, ni yinyingi, ni uhomboloji, ni utu, ni Spiritu Musandu, ni zango lize kulishi ulembekese,

Galashia 1:10

Mumu haliapwila ngunafupu shina kuwahila atu nyi, shina kuwahila Zambi? Shina ngunafupu kupemena kuli atu, nyi? Kachi nguchili nikupemena kuli atu, kachi hi nguli ndungo ya Kristu ko.

Kolosu 2:4

Chino ngunambe, hanga niumwe kanda anwonga ni maliji a kulembejeka.

1 Tesalonika 1:5

Mumu sango lietu lipema kuliejile kuli yenu ni liji wika, alioze ni tachi nawa, ni Spiritu Musandu, ni kukununa chinji; chizechene ngwe nunanyingika chize twapwile hakachi kenu mumu hali yenu.

1 Petulu 1:12

Aalwezele ngwe, hi kuli ayo ko, aiioze kuli yetu atuvumbikile ni yino yuma, yize haliapwila hananwambulwilayo ku makanwa ja akwa kwambujola, muli Spiritu Musandu kanatumiwa mwilu; yuma yize angelo kakwivwa usona kuhengulamo.

2 Petulu 1:16

Mumu kutwakawile yishima ya kutaka ni mana amokomoko, muze twanunyingikishine tachi ni kuheta cha Mwene wetu Yesu Kristu, aiioze twapwile yela ja ulamba wenyi.

2 Petulu 2:18

Mumu nikuhanjika maliji anene a kulivwimba amokomoko, kakusondojola mu usolo wa musunya, ni ujila, waze anambe kwomboka kuli waze akwenda mu maliji a kupiangula.

Akwa Kuyula 14:15

Ha tangwa liamuchiwana o yamba kuli pwo lia Samasone ngwo, Lembejeka mukwenu-lunga atulweze chijimbikilo chino, nyi ka mutunwocha ni kahia, ni yena ni akwa zuwo lia tatenu. Watulakenyene kuno kutuneha ku uswale nyi?

Akwa Kuyula 16:5

Miata ja A-Filistea ejile kuli iye ngwo, Umulembejeke unyingike kuze kwatwama tachi jenyi jinene, ni chize mutuhasa kumukumba, tumukase nikumuhombwesa, mba mweswe wa kuli yetu mutukwaha kumi lia kulakaji ni kulakaji umuwika wa mbongo ja prata.