1 Korintu 15:2 - MUKANDA USANDU WA ZAMBI 1975

² ku lienalio hananulamwina, kachi munukalalaminya liji lize nanwambujolele, shina nwafulielele chamokomoko.

Mukanda Wa Zambi 1970

² Sango jino jakunulamwina, nyi nwakujifunga. Nyi ka, ufulielo wenu muubwa wamokomoko.

1 Korintu 15:2 Iomraidhean Croise

Yishima 23:23

Landa umwenemwene, kanda uulanjisa; chipwe mana, ni lufumbo, ni malinjekela.

Yishima 3:1

Mwanami, kanda uvulama longeso liami. Mbunge ye yikafunge shimbi jami,

Yishima 4:13

Kakaminya ku kufumba chami, kanda uchehuka. Uchifunge kanawa mumu chapwa mwono we.

Luka 8:13

Alioze waze ha liwe, waze muze hevwa, matambula liji ni uwahililo; ni wano keshi miji, mafuliela ha kashimbu, ni ha mwaka wa cheseko masulumioka.

Yilinga 2:47

nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

Yilinga 8:13

Semone mwene wafulielele: ni muze te hamupapachisa, wanyongonwene ni Fwilipe; iye, ha kumona yipupu yize alingile, walishikishilile.

A-ROMA 1:16

Mumu chishi kwivwa sonyi ha sango lipema: mumu kuliapwa je tachi ja Zambi ha ulamwino kuli mweswe mafuliela; hatangu kuli A-Yunda, ni kuli A-Ngresia nawa.

A-ROMA 11:22

Mba talenu, utu ni ukalu wa Zambi: kuli waze alimbukile, ukalu; alioze kuli yena, utu wa Zambi, kachi munyongonona mu utu wenyi: nyi ka, yena nawa kumakakupatulaho.

1 Korintu 1:18

Mumu liji lia kulusu linapu uhepuke kuli waze anatoko; alioze kuli yetu, hanatulamwina, linapu je tachi ja Zambi.

1 Korintu 1:21

Se nikulita ni mana ja Zambi, akwa hashi ni mana jo kanyingikineko Zambi, chawahilile Zambi ni uhepuke wa kwambujola kulamwina waze anafuliela.

1 Korintu 11:2

Achi, ngunanuhalisa, mandumbu, nwakungwiwuluka ha yuma yeswe; nwakukakaminya ku je ndongo, chizechene ngwe nanukunjikilejo.

1 Korintu 15:14

Nyi kachi kahindwishile Kristu, kachi kwambujola chetu chamokomoko, ni Ufulielo wenu nawa wamokomoko.

2 Korintu 2:15

Mumu tuli lupembo mupema wa Kristu kuli Zambi muli waze anaalamwina, ni muli waze anatoko;

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

Galashia 3:4

Nwevwile lamba lipwa haha chamokomoko, nyi? Kachi chamwenemwene hichapwa chamokomoko.

Efesu 2:8

Mumu ku vumbi hananulamwina, ku Ufulielo; ni chino hi cha kuli yenwene ko; chawana cha Zambi;

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.

2 A-TESALONIKA 2:15

Chocho mandumbu, manenu ngú, kakaminyenu ku ndongo jize anulongesele, chipwe ku liji, chipwe ku mukanda wetu.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

Hebreu 10:23

Tulalaminyenu ku kutayiza cha kutalatala chetu, nikulihiza ka; mumu yoze walakenyene iye mukwa jika.

Hebreu 2:1

Kashika chatutamba kupanjika kuhiana chikolo ku yuma yize twevwile, kuchina hanji mutusesumukako.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

Hebreu 3:6

Alioze Kristu ngwe mwe Mwana helu lia zuwo lienyi; yetu tuli zuwo lienyi nyi chamwenemwene mutulalaminya ku hamu lietu ni kulisamba cha kutalatala chetu cha ngú, ndo ku songo.

Hebreu 4:14

Kashika se sasendote mukwa lutwe munene tuli nenyi, yoze hanapalika ndusu mu malilu, Yesu mwe Mwana Zambi, tulalaminyenu ku kutayiza chetu.

Tiangu (Jake) 2:14

Kufumbuka chika, mandumbu jami, kachi umwe mamba ngwenyi, Ufulielo nguli nawo, aiioze keshi yitanga? Ufulielo muuhasa kumulamwina, nyi?

Tiangu (Jake) 2:17

Chizechene nawa Ufulielo, kachi kuushi yitanga, kachi kuunafu ukawawo.

Tiangu (Jake) 2:26

Mumu chizechene ngwe mujimba kuushi Spiritu kuunafu, chocho nawa Ufulielo kuushi yitanga kuunafu.