1 Korintu 13:5 - MUKANDA USANDU WA ZAMBI 1975

⁵ Kulishi kulinga ngwe kuchatele, kulishi kufupa yuma yenyi mwene, kulishi kutenuka nikawashi; kulishi kushinginyeka yipi;

Mukanda Wa Zambi 1970

⁵ Mukwa zango keshi kulinga chize kuchalitele, keshi kufupa yuma yenyi mwene, keshi kutenuka nikawashi, keshi kufunga kole.

1 Korintu 13:5 Iomraidhean Croise

2 Samuel 10:3

Alioze miata ja A-Amone yamba kuli mwene wo Hanune ngwo, Kanda nunyonga ngwe David kananutumu akwa kulembejeka hanga akalemese tatenu. Hi chocho ko. David hatuma tuvumbi twenyi kuli yenu akendese chihunda, akachimone kanawa, akachipupe.

Jobe 21:27

Ngunanyingika manyonga jenu, ni kutaka chenu kunguvulumuna.

Yishima 14:17

Mukwa kutenuka washi malinga ya uhepuke; mukwa kutaka yipi keshi kumuzanga.

Izaya 3:5

Atu malipinjisa umwe ni mukwo ni mukwo, mutu mweswe mapinjisa mulio, mutu mweswe mwenyembo wenyi; kanuke masaula mukulwana, ni wamokomoko mapinjisa mulemu.

Jeremia 11:19

Alioze napwile ngwe mwana-panga chimbovu wa kutwala ku chishihilo. Chanyingikine ngwami, Yami anatakila yuma ngwo, Tukenyeke we mutondo ni mihuko yawo; tukamuteteko ku chifuchi cha amwono, hanga akavulame jina lienyi ndo ku miaka.

Kwalula 12:3

Mwe lunga Mose wapwile mukwa kushimbika chikolo. Ha kushimbika iye wahianyine atu eswe apwile hashi.

Kwalula 16:15

Mose yatenuka chikolo, yamba kuli Yehova ngwenyi, Kanda ulemesa mulambu wo. Chatambwile kuli ayo chipwe chimbulu umuwika, chipwe kulinga chipi kuli umwe wa ayo, chamulingile chipi.

Kwalula 32:6

Mose yamba kuli A-Ngate ni kuli A Rupene ngwenyi, Kuma, usoko wenu maya ku jita nyi, mba yenu munutwama kuno?

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Mateu 9:4

Alioze Yesu, nikunyingika yishinginyeka yo, wambile ngwenyi, Kuchi te nunashinginyeka yuma yipi mu mbunge jenu?

Marku 3:5

Muze te hakengesa hali ayo ni utenu, nikwivwa chinyengo ha kukala cha mbunge jo, yamba kuli mutu ngwenyi, Olola kwoko lie. Iye waliolwele; ni kwoko lienyi liahindukile lingunu ngwe likwo.

Luka 7:39

Muze Ka-Fwariseu yoze wamulakenyene, achimwene, wambile mu mbunge ngwenyi, Yono nyi profeta manyingika yono pwo unamuse minwe, chize apwa, mumu iye chivulumunyi.

1 Korintu 10:24

Niumwe kanda afupa kufumbuka chenyi mwene, ahoze eswe akafupe kufumbuka cha mukwo.

1 Korintu 10:33

chizechene ngwe ni yami nawa nakupemena kuli atu eswe ha yuma yeswe, kuchapwile ngwe ngunafupu kufumbuka cha yami mwene, alioze kufumbuka cha anji, hanga akaalamwine.

1 Korintu 11:18

Mumu chitangu, muze munukunguluka, ngunevu ngwo, Kulihandununa kuchili hakachi kenu; mba ngunachifuliela hakehe.

1 Korintu 12:25

hanga kukuchi kapwa kulihandununa mu mujimba; alioze hanga yihanda yikapwe nikufunga chimuwika chimwe ha chikwo ni chikwo.

1 Korintu 7:36

Alioze kachi umwe nushinginyeka ngwe kalingile kanawa ni mwanenyi wa *virgem, kachi mahiana kukula cha miaka yenyi, kachi chatamba kupwa, akalinge chize mapala, keshi kuvulumuna, akamumbate.

2 Korintu 5:19

ngwetu, Zambi wapwile muli Kristu nikuwanyisa akwa hashi kuli iye mwene, kaasele milonga yo; iye hatukunjika lie liji lia uwanyino.

Galashia 5:13

Mumu anutambikile, mandumbu, nukatusuke; chino wika, kanda nukalumuna kutusuka chenu kaliongelo ka kulingila musunya, alioze ku zango lilingilenu umwe ni mukwo.

Filipu 2:21

Mumu o eswe kakufupa yuma ya ayo ene, hi yuma ya Yesu Kristu ko.

Filipu 4:8

Ha yize yinasala, mandumbu, yeswayo yamwenemwene, yeswayo kuyishi lwelia, yeswayo ya ululi, yeswayo yitoma, yeswayo yatela kufwila, yewsayo ya lufuma mupema; kachi kuhiana chimwe, kachi uhaliso umwe, nyongenu ha yino yuma.

2 A-TESALONIKA 3:7

Mumu nunanyingika yenwene ngwe chize Chanutamba kutwimbulula; mumu kutwendele ni kulumbuka hakachi kenu;

2 Timoteu 2:10

Ha chikuma chino nakunyongonona mu yuma yeswe, mumu hali waze hanaatongola, hanga akazuke ulamwino uze uli muli Kristu Yesu, hamwe ni uhenya wa mutolo.

2 Timoteu 4:16

Ha kukumbulula chami chitangu, niumwe kamanyine ni yami, alioze eswe angwehukile: kanda akaatwikacho.

Tiangu (Jake) 1:19

Nunanyingika chino, mandumbu jami a zango. Alioze mutu ni mutu alipupwise kwivwa, aiioze apwe makoke kuhanjika, makoke kutenuka;