1 Korintu 13:2 - MUKANDA USANDU WA ZAMBI 1975

² Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

Mukanda Wa Zambi 1970

² Chibwe mungubwa ni chawana cha Mwiku wa Linanga cha kuhanjika munanyi, chibwe mungubwa ni yinyingi yeswe, hanji ni ufulielo wa kututulula milundu, alioze nyi Chishi zango, nguli wamokomoko.

1 Korintu 13:2 Iomraidhean Croise

Mateu 13:11

Iye waakumbulwile, ngwenyi, Yenu hananwehecho kunyingika yijimbikilo ya wanangana wa malilu, alioze o kaahelecho.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Mateu 21:19

mba ha kumona mukuyu ku sesa lia jila, wakundamineko alioze kawanyineko nichimwe, shina mafwo wika; neye ngwenyi, Kanda ukema nawa mihuko ndo ku miaka ya mutolo. Haze hene mukuyu womine chau.

Mateu 21:21

Yesu wakumbulwile, ngwenyi, Pundu ngwami, Kachi munupwa ni Ufulielo, kunushi kuyambashana, hi chino ko wika halinga ku mukuyu munulinga, alioze chipwe kachi munwamba ku mulundu uno ngwenu, Tutuluka, ulimbile mu kalunga-lwiji, kumuchikapwa.

Yilinga 13:1

Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

A-ROMA 11:25

Mumu chazangile yenu, mandumbu, kwalajala ha chijimbikilo chino, kuchina munukanyama ni kutaka cha yenwene, ngwe kukalisa ha chihanda hichawana A-Izalele, ndo ku kuzala tò cha akwa mavungu muchiza:

A-ROMA 15:14

Yami mwene nawa ngunakunuka ha kutwala kuli yenu, mandumbu jami, ngwe yenwene nunazala tò ni upeme weswe, mwa tò ni yinyingi yeswe, nunahase nawa kulikanyamisa umwe ni mukwo ni mukwo.

A-ROMA 16:25

Haliapwila kuli yoze wahasa kunutakamisa, nikulita ni sango lipema lia yami ni kwambujola cha Yesu Kristu, nikulita ni usolwelo wa chijimbikilo, chize aswekele chize ku miakulwila,

1 Korintu 11:4

Lunga ni lunga malemba, hanji maprofeteza, kali ni chuma chimwe ha mutwe wenyi malelesa mutwe wenyi.

1 Korintu 12:28

Zambi hanase amwe mu chikungulwila, chitangu apostolo, chamuchiali aprofeta, chamuchitatu alongeshi, kulutwe lia wano tachi ja yipupu, mba kulutwe yawana ya vumbi ya kuhindwisa, kukwasa, kutondekeza, malimi eka ni eka.

1 Korintu 13:1

Chipwe munguhanjika ni limi lia atu ni angelo, alioze chishi zango, mungupwa ngwe ngunga yakuhanjika nge-nge-nge, hanji mikosa ya kunjatangila.

1 Korintu 13:3

Chipwe mungupangila yikumba yami yeswe mukulisa yiswale, chipwe mungukunjika mujimba wami akawoche, alioze kachi chishi zango, chafumbukile nichimwe.

1 Korintu 13:8

Zango kulishi kuhwa nilimwe tangwa: alioze chipwe uprofeto, kumakauhwisa; chipwe malimi kumakahwa; chipwe yinyingi, kumakayihwisa.

1 Korintu 14:29

Aprofeta ahanjike aali, hanji atatu; akwo apatwile.

1 Korintu 14:39

Kashika, mandumbu jami, fupenu chikolo nukaprofeteze, kanda nukakanjisa kuhanjika mu malimi.

1 Korintu 14:4

Yoze mahanjika mu limi malikolesa mwene; alioze yoze maprofeteza makolesa chikungulwila.

1 Korintu 15:51

Talenu, ngunanwambulwila chijimbikilo; yetu eswe kutuchi kaya tulo, alioze makatwalumuna eswe.

1 Korintu 16:22

Kachi umwe keshi kufwila Mwene, akashingiwe. Mwe Mwene kaneza.

1 Korintu 4:1

Mutu mweswe atumone ngwe tuvumbi twa Kristu, ni tuselo twa yijimbikilo ya Zambi.

1 Korintu 7:19

Ungalami hi chimwe ko, ni ulima hi chimwe ko, alioze nukafunge shimbi ja Zambi.

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

2 Korintu 12:11

Ngunapu Chizuzuke, nyi? Yenu nwachilinga; mumu chatamba kachi yenu munungusangalisa: mumu chasalile kunyima lia waze apostolo ahiana, nichimwe, chipwe nguli wamokomoko.

Galashia 5:16

Alioze ngwami, Endenu muli Spiritu, mba kunuchi kamanununa usolo wa musunya.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Galashia 6:3

Mumu kachi mutu malishinginyeka kupwa chimwe, muze iye hi chimwe ko, mahonga iye mwene.

Efesu 3:4

hanga muze munutanga, malinjekela jami mu chijimbikilo cha Kristu akanulumbunuke;

Efesu 6:19

Ni hali yami, hanga akangwehe kuhanjika, ha kupakula kanwa liami ni hamu, mukusolola yinyingi ya chijimbiko cha sango lipema,

Kolosu 1:26

Chijimbikilo chino chahengamine chize ku miakulwila ni ku yisemuko: alioze haliapwila hanachisolola kuli asandu jenyi.

1 Timoteu 3:16

Ni kutayiza cheswe, chijimbikilo cha uwayilo chinene; yoze amusolwele mu musunya, amusambishile muli Spiritu, wamonekene kuli angelo, amwambujotele hakachi ka mavungu, a mufulielele hano hashi, amutambwile mwilu mu uhenya.

1 Yoano 4:8

Yoze keshi zango, kanyingikine Zambi; mumu Zambi iye zango.