1 Korintu 13:13 - MUKANDA USANDU WA ZAMBI 1975

¹³ Alioze haliapwila yinasala Ufulielo, kutalatala, zango, yino yitatu; ni che chahiana cha ku yino, zango.

Mukanda Wa Zambi 1970

¹³ Haliabwila yuma yitatu tuli nayo: kusa mbunge ku yuma yize muyikezaho, ni ufulielo, ni zango. Alioze hakachi ka yino yitatu, chize chahiana chili zango.

1 Korintu 13:13 Iomraidhean Croise

Miaso (Masamu) 146:5

Kawaha yoze uli ni Zambi ya Yakomba kumukwasa; kutalatala chenyi chili muli Yehova Zambi yenyi,

Miaso (Masamu) 42:11

Mbunge yami, yika unahongela? Kuchi te unapinji muli yami? Talatala kuli Zambi, mumu mungwiza kumuhalisa, iye chikwashi cha ku meso jami kanda Zambi yami.

Miaso (Masamu) 43:5

Mbunge yami, yika unahongela? Kuchi te unapinji muchima liami? Talatala kuli Zambi, mumu mungumuhalisa nawa, iye chikwashi cha ku meso jami kanda Zambi yami.

Luka 10:27

Iye wakumbulwile ngwenyi, Ngwo, Ukazange Mwene Zambi ye ni mbunge ye yeswe, ni mwono we weswe, ni ngolo je jeswe, ni kunyonga che cheswe, ukazange mwenyembo we ngwe wakulizanga yena mwene.

Luka 22:32

Alioze naliumbile hali yena, hanga Ufulielo we kuuchi kahwa; ni yena muze hiwalumuka, ukajikijise mandumbu je.

A-ROMA 15:13

Zambi ya kutalatala akanuzalise ni uwahililo weswe ni sambukila yeswe ha kufuliela, hanga nukalumbame mu kutalatala ku tachi ja Spiritu Musandu.

1 Korintu 14:1

Kaulenu zango; hindu fupenu chikolo ha yawana ya uspiritu, alioze Shinaho nukaprofeteze.

1 Korintu 16:14

Yuma yize yeswe munulinga yilingenu ni zango.

1 Korintu 3:14

Kachi chitanga cha umwe muchisala, chize atungileho, kachi makatambula kwononona.

1 Korintu 8:1

Achi, ha kutwala ku yuma yize hanayilamtula yitapo ku mahamba: tunanyingika yetu eswe yinyingi tuli nayo. Yinyingi kuyakufuza, alioze zango kuliakukolesa.

1 Korintu 8:3

alioze kachi umwe mazanga Zambi, iye kanamunyingika kuli Zambi.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

2 Korintu 5:15

iye wafwilile eswe, hanga waze ali ni mwono, kechi kupwa ni mwono nawa kuli ayo ene, alioze kuli yoze waafwilile mba wahindukile.

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Filipu 1:9

Chino nakulemba, hanga zango lienu likalumbame nikuliwezela mu yinyingi yeswe ni mana;

Kolosu 1:27

Kuli ayo Zambi wafupile kulweza chize chapwa kulumbama cha uhenya wa chijimbikilo chino hakachi ka mavungu, chenacho Kristu muli yenu, che kutalatala cha uhenya.

Kolosu 1:5

Mumu ha kutalatala chize hananutulikila mu malilu; ha chino nwevwile kulu mu liji lia umwenemwene wa sango lipema.

Kolosu 3:14

Helu lia yino yuma yeswe zalenu zango, lize liapwa muya wa ungunu.

1 Tesalonika 1:3

Kutushi kulitwamina kwiwuluka milimo yenu ya Ufulielo, ni kukilikita chenu cha zango, ni uhumikizo wa kutalatala chenu muli Mwene wetu Yesu Kristu, kumeso ja Zambi yetu kanda Tata yetu.

1 Tesalonika 5:8

Alioze yetu, se tuli akwa mwalwa, tukeyelenu, tukazale chipwiko cha utale cha Ufulielo ni zango; ni ha ngalau, tuzale kutalatala cha ulamwino.

1 Timoteu 1:5

Alioze songo lia shimbi ngwo, Zango lia ku mbunge yitoma, ni shimbi yipema ya mbunge: ni Ufulielo uze kuushi ulembekese.

2 Timoteu 1:7

Mumu Zambi katuhele Spiritu ya mwongo; alioze ya tachi, ni zango, ni mana.

Hebreu 10:35

Kanda nukambila kashika hamu lienu, lienalio kukundulula chinene likwete.

Hebreu 10:39

Alioze yetu hi tuli akwa kusosolokela kunyima ko ku kwonwona; aiioze tuli akwa kufuliela ha ulamwino wa mwono.

Hebreu 6:11

Tunazange ni mbunge yeswe mweswe wa kuli yenu akalweze kulipupwisa chimuwika, akasele chinyingi liakulu cha kutalatala ndo ku songo:

Hebreu 6:19

Chino tuli nacho ngwe ankora ya mbunge, kuyajikiza, kuyakola nawa, se yanjila muze muchima lia chikalakala cha hina;

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

1 Yoano 2:10

Yoze mazanga ndumbwenyi, matwama mu pangu, ni chitalingiso chakuhi muli iye, nichimwe.

1 Yoano 2:14

Nasonekene kuli yenu, atata, mumu nunanyingika yoze wapwa chize ku uputukilo. Nasonekene kuli yenu, akweze, mumu nwatakama, ni liji lia Zambi kuliakutwama muli yenu, hinunakumbu mwe chingulungulu.

1 Yoano 2:24

Ha kutwala kuli yenu, chize nwevwile katu ku uputukilo chikatwame muli yenu. Kachi chize nwevwile katu ku uputukilo muchitwama muli yenu, kachi ni yenu nawa munukatwama muli mwe Mwana ni muli mwe Tata.

1 Yoano 3:3

Ni mweswe uli ni kutalatala chino muli iye, kakulitomesa chizechene ngwe iye mutoma.

1 Yoano 3:9

Mweswawo masemewa kuli Zambi keshi kuvulumiona, mumu chisemewa chenyi kuchakutwama muli iye: iye kahashile kuvulumiona, mumu hanasemewa kuli Zambi.