1 Korintu 11:3 - MUKANDA USANDU WA ZAMBI 1975

³ Alioze ngunazange yenu nunyingike we mutwe wa lunga ni lunga, Kristu; ni we mutwe wa pwo, lunga; ni mutwe wa Kristu, Zambi.

Mukanda Wa Zambi 1970

³ Alioze ngunazange nunyingike ngwenu, Kristu kali mwata wa atu eswe, lunga kali mwata wa pwo lienyi, ni Zambi kali mwata wa Kristu.

1 Korintu 11:3 Iomraidhean Croise

Ubutukilo 3:16

Kuli pwo yamba ngwenyi, Mungwokesa chikolo chinyengo che ni kwaka che. Musema ana ni yikola; mbunge ye muyipwa kuli mukwenu-lunga, iye kumakakuyula.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Izaya 55:4

Namupwishile chela ku mavungu; kasongo ni kapitau ka minyachi.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Yoano 14:28

Nwevwanga ngwe nambanga kuli yenu ngwami, Munguya, mba mungwiza kuli yenu. Kachi nunanguzange, kachi nunawahilila, mumu te munguya kuli Tata: mumu Tata iye munene wahiana yami.

1 Korintu 3:23

ni yenu nuli a Kristu; ni Kristu wa Zambi.

Efesu 4:15

alioze nikukakaminya ku umwenemwene mu zango, tukatatuke ni yuma yeswe kuli mwe mutwe, iye Kristu.

Kolosu 1:18

Iye we mutwe wa mujimba, che chikungulwila: iye we uputukilo, mutangu kusemuka hakachi ka afu; hanga akapwe ni muhela utangu helu lia yuma yeswe.

Kolosu 2:10

Ni muli iye kunwazala tò, mwenawo we mutwe wa mawanangana eswe ni yiyulo.

Kolosu 2:19

Keshi kukakaminya ku mutwe, kuli iye mujimba weswe, ha kulihoka, nikulinunga ku makonekeno ni mijipa, kuwakutatuka ni kutatwisa cha Zambi.

Kolosu 3:18

Yenu mapwo, zeyelenu kuli akwenumalunga ngwe chinatambe muli Mwene.

1 Petulu 3:1

Chizechene, yenu mapwo, zeyelenu kuli akwenu-malunga; hanga chipwe kachi amwe keshi kwononoka ku lie liji, akaazuke ni lie liji liakuhi ku kwenda cha akwo-mapwo,