1 Korintu 10:1 - MUKANDA USANDU WA ZAMBI 1975

¹ Mumu ngunazange yenu, mandumbu, nunyingike ngwe tulamba twetu eswe apwile kushi lia lelwa, eswe apalikile ndusu mu kalunga-lwiji;

Mukanda Wa Zambi 1970

¹ Akwetu, ngunazange nwiwuluke sango ja tushakulu twetu, waze te akukaula Mose. Eswe yaafunga mushi lia lelwa. Eswe yaazauka kalunga lwiji Muchila.

1 Korintu 10:1 Iomraidhean Croise

Nehemia 9:19

hindu mu keke ye yeka ni yeka kwaehukile mu puya. Nguji lia lelwa kuliaakatukile ha mwalwa mukwasongwela mu jila; chipwe nguji lia kahia ha ufuku mukwapangulwisa, ni kwalweza jila yize chaatamba kuya.

Miaso (Masamu) 105:39

Wazazulwile lelwa likapwe lia kwafuka. Waahele kahia ka kwapangulwisa ha ufuku.

Miaso (Masamu) 66:6

Walumwine kalunga-lwiji mavu omu; apalikile ndusu mu lwiji ha molu jo, henaho twawahililile muli iye.

Miaso (Masamu) 78:53

Waatwalile kawape, chocho kevwile woma, alioze kalunga-lwiji wazemwine akwa kole jo.

Kutuhuka 14:29

Alioze A-Izalele endele hashi homu mukachi ka kalunga-lwiji. E meya yapwa ngwe chipanga kuli ayo ni ku chindume cho ni ku chimeso cho.

Kutuhuka 40:34

Mba lelwa yilifuka ye mbalaka ya chikungulwila. Ye tabernakulu yiyizala ni uhenya wa Yehova.

Kwalula 14:14

O kumakachambulula kuli atu atwama mu chifuchi chino. O hevwa ngwo, Yehova hwali hakachi ka wano atu; mumu yena wakulimona no meso ni meso. Lelwa lie kuliakumana helu lio. Yena kuwakwatetekela, ha mwalwa mu nguji lia lelwa, ni ha ufuku mu nguji lia kahia.

Kwalula 33:8

Yakatuka kulutwe lia Paihahiro, yapalika ndusu mukachi ka kalunga-lwiji ni mu puya. Yenda wenyi wa matangwa atatu mu puya ya Etame, yasa chilombo cho ku Mara.

Yoano 4:20

Tulamba twetu awayilile mu mulundu uno; ni yenu nwakwamba ngwenu, Muma mwakuwayilamo mu Yerusaleme.

A-ROMA 1:13

Mumu ngunazange nunyingike, mandumbu, ngwe kanji nahalile kuheta kuli yenu, hanga ngukapwe ni mihuko yimwe hakachi kenu nawa, chizechene ngwe hakachi ka akwa mavungu akwo (alioze angukwikile ndo haliapwila).

A-ROMA 11:21

mumu kachi Zambi kavwilile keke mitango yitangu, chipwe yena kechi kakuvwila keke nawa.

A-ROMA 4:11

iye watambwile chinyingi cha ungalami, Chijikilo cha ululi wa Ufulielo, uze wapwile nawo shimbu te achili chilima: hanga akapwe tato ya waze eswe akufuliela, chipwe yilima; hanga akalule ululi kuli ayo nawa:

1 Korintu 12:1

Achi, ha kutwala ku yawana ya uspiritu, mandumbu, chazangile yenu kwalajala.

1 Korintu 14:38

Alioze kachi umwe malajala, akalajale.

Galashia 3:29

Nyi kachi nuli a Kristu, kachi nuli munyachi wa Apalahama ni maswana nikulita ni chilakenyo.

Shimbi 1:33

Iye wanutetekelele mu jila, mukufupa chihela cha kujikila mbalaka jenu, ha ufuku ni kahia anulweze jila Chanutamba kuya, ni ha mwalwa ni lelwa.

Hebreu 11:29

Ku Ufulielo apalikile ndusu mu Kalunga-lwiji Muchila ngwe hashi homu: chize A-Engitu ha kweseka kuchilinga atokele.

Yoshua 4:23

Mumu Yehova Zambi yenu womishine meya a Yordau hali yenu ndo hinwazauka, chizechene ngwe Yehova Zambi yenu walingile ku Kalungalwiji Muchila nikumuumisa hali yetu ndo hitwazauka.