1 Korintu 1:9 - MUKANDA USANDU WA ZAMBI 1975

⁹ Zambi keshi kwalumuka, kuli iye hananutambika ku kuliendela cha Mwanenyi Yesu Kristu Mwene wetu.

Mukanda Wa Zambi 1970

⁹ Zambi kali mukwa kushishika, yoze wanutambikile mu kuliendela ni Mwanenyi Yesu Kristu Mwene wetu.

1 Korintu 1:9 Iomraidhean Croise

Miaso (Masamu) 100:5

Mumu Yehova iye mupema, utu wa zango lienyi wa mutolo. Umwenemwene wenyi walinduluka ku yisemuko yeswe.

Izaya 11:5

Ululi muupwa muya wa mu zalilo yenyi, umwenemwene muupwa muya wa ha miongo yenyi.

Izaya 25:1

Yehova, yena uli Zambi yami; mungukunangamisa, munguhalisa jina lie; mumu hiwalinga yikomokeso, yuma ya kufunjika kushi, yuma yamwenemwene, yuma ya pundu.

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Mateu 24:35

Lilu ni hashi kumuyikahwa, alioze maliji jami kechi kahwa nichimwe.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

A-ROMA 11:17

Achi, kachi mitango yimwe ayipatwileho, ni yena, se uli olevwe wa mu yambu, akunungine hakachi ko, hiwapwa mukwa kuhangana ni mukwo hamwe no ha muji ni maji ja olevwe;

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

A-ROMA 8:30

mba waze waafunjikile Shimbu-kanda, o nawa waatambikile; ni waze iye waatambikile, o nawa waasambishile; ni waze iye waasambishile, o nawa waahele uhenya.

A-ROMA 9:24

Te yetu nawa, atutambikile, hi kuli A-Yunda wika ko alioze kuli akwa mavungu nawa, mba kuchi?

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

1 Korintu 10:13

Nichimwe cheseko kuchanukwachile shina chize cha kulita ni chisemewa cha atu; alioze Zambi wamwenemwene, iye kechi katayiza akanweseke kuhiana chize munuhasa; alioze hamwe ni cheseko makanumwesa jila ya kutuhukamo hanga nukahase kunyongonona.

1 Korintu 10:16

Musenge wa uwape uze twakuwahisa, hi kuhangana cha manyinga ja Kristu ko, nyi? Mbolo yize twakupalula, hi kuhangana cha mujimba wa Kristu ko, nyi?

2 Korintu 1:18

Alioze ni umwenemwene wa Zambi, liji lietu kuli yenu kulishi kupwa ewa ni ka.

Galashia 1:15

Alioze muze chapemenene Zambi, yoze wanguhandunwine chize ku jimo lia mama, wangutambikile mu vumbi lienyi,

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Efesu 3:6

Ngwo, Akwa mavungu kanapu maswana-ni-akwo, ni yihanda-ni-yikwo ya mujimba umuwika, ni akwa kuliangana-ni-akwo cha chilakenyo muli Kristu Yesu ku sango lipema.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,

Kolosu 1:24

Haliapwila nakuwahilila ha lamba liami hali yenu, nakuzalisa chize chinahono ku luyinda wa Kristu mu musunya wami, mumu ha mujimba wenyi, wenawo che chikungulwila.

1 Tesalonika 2:12

hanga nukende ngwe chinatela Zambi, mukwa kunutambika ku wanangana wenyi mwene ni uhenya.

2 A-TESALONIKA 2:14

Ku wenawo wanutambikile ku sango lietu lipema, mukuzuka uhenya wa Mwene wetu Yesu Kristu.

2 A-TESALONIKA 3:3

Alioze Mwene wamwenemwene, mwenawo kumakanujikijisa, makanufunga ku yipi.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

2 Timoteu 2:13

Kachi yetu hi tuli amwenemwene ko, iye katwama wamwenemwene; mumu kahashile kulikala mwene.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Hebreu 10:23

Tulalaminyenu ku kutayiza cha kutalatala chetu, nikulihiza ka; mumu yoze walakenyene iye mukwa jika.

Hebreu 11:11

Ku Ufulielo chipwe Sara mwene watambwile tachi ja kuseseka ufumba muze te hapalika mwaka, se wamunyongene wamwenemwene yoze walakenyene:

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.

Hebreu 3:1

Kashika, mandumbu asandu, akwa! kulianyina ha kutambika cha mwilu, Zewulenu mwe Postolo kanda mwe Sasendote mukwa lutwe wa kutayiza chetu, iye Yesu.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

1 Yoano 1:3

yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu:

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

1 Yoano 4:13

Ku chino tunanyingika tuli muli iye, iye muli yetu, mumu hanatupangila Spiritu yenyi.

Usolwelo 19:11

Mba namwene lilu lia kwazulula; ni kumanyi, kavwalu mutoma, ni yoze unatwamako anamuvuluka ngwo, Wamwenemwene, Keshi-mahuza; iye yapatula, yasa jita ni ululi.