1 Korintu 1:6 - MUKANDA USANDU WA ZAMBI 1975

⁶ chizechene ngwe Shindakenyo ya Kristu ayikolesele muli yenu:

Mukanda Wa Zambi 1970

⁶ Sango jakutwala kuli Kristu hijinakolo muli yenu.

1 Korintu 1:6 Iomraidhean Croise

Marku 16:20

O yatuhuka, yambujola kweswe, ni Mwene walingile hamwe no, nikukolesa liji ni yilayi yize yakawile. Amene.

Yilinga 11:17

Nyi Zambi waahele chawana chimuwika watuhele yetu nawa, muze twafulielele Mwene Yesu Kristu, mba yami iya munguhasa kukanda Zambi?

Yilinga 11:21

Kwoko lia Mwene liapwile hamwe no: anji afulielele, atewulukilile kuli Mwehe.

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 20:21

nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu.

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 22:18

namumwene, kanambe kuli yami ngwenyi, Lipupwise, ukatuke nikawashi ku Yerusaleme, mumu kechi katambula Shindakenyo ye hali yami.

Yilinga 23:11

Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.

Yilinga 28:23

Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

A-ROMA 15:19

ni tachi ja yilayi ni yipekesa, ni tachi ja Spiritu Musandu; chocho chize ku Yerusaleme, nikujinga ndo ku Iliriku, hingunamanununa kwambujola sango lipema lia Kristu:

2 Korintu 12:12

Chamwenemwene twalingile yilayi ya upostolo hakachi kenu, ni utunu weswe, ni yilayi, ni yipekesa, ni yipupu.

Galashia 3:5

Yoze kashika wakunwaha Spiritu, nikulinga yipupu hakachi kenu, kakuchihnga ku yitanga ya shimbi nyi, shina ku kwivwa cha ufulielo?

2 A-TESALONIKA 1:10

muze meza ha tangwa lize, hanga akamuchichimieke muli asandu jenyi, hanga akamukomoke muli waze eswe akwa kufuliela, mumu nwafulielele Shindakenyo yetu kuli yenu.

1 Timoteu 2:6

yoze waliechele ndando ya ukule hali eswe; Shindakenyo yawo akayambujole ha mwaka uze unalite.

2 Timoteu 1:8

Kashika kanda ukevwa sonyi ha Shindakenyo ya Mwene wetu, chipwe hali yami funge yenyi: alioze nyongonona ni utunu ndusu mu yipi hamwe ni sango lipema, nikulita ni tachi ja Zambi;

Usolwelo 1:2

Mwenawo washindakenyene ha liji lia Zambi, ni ha Shindakenyo ya Yesu Kristu, yuma yize yeswe amwene.

Usolwelo 1:9

Yami Yoano, ndumbwenu ni mukwa kulianyina-ni-mukwenu ha luyinda ni wanangana ni uhumikizo wa Yesu, napwile mu tungu lize ngwo, Patemu, mumu ha liji lia Zambi ni mumu ha Shindakenyo ya Yesu.

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Usolwelo 12:17

Ni ndragau watenukine ni pwo, wayile mukwasa jita ni masalila ja munyachi wenyi, waze akufunga shimbi ja Zambi, kanda waze ali ni Shindakenyo ya Yesu.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.

Usolwelo 6:9

Muze apakwile Chijikilo chamuchitano, namwene kushi lia chilumbilo alma ja waze aashihile ha liji lia Zambi ni ha Shindakenyo yize apwile nayo.