1 Korintu 1:10 - MUKANDA USANDU WA ZAMBI 1975

¹⁰ Achi, ngunaliumbu kuli yenu, mandumbu, ku jina lia Mwene wetu Yesu Kristu, nukahanjike chuma chimuwika, kanda nulihandunyona hakachi kenu; alioze nukalinunge hamuwika ni kunyonga chimuwika ni upatwilo umuwika.

Mukanda Wa Zambi 1970

¹⁰ Akwetu, ngunaliumbu kuli yenu mu jina lia Mwene wetu Yesu Kristu ngwami, yenu eswe likundenu ha yize nwakuhanjika, hanga uhandunwino kuuchi kubwa hakachi kenu. Likundenu ni nyonga limuwika ni ubatwilo umuwika.

1 Korintu 1:10 Iomraidhean Croise

Miaso (Masamu) 133:1

Talenu cho kupema, cho kuwaha, muze mandumbu matwama hamuwika ni mbunge yimuwika.

Jeremia 32:39

Mungukaaha mbunge yimuwika ni jila yimuwika hanga akanguvwile woma ndo ku miaka hanga akawahe ene ni ana jo waze maakaula.

Mateu 9:16

Mba niumwe masa chando cha hina lize kulishi kufunyisa ha hina likulu; mumu chando machipapulula lie hina, ni chitutulu chahiana muchipwa.

Marku 2:21

Niumwe matonga chando cha hina lize kulishi kufunyisa ha hina likulu: mokomoko chando chaha muchichiza ku hina likulu ni chitutulu chahiana muchipwa.

Marku 3:24

Nyi kachi wanangana muuli handununa wene, wanangana uze kuushi kuhasa kukola.

Yoano 10:19

Kwapwile kulihandununa cheka nawa hakachi ka A-Yunda mumu ha maliji ano.

Yoano 17:23

yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Yoano 7:43

Kashika kwapwile kulihandununa hakachi ka mbunga mumu hali iye.

Yoano 9:16

Amwe a kuli A-Fwariseu ambile kashika ngwo, Yono mutu hi wa kuli Zambi ko, mumu keshi kufunga tangwa lia Sambata. Alioze akwo ambile ngwo, Ngwe kuchi chivulumunyi mahasa kulinga yilayi ngwe yino? Kwapwile kulihandununa hakachi ko.

Yilinga 4:32

Chizavu cha waze afulielele, apwile ni mbunge yimuwika ni kunyonga chimuwika: mba niumwe wa kuli ayo wambile ngwenyi, Chuma chize nguli nacho nichami mwene; alioze yuma yeswe yapwile ya mbunga.

A-ROMA 1:13

Mumu ngunazange nunyingike, mandumbu, ngwe kanji nahalile kuheta kuli yenu, hanga ngukapwe ni mihuko yimwe hakachi kenu nawa, chizechene ngwe hakachi ka akwa mavungu akwo (alioze angukwikile ndo haliapwila).

A-ROMA 12:1

Kashika, ngunaliumbu kuli yenu mandumbu, ku keke ya Zambi, nutumbikile mijimba yenu chitapo cha mwono, chisandu, chakupemena chikolo kuli Zambi, uno we uvumbiko wenu wakulita ni kunyonga cha mana.

A-ROMA 12:16

Pwenu ni kunyonga chimuwika umwe kuli mukwo ni mukwo. Kanda nunyonga yuma ya kulengumuka, alioze lifutulenu ni waze akulikehesa; kanda nukanyama ni kutaka cha yenwene.

A-ROMA 15:30

Ngunaliumbu kuli yenu, mandumbu, mu jina lia Mwene wetu Yesu Kristu, ni ku zango lia Spiritu, nukalitachike hamwe ni yami mu yilemba yenu kuli Zambi,

A-ROMA 16:17

Haliapwila ngunaliumbu kuli yenu, mandumbu, nukase chinyingi waze akuuhandununa, ni waze akutalingisa, cha kulimika ni longeso lize nwalilongesele, nukaakondoloke.

1 Korintu 1:11

Mumu hanangulwezecho ha kutwala kuli yenu, mandumbu jami, kuli akwa zuwo lia Choe, ngwo, Kuchili kulihangujola hakachi kenu.

1 Korintu 11:18

Mumu chitangu, muze munukunguluka, ngunevu ngwo, Kulihandununa kuchili hakachi kenu; mba ngunachifuliela hakehe.

1 Korintu 12:25

hanga kukuchi kapwa kulihandununa mu mujimba; alioze hanga yihanda yikapwe nikufunga chimuwika chimwe ha chikwo ni chikwo.

1 Korintu 3:3

Mumu nuchili akwa musunya: mumu se kuyili hakachi kenu, ni ukwa, ni vunda, ni kuhangujola, hi nuli akwa musunya ko, nyi? Kunwendele nikulita ni atu, nyi?

1 Korintu 4:16

Ngunaliumbu kuli yenu kashika, nukapwe akwa kungwimbulula.

2 Korintu 10:1

Achi, yami mwene Paulu, ngunaliumbu kuli yenu ku kushimbika ni ku umbovu wa Kristu, yami kumeso jenu nguli mukwa kulikehesa hakachi kenu, alioze muze chishiko ngunahamuka kuli yenu.

2 Korintu 13:11

Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu.

2 Korintu 13:9

Mumu twakuwahilila muze mutulela, ni yenu munupwa ni tachi: chino nawa twakulembela ngwetu, Nukapwe a muwundu.

2 Korintu 5:20

Kashika yetu tuli tunganda twa Kristu, ngwe Zambi kanaliumbu ku liji lietu: tunahanjikila Kristu nikuliumba ngwetu, Wanenu ni Zambi.

2 Korintu 6:1

Ni yetu nawa, ngwe ngamba-ni-akwenu, tunaliumbu kuli yenu ngwetu, Kanda nutambula vumbi lia Zambi mokomoko.

Galashia 4:12

Ngunaliumbu kuli yenu, mandumbu, pwenu ngwe yami, mumu yami nawa ngunapu ngwe yenu, kunwangulingile chipi nichimwe.

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

Filipu 3:16

Chino wika, kuze hitunahete, ku cheseko chenacho twendenu.

1 Tesalonika 5:13

nukaalemese kuhiana chikolo mu zango, mumu ha milimo yo. Pwenu ni sambukila hakachi kenu.

2 A-TESALONIKA 2:1

Achi, tunaliumbu kuli yenu, mandumbu, ha kutwala ku kuheta cha Mwene wetu Yesu Kristu, ni kukunguluka chetu kuli iye,

1 Timoteu 5:21

Shimbi ngunakwehe kumeso ja Zambi ni Kristu Yesu ni angelo a kutongola, ufunge yino yuma, kanda upatula Shimbu-kanda, kanda ulinga nichimwe ni katonde.

2 Timoteu 4:1

Shimbi ngunakwehe kumeso ja Zambi ni Kristu Yesu, yoze makapatwila a mwono ni afu, ni ku usolokelo wenyi ni wanangana wenyi,

Yoshua 22:15

O yeza kuli A-Rupene, ni A-Ngate, ni chihanda cha ha muchima cha munyachi wa A-Manase mu chifuchi cha Ngiliate, yamba kuli ayo ngwo,

1 Petulu 2:11

Akwetu a zango, ngunaliumbu kuli yenu ngwe ngeji ni njize nukasúle ku usolo wa musunya uze wakwasa jita ni mbunge.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.