1 Korintu 1:1 - MUKANDA USANDU WA ZAMBI 1975

¹ Yetu, Paulu amutambikile postolo wa Yesu Kristu ku upale wa Zambi, ni ndumbu Sosetene,

Mukanda Wa Zambi 1970

¹ Mukanda uno yami Paulu ni usoko wetu Sostene tunausoneka. Zambi, ku upale wenyi, hanangutambika ha kubwa kanganda ka Kristu Yesu.

1 Korintu 1:1 Iomraidhean Croise

Luka 6:13

Muze hapwile mwalwa, watambikile tumbaji twenyi; iye watongwele hakachi ko kumi ni aali, eno nawa waalukile jina ngwenyi, Apostolo.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 20:21

Yesu kashika wambile kuli ayo cheka nawa ngwenyi, Sambukila kuli yenu: chizechene ngwe Tata hanangutumu, chocho ni yami nawa ngunanutumu.

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

Yilinga 1:2

ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

Yilinga 18:17

O eswe akwachile Sosetene, mukwa kuyula sunangonga, amulambile kulutwe lia chitwamo cha upatwilo, ni Ngaliu kasele mbunge ha nichimwe cha ku yino yuma.

Yilinga 22:21

Iye wambile kuli yami ngwenyi, Yako: mumu mungukutuma kusuku kuli akwa mavungu.

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

A-ROMA 1:10

ngunaliumbu, hanji ku jila yimwe akanguwahise ku upale wa Zambi ngukahete kuli yenu.

A-ROMA 1:5

kuli iye twatambwile vumbi ni upostolo wa kuneha kwononoka cha Ufulielo hakachi ka mavungu eswe, mumu ha jina lienyi;

1 Korintu 15:9

Mumu ami nguli mukepe Wahiana eswe a kuli apostolo, chatelele akanguvuluke ngwo, Postolo, mumu nahungumionene chikungulwila cha Zambi.

1 Korintu 3:9

Mumu tuli akwa milimo-ni-akwo ja Zambi, yenu nuli ulime wa Zambi, chitunga cha Zambi.

2 Korintu 1:1

Yetu, Paulu postolo wa Yesu Kristu ku upale wa Zambi, ni ndumbu Timoteu, Ku chikungulwila cha Zambi chize chili ku Korindu, hamwe ni asandu waze eswe ali mu chifuchi cha Akeya:

2 Korintu 11:5

Mumu ngunashinginyeka yami mwene chasalile kunyima nichimwe ha kutwala kuli waze apostolo ahiana.

2 Korintu 12:12

Chamwenemwene twalingile yilayi ya upostolo hakachi kenu, ni utunu weswe, ni yilayi, ni yipekesa, ni yipupu.

2 Korintu 8:5

Kachilingile ngwe twanyongene, alioze aliangile kuliecha ene kuli Mwene, mba kuli yetu nawa ku upale wa Zambi.

Galashia 1:1

Yami Paulu, postolo (hi wa kuli atu ko, hanji ku tachi ja mutu, alioze wa kuli Yesu Kristu, ni Zambi mwe Tata, yoze wamuhindwishile hakachi ka afu);

Efesu 1:1

Yami Paulu, postolo wa Kristu Yesu ku upale wa Zambi, Kuli asandu waze ali ku Efwesu, amwenemwene muli Kristu Yesu:

Efesu 4:11

Iye hanahana amwe apostolo; ni amwe aprofeta; ni amwe akwa kwambujola; ni amwe tulayi ni alongeshi;

Kolosu 1:1

Yami Paulu, postolo wa Yesu Kristu ku upale wa Zambi, hamuwika ni ndumbwetu Timoteu,

1 Timoteu 1:1

Yami Paulu, postolo wa Yesu Kristu, nikulita ni chiyulo cha Zambi Chilamwina chetu, ni cha Kristu Yesu, iye kutalatala chetu;

1 Timoteu 2:7

Ha chuma chino hanangusela mukwa kwambujola ni postolo (ngunahanjika umwenemwene, chahanjikile mahuza), nguli longeshi ya akwa mavungu mu Ufulielo ni umwenemwene.

2 Timoteu 1:1

Yami Paulu, postolo wa Yesu Kristu ku upale wa Zambi, nikulita ni chilakenyo cha mwono uze uli muli Kristu Yesu,