Philemon 1:9 - Yak'usda Ooghuni

⁹ ꞋEt hoontsꞌi be nekꞌétsꞌinsiꞌ-i, ꞌi gha ntsꞌu tédusdli. Sunilhꞌen ntsꞌenꞌa dastꞌoh yoo ꞌun uzulh-un usdli. ꞋInkꞌez ꞌandit Jesus Christ ꞌen ba ꞌadusꞌai.

Philemon 1:9 Iomraidhean Croise

Romans 12:1

Sulhutsinke Yakꞌusda ye negha teꞌ ninzun-i, ꞌi be nohtsꞌu tédusdlih, lubeshi yit whe be huhna-i ꞌilhiz wheni Yakꞌusda oogha ínahꞌaih. ꞋEt nduhja de, Yakꞌusda hootátꞌeꞌ ꞌinkꞌez whuz unꞌa tsꞌihꞌun unꞌa oobaꞌ tihtꞌelh.

2 Corinthians 5:20

ꞋEt huwa Christ ꞌen ba khuni naꞌáne tsinli. Yakꞌusda wheni nebe nohbulh yálhduk leꞌ ꞌutni. ꞋEt whe nohtsꞌun tézdudli, ꞌandit whutsꞌun soo Yakꞌusda tsꞌun naóolhyeh!

2 Corinthians 6:1

ꞋInkꞌez wheni Yakꞌusda bulh ꞌilhoh neꞌutꞌenne tsinliꞌ natsꞌutez dudlih, Yakꞌusda ye unzoo-i ꞌantsꞌi ꞌet ólhchoot junih.

Galatians 3:26

ꞋEt nohni tsꞌiyawh Christ Jesus ꞌen gha ꞌet be ꞌalha ꞌuhoontꞌoh-i, ꞌi be Yakꞌusda buzkeh uhli.

Ephesians 3:1

ꞋEt whula gha tsꞌe Si Paul nohni ꞌudun yun kꞌut whutꞌenne nohba Christ Jesus ꞌen ba ꞌustꞌen. ꞋEt huwa ꞌadinꞌai-un usdli.

Ephesians 4:1

Si, neMoodihti ooba ꞌadinꞌai-un ꞌustꞌoh. Njan Yakꞌusda dutihjih ha nohkaꞌ daniꞌ, ꞌet huba soo ꞌúlhdzooꞌ whe whuz toohdilh, ꞌet nohtsꞌu hukwaꞌ dusni.

Ephesians 6:20

ꞋEt whe Yakꞌusda ba usyin-un ꞌustꞌoh, ꞌadusꞌai hoontsꞌi. ꞋInka soo cho sba tenadahdli. ꞋEt whe ꞌaw whelhusaz whe ꞌuyoonne cha bubulh yatisduk ꞌinkꞌez si tsꞌihꞌun unꞌa ꞌuwhutisdlelh.

1 Timothy 1:12

Christ Jesus neMoodihti ꞌen stꞌa ninintan whe ꞌustus sulhtsi ꞌinkꞌez de ꞌutꞌen kꞌoh oobaꞌ ꞌutistꞌelh-un, ꞌet stlꞌa honꞌai, ꞌet huwa ꞌen tsꞌun musi dusni.

Titus 2:2

Ndunne yoo ꞌun uzulhne dune, talhonoosnaiꞌ hubaꞌ hoontꞌoh, teꞌhunoolhdzin, ꞌinkꞌez tsꞌihꞌun ni hunidoh. Whudutsꞌo whe buba ꞌalhaꞌ hotꞌeꞌ. Be lhkꞌetsꞌusiꞌ-i ꞌinkꞌez ꞌaw hoonli talhohodinine, ꞌet whuz unꞌa ꞌúhootꞌeꞌ.

Hebrews 13:19

ꞋEt ꞌon ꞌun cha nohtsꞌu tédusdli, sba tenadoohdli, ꞌet de ꞌaho Yakꞌusda nohtsꞌó tlꞌa nasoolhtelh.

1 Peter 2:11

Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.