Philemon 1:6 - Yak'usda Ooghuni

⁶ ꞋEt be mba ꞌalha ꞌuhoontꞌoh-i, ꞌi be óodutnih sih. ꞋEt whe Christ Jesus ꞌen gha ꞌutꞌen unzoo-i ooghá izanaꞌ-i, ꞌet la tꞌeoonoodzeh.

Philemon 1:6 Iomraidhean Croise

Matthew 25:16

ꞋEt hukwꞌelhꞌaz ꞌawet whinya. ꞋEt ꞌilhoghun kwulaiꞌ yutlꞌa inla-un, ꞌon ꞌun kwulaiꞌ ꞌuniltsuk-i yeꞌ ꞌínla.

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

1 Corinthians 14:25

ꞋEt whe la dudzi yo whe yuntilhꞌi-i, ꞌi tsꞌiyanne nalhtsꞌet ha óotiltsꞌulh wheꞌ hoontꞌoh. ꞋEt huwa nachánitno, Yakꞌusda tsꞌun teniꞌ untilhdzilh, ꞌinkꞌez ꞌalhaꞌ Yakꞌusda nohtoh ꞌúntꞌoh dutinelh.

1 Corinthians 16:9

ꞋEt dati kꞌus úncha-i, ꞌi sba dáhaidahankez léꞌhooja, ꞌinkꞌez lhane schꞌaz ditnine hoonli.

Philippians 4:8

Sulhutsinke ꞌudekꞌez nohdusni. Ndai la ꞌalhaꞌ ꞌuntꞌoh-i, ndai la kꞌus hóoncha-un, ndet la tsꞌihꞌun ꞌuhoontꞌoh-un cha, di la ootsun hooloh-i, di la ꞌuzooꞌ-i, ndet la ꞌet nduhoontꞌoh-un hoonzoo whe howu yatsꞌulhduk, ndi tsꞌiyawh nohba whudiztiꞌ-un, ꞌoh za howu nuni nahdeh.

Colossians 1:9

ꞋEt whula gha tsꞌe ꞌoh daꞌ ndet dzin whulh ꞌúzdantsꞌo, ꞌoh daꞌ whutsꞌun nohba tenazdudli-un ꞌaw ꞌetsul lheꞌtsꞌudísni. Whuz unꞌa Yakꞌusda nohba tsꞌoodulhkut whe nohtsꞌo hukwaꞌ ninzun-un, soo tsꞌihꞌun unꞌa tꞌewhunoohzeh. ꞋEt whe Ndoni ꞌen be, be whutnih-i ꞌinkꞌez be tꞌeoonudzun-i cha, ꞌi tsꞌiyawh ꞌi be dutíhbun.

Colossians 3:10

ꞋInkꞌez ꞌandit ꞌuyoonne nasahdliꞌ. ꞋEt mbe whuz unꞌa ꞌuneyinla, ndet ooghun tꞌetsꞌoninzun-un, ꞌet ꞌi be ꞌon nus ulhtusne natsꞌusdliꞌ. ꞋEt whe ntsꞌenꞌa Christ unli-un, ꞌen ookꞌunꞌa ꞌutsꞌootꞌeꞌ ha.

Titus 3:14

ꞋInkꞌez netsꞌu ditnine, tꞌehonoozeh ꞌutꞌen unzoo-i za ꞌuhoolhꞌen. ꞋUyoonne hiye ndunidzit-i huye búlaꞌ hootꞌen. ꞋEt sih ndi yun kꞌut ꞌantsꞌi ꞌet lhodólhtsꞌi.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.

James 2:14

Sulhutsinke, mbe dune ꞌutni, “Be ꞌalha ꞌuhoontꞌoh-i ꞌustꞌi,” ꞌet hoontsꞌi Yakꞌusda ꞌaw yukꞌú nulhéꞌustꞌen de, ꞌi ꞌaw ooba lheꞌhóozooꞌ wheꞌ hoontꞌoh! Nduntꞌoh-i be ꞌalha ꞌuhoontꞌoh-i, ꞌubutilhyih nahzun eh? ꞋAwundooh!

James 2:17

ꞋEt whuz unꞌa za dune ꞌutni, “Be ꞌalha ꞌuhoontꞌoh-i ꞌustꞌi,” ꞌet hoontsꞌi Yakꞌusda ba ꞌutꞌen unzoo-i yit de, ꞌaw hoonli lhiloh.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.

1 Peter 3:1

Nohni tsꞌekoo ndiz unꞌa za nohkike buba nyo ꞌudúdoolhdzin whe butlꞌaꞌ dudoolhyelh. Whulohne Yakꞌusda ooghuni hikꞌú nulheꞌustꞌen whe buꞌatke, ntsꞌenꞌa ꞌuhintꞌoh huwa tilah khuni yit hoontsꞌi dudeni náhondunoolelh.

1 Peter 3:16

ꞋEt lubeshi nohghu hooloh de, ꞌet ꞌuyoonne hoontsiꞌ kꞌunꞌa nohchꞌaz yáhalhduk, ꞌet hoontsꞌi tꞌehoninzun Christ, ꞌen be hoonzoo hukwꞌunꞌa whe ndi yun dúlhtsꞌi, ꞌet sih hukwaya hooleꞌ.

2 Peter 1:8

Ndowhi tsꞌiyawh be ndahtꞌen de, ꞌinkꞌez ꞌi be ꞌon nus ulhtus lheh de, ꞌet sih ndi neMoodihti Jesus Christ ꞌen ooghun tꞌeoonihzin-un, ꞌi be ꞌon nus soo nóohyeh, ꞌinkꞌez nohꞌeꞌutꞌen soo tsꞌihꞌun unꞌa ootꞌeꞌ.