Philemon 1:1 - Yak'usda Ooghuni

¹ Si Paul ꞌustꞌoh. Jesus Christ ba ꞌadusꞌai. Timothy neulhutsin, sulh ꞌuntꞌoh. Philemon nyun ntsꞌo kꞌetisgus. Neulhutsin, nkꞌetsꞌinsiꞌ. Nekꞌeke ꞌinkꞌez nebulh ꞌutꞌen-un inli.

Philemon 1:1 Iomraidhean Croise

Acts 16:1

ꞋEt Paul ꞌen keyoh Derbe ꞌinkꞌez Lystra tsꞌe oozya. Whuz ꞌilhoghun dune ooba ꞌalha ꞌuhoontꞌoh-un Timothy huyúlhni, ꞌen la ꞌoh whutꞌen. Ooloo cha ooba ꞌalha ꞌuhoontꞌoh-un, ꞌen Lizwif ꞌuntꞌoh, ꞌet oobá, ꞌen Greek ꞌuntꞌoh.

1 Corinthians 3:9

ꞋEt wheni Yakꞌusda bulh ꞌutsꞌutꞌen ꞌinkꞌez ꞌen ba lhulhutꞌenne tsinli. ꞋInkꞌez nohni Yakꞌusda oohaniyeh kꞌet ꞌahli ꞌinkꞌez Yakꞌusda ooyoh cha ꞌahli.

2 Corinthians 1:1

Si Paul Yakꞌusda hukwaꞌ ninzun kꞌunꞌa, ꞌi be Jesus Christ ba whelꞌaꞌ-un ꞌustꞌoh. ꞋInkꞌez neulhutsin Timothy, ꞌen cha sulh ꞌutꞌen. ꞋEt la keyoh Corinth tsꞌe Yakꞌusda ba ꞌilhunaoodúlhne hinli, ꞌinkꞌez yun kꞌut Achaia dilhtsꞌine, mbene la nohbulh Yakꞌusda oochꞌeꞌ unline, ꞌet nohni tsꞌiyawh ndi ꞌudustlꞌus kꞌut nohtsꞌo kꞌeꞌusguz.

Galatians 3:26

ꞋEt nohni tsꞌiyawh Christ Jesus ꞌen gha ꞌet be ꞌalha ꞌuhoontꞌoh-i, ꞌi be Yakꞌusda buzkeh uhli.

Ephesians 3:1

ꞋEt whula gha tsꞌe Si Paul nohni ꞌudun yun kꞌut whutꞌenne nohba Christ Jesus ꞌen ba ꞌustꞌen. ꞋEt huwa ꞌadinꞌai-un usdli.

Ephesians 4:1

Si, neMoodihti ooba ꞌadinꞌai-un ꞌustꞌoh. Njan Yakꞌusda dutihjih ha nohkaꞌ daniꞌ, ꞌet huba soo ꞌúlhdzooꞌ whe whuz toohdilh, ꞌet nohtsꞌu hukwaꞌ dusni.

Ephesians 6:20

ꞋEt whe Yakꞌusda ba usyin-un ꞌustꞌoh, ꞌadusꞌai hoontsꞌi. ꞋInka soo cho sba tenadahdli. ꞋEt whe ꞌaw whelhusaz whe ꞌuyoonne cha bubulh yatisduk ꞌinkꞌez si tsꞌihꞌun unꞌa ꞌuwhutisdlelh.

Philippians 1:1

Paul ꞌinkꞌez Timothy ꞌet Jesus Christ be ꞌulhnane ídli. Keyoh Philippi whutꞌenne Christ Jesus ꞌen gha Yakꞌusda oochꞌeꞌne ꞌuhtꞌoh, ꞌinkꞌez huwunline ꞌinkꞌez yula ꞌutꞌenne cha, nohni tsꞌiyawh hadih nohdítni.

Philippians 2:25

ꞋEt howu nuni nuszut, Epaphroditus ꞌen nohtsꞌun tóosꞌaꞌ hubaꞌ hoontꞌoh. ꞋEn neulhutsin ꞌuntꞌoh. Sulh ꞌutꞌen-un cha ꞌuntꞌoh ꞌinkꞌez ꞌilhoh salda ídli. ꞋEt nohni nohba khuni naꞌá-un cha unli. ꞋEn ꞌuntꞌoh ndet hukwaꞌ nuszun-un, ꞌet whunilhchoh whe sla ꞌutꞌen.

Philippians 4:3

ꞋInkꞌez nyun tsꞌihꞌun stsꞌú ditni-un inli, ntsꞌu tedusdli, ndunne tsꞌekoo, khuni unzoo-i be sla ꞌitꞌenne, ꞌenne bula ꞌintꞌen. Clement, ꞌen cha, ꞌinkꞌez ꞌonghohne cha sla ꞌitꞌenne, ꞌenne tsꞌiyawh ndi ꞌudustlꞌus khunane bubooziꞌ ookꞌusguz-i, ꞌi kꞌut ꞌenne cha bubooziꞌ ꞌukꞌusguz.

Colossians 1:1

Si Paul Jesus Christ ꞌen be whelꞌaꞌ-un ꞌustꞌoh. Yakꞌusda whuz unꞌa sba hukwaꞌ ninzun. ꞋInkꞌez neulhutsin Timothy bulh.

Colossians 4:11

ꞋEt Jesus, Zoosta cha huyulhni, ꞌen cha hadih nohúlhni. ꞋEnne tsꞌiyawh yuka dune unli-i kꞌut ꞌustꞌusne ꞌúhintꞌoh. ꞋEnne za Yakꞌusda dune kꞌúneꞌ bulꞌen-un, ꞌet huba slaꞌ hutꞌen, ꞌinkꞌez sóo slaꞌ hutꞌen.

1 Thessalonians 3:2

ꞋInka ndun neulhutsin, Timothy Yakꞌusda ba neꞌutꞌen-un, ꞌen nohtsꞌu whe tsꞌalhꞌaꞌ. ꞋEn ꞌuntꞌoh Christ ooghuni unzoo-i ooghá tsꞌana nela ꞌutꞌen-un. ꞋEn gha nohba ꞌalha ꞌuhoontꞌoh-un, ꞌet whuz unꞌa ꞌilhiz ooleꞌ hukwꞌunꞌa za ꞌutihtꞌelh, ꞌinkꞌez dughuni be nus nohnilhtꞌi.

2 Thessalonians 1:1

Wheni tane tsinli Paul, Sylvanus, Timothy, nohni keyoh Thessalonica tsꞌe Yakꞌusda neBá ꞌinkꞌez Jesus Christ neMoodihti ba ꞌilhunaoodulhne, hadih nohtsꞌutni.

2 Timothy 1:8

ꞋEt huwa ꞌuyoonne neMoodihti ghun bubulh yailhduk de, khun hukwaya ꞌonleꞌ junih. ꞋInkꞌez si cha ꞌadusꞌai-un, ꞌet cha khun hukwaya ꞌonleꞌ junih. Kꞌus ꞌuyoonne khuni unzoo-i be bubulh yaílhduk whe dzoh ninzut de, ꞌet de Yakꞌusda ye ulhtus-i, ꞌi gha ꞌíntꞌen.

Philemon 1:23

Epaphras, Jesus Christ gha sulh ꞌadinꞌai-un, ꞌen cha hadih nyulhni.

Philemon 1:24

Mark, Aristarchus, Demas, ꞌinkꞌez Luke cha, sulh ꞌutꞌenne, ꞌenne tsꞌiyawh hadih nyuhutni.

Philemon 1:9

ꞋEt hoontsꞌi be nekꞌétsꞌinsiꞌ-i, ꞌi gha ntsꞌu tédusdli. Sunilhꞌen ntsꞌenꞌa dastꞌoh yoo ꞌun uzulh-un usdli. ꞋInkꞌez ꞌandit Jesus Christ ꞌen ba ꞌadusꞌai.