Matthew 9:8 - Yak'usda Ooghuni

⁸ ꞋIlhunaoodúlhne tsꞌiyawh buba hooncha ꞌinkꞌez Yakꞌusda hudálhtiꞌ, lheꞌultus dunne butlꞌa honꞌai ꞌet huwa.

Matthew 9:8 Iomraidhean Croise

Matthew 12:23

ꞋEt ꞌilhunaoosdilne tsꞌiyawh buba hooncha ꞌinkꞌez dichꞌoh lhulh yáhalduk, “ꞋEn toleh David ootsꞌuhainzut-un ꞌuntꞌoh.”

Matthew 15:31

Yalhulhdukne cha yawhehunilhduk, ooyustꞌe bodinꞌaine, cha soo naꞌhuja. Nulhúsdilne cha nahúdilh nahusdliꞌ, hoos̱ꞌenne cha hoohooꞌen nahusdliꞌ. Tsꞌiyanne bunalhꞌen whe tube buba hooncha ꞌinkꞌez Israel whudune buYakꞌusda ꞌen hidálhtiꞌ.

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 9:7

Dunadija ꞌinkꞌez duyoh tsꞌe whenája.

Mark 2:12

ꞋAho dunadija, yukꞌusti-i yilhchoot ꞌinkꞌez tsꞌiyanne nalh whenája. Tsꞌiyawh buba hooncha ꞌinkꞌez Yakꞌusda hidálhtiꞌ ꞌinkꞌez ꞌuhútni, “ꞋAw whutsodaꞌ nduhoontꞌoh-un lhtsꞌuhoos̱ꞌen.”

Mark 7:37

ꞋInkꞌez tsꞌiyawh tube cho buba hooncha, “Sóo ꞌusdla tsꞌiyantsuk néꞌwhulhꞌen, lheꞌdústsꞌone ꞌuhuditsꞌo ꞌinkꞌez yalhulhdúkne cha yahalhduk ꞌubulhtsi,” hutni.

Luke 13:13

ꞋEt yukꞌedilni ꞌinkꞌez ꞌaho tsꞌeke lhtsꞌe nadiski ꞌinkꞌez Yakꞌusda dálhtiꞌ.

Luke 17:15

ꞋEt ꞌilhoghun soo naꞌuja tꞌewhunanzin whe ꞌet nahundunizya ꞌinkꞌez yutsꞌu naoosja. ꞋEt tube cho Yakꞌusda dálhtiꞌ.

Luke 17:18

ꞋEt ndun ꞌudun keyoh tsꞌe hainya-un, ꞌen za whusanaja ꞌinkꞌez Yakꞌusda musi yulhni.”

Luke 18:43

ꞋEt ꞌaho hooꞌen sulih, ꞌinkꞌez Jesus yuntizya ꞌinkꞌez Yakꞌusda dilhtiꞌ. ꞋEt tsꞌiyanne whunalhꞌenne cha tsꞌiyawh Yakꞌusda hudálhtiꞌ.

Luke 2:20

ꞋEt ꞌusbai ghunline de ꞌusbai hitsꞌu whenadil. ꞋEt ndet hodantsꞌo-un, ꞌinkꞌez huhonꞌen-un cha, ꞌinkꞌez ntsꞌenꞌa bubulh yahalhduk, ꞌet huwun Yakꞌusda hidílhtiꞌ ꞌinkꞌez ꞌon nus hoonzoo kꞌunꞌa highu yalhduk.

Luke 23:47

ꞋEt dahooja la lhuganne bumoodih whunalhꞌen whe Yakꞌusda yudilhtiꞌ whe ꞌutni, “Ndun ꞌalhaꞌ tsꞌihꞌun dune ꞌazi ꞌuntꞌoh.”

Luke 7:16

Tsꞌiyanne hunílhjoot, ꞌinkꞌez Yakꞌusda hidílhtiꞌ whe njan nduhutni, “Netoh nus hooꞌen-un ncha-un whusainya.” ꞋInkꞌez nduhútni, “Yakꞌusda duduneꞌne buzih nususya.”

John 15:8

ꞋInkꞌez mai lhai nohtsꞌu ha núlhyeh de, ꞌet huwa la sBá ꞌen ooba whudóltiꞌ. ꞋEt sgha hodulꞌehne oohleꞌ.

Acts 11:18

ꞋEt Jerusalem ooba ꞌalha ꞌuhoontꞌohne hodántsꞌo whe Peter hichꞌaz yálhduk ꞌetsul ꞌuhudíja ꞌinkꞌez ꞌenne cha Yakꞌusda hudílhtiꞌ. ꞋInkꞌez njan duhútni, “ꞋUdun yun kꞌut whutꞌenne, ꞌenne cha lhtꞌanahunoodilh ꞌinkꞌez ꞌilhiz hukhoonaꞌ. ꞋEt whuz unꞌa Yakꞌusda bughá whuninꞌai,” hutni.

Acts 21:20

ꞋEt hidántsꞌo whe tsꞌiyawh Yakꞌusda ba hodálhtiꞌ ꞌinkꞌez Paul ꞌuhuyúlhni, “Neulhutsin whunilhꞌen dáhoontꞌoh tube lhane Lizwifne ooba ꞌalha ꞌuhoontꞌoh suliꞌne hoonli ꞌinkꞌez tsꞌiyawh Moses ooghuni ꞌukꞌu nusguz-i soo cho hikꞌúneꞌ ꞌutꞌen.

Acts 4:21

Nahíyilhne ꞌo ꞌun cha bube hoonolhjoot, “Jesus ghu yahoolhduk junih!” ꞌubuhútni, ꞌinkꞌez bula nahuditni. ꞋAw huwa dzoh nubuhoolhdzut-un hooloh, dune tsꞌiyanne Yakꞌusda ba hodílhtiꞌ njan dáhooja ꞌet huwa.

2 Corinthians 9:13

ꞋInkꞌez ꞌuyoonne nohꞌeꞌutꞌen kꞌoh whe whubuntalhtun, ꞌi be, ꞌet ndúwhulcho whe ꞌonghohne Yakꞌusda ꞌon nus buba whudálhtiꞌ. Christ ooghuni unzoo-i daja dahni-un, ꞌet hukwꞌúneꞌ ꞌahtꞌen. ꞋEt huwa nohla hoonli whe Jerusalem whutꞌenne, ꞌenne bula ꞌahtꞌen, ꞌinkꞌez nꞌun whutꞌenne, ꞌenne cha bula ꞌahja.

Galatians 1:24

ꞋInkꞌez si sgha Yakꞌusda hudálhtiꞌ.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.