Matthew 9:6 - Yak'usda Ooghuni

⁶ ꞋEt tꞌeoonóhzin Yinka Dune Yeꞌ, ndi yun kꞌut oobaꞌ hoontꞌoh lubeshi ꞌun toolhdilh hubaꞌ ꞌuntꞌoh,” ubúlhni. ꞋInkꞌez delhdusni-un, “Dudinyaih ꞌinkꞌez kwꞌusinti-i ilhchoot ꞌinkꞌez nyoh tsꞌe naindalh!” yulhni.

Matthew 9:6 Iomraidhean Croise

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Matthew 9:2

ꞋAho ꞌawet ndun delhdusni-un, lili be whusahúyankai. Jesus tꞌeooninzun buba ꞌalha ꞌuhoontꞌoh. ꞋEt délhdusni-un ꞌuyulhni, “Yeꞌ ndzi hoteꞌ, nlubeshi mba hooloh suliꞌ!”

Matthew 9:5

Ntsꞌenꞌa suba huwa lhúhoolnaꞌ kꞌunꞌa ꞌuzdooniꞌ? ‘Nlubeshi mba hooloh suliꞌ,’ kꞌus, ‘Dudinyaih ꞌinkꞌez ninya’?

Matthew 9:7

Dunadija ꞌinkꞌez duyoh tsꞌe whenája.

Mark 2:10

ꞋEt la tꞌeoonohzin Yinka Dune Yeꞌ, ꞌen ndi yun kꞌut ye úlhtus ꞌi be lubeshi nꞌun tulhdilh-un whe ꞌuntꞌoh.” ꞋInka ndun dune délhdusni-un ꞌulhni,

Mark 2:7

“Di ha ndun dune Yakꞌusda chꞌaz yalhduk? Mbe ꞌutinelh lubeshi untilhdulh? Yakꞌusda za lubeshi nꞌun tulhdilh whe ꞌuntꞌoh.”

Luke 5:21

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, huwu yawhenilhduk, “Ndun dune Yakꞌusda chꞌaz yalhduk. Mbe lubeshi ꞌuntulhdulh? Yakꞌusda didutchꞌoh za lubeshi ꞌun tulhdilh!”

John 10:28

ꞋIlhiz huye khútinalh-i, ꞌi bugha núsꞌai. ꞋAw yalhahitásdla ꞌinkꞌez ꞌaw dune sla kꞌéhaboolelhne hooloh.

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

John 5:27

ꞋInkꞌez tsꞌiyanne ba ndó ootꞌeꞌ-un, ꞌet cha yugha óoninꞌai ꞌinkꞌez tsꞌiyanne dune ba nahutiyeh huba ꞌuhoontꞌoh. Yinka Dune Yeꞌ unli, ꞌet huwa.

John 5:8

Jesus ꞌet uyúlhni, “Dudinyaih, kwꞌusintí-i ilhchoot, ꞌinkꞌez ninya!”

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

Acts 9:34

ꞋInkꞌez Peter uyúlhni, “Aeneas Jesus Christ soo naꞌunyinla! Dudinyaih ꞌinkꞌez nlili kꞌut soo náꞌhoonleh,” yúlhni. ꞋAho Aeneas dudinya.

2 Corinthians 2:10

ꞋInkꞌez mbe hoonli ooba ꞌún whutulhdilh de, si cha ooba ꞌún whutisdulh. Hoonli ooba ꞌún whutusdilh-un, mbe la ooba ꞌún whutusdilh-un, ꞌen Christ oonalh nohni cha nohba ꞌún whutusdilh ꞌet huwa.

2 Corinthians 5:20

ꞋEt huwa Christ ꞌen ba khuni naꞌáne tsinli. Yakꞌusda wheni nebe nohbulh yálhduk leꞌ ꞌutni. ꞋEt whe nohtsꞌun tézdudli, ꞌandit whutsꞌun soo Yakꞌusda tsꞌun naóolhyeh!

Ephesians 4:32

ꞋInkꞌez tsꞌiyawh lhtsꞌu ꞌoóhzooꞌ, ꞌinkꞌez tsꞌiyantsuk whe nohdzi óolhdzooꞌ whe lhgha teꞌuntihdzin, ꞌinkꞌez ntsꞌenꞌa Christ, ꞌen be Yakꞌusda nohlubeshi nohba yunaꞌalhde, ꞌet nohni cha whuz unꞌa za ꞌilhone ꞌahli whe lhba ꞌun whutoolhdilh.

Colossians 3:13

Lhulh sooꞌ tsꞌintꞌoh, ꞌinkꞌez tsꞌiyantsuk lhba whunawhudulhneh. Nohtoh ꞌilhoghun ꞌuyoon kꞌehoonꞌai de, ntsꞌenꞌa Christ nohba whunaoodilhnoh, nohni cha whuz unꞌa za buba whunaoodoolhnoh.