Matthew 9:38 - Yak'usda Ooghuni

³⁸ ꞋInka Yakꞌusda haꞌ nukat-un whumoodih, ꞌuyoonne ꞌutꞌenne cha whusáboolhꞌaꞌ, ꞌet huba tenadoohdli,” ubúlhni.

Matthew 9:38 Iomraidhean Croise

Matthew 9:37

ꞋInkꞌez yugha hodulꞌehne ꞌubulhni, “ꞋAlhaꞌ ꞌawet haꞌ nukat-un newhúninzut ꞌinkꞌez tlꞌo maiꞌ lhai suliꞌ, ꞌet hoontsꞌi ꞌutꞌenne soo lheꞌhuniltsuk.

John 20:21

ꞋEt Jesus doo cha za ubúlhni, “Nohdzi doghel, ntsꞌenꞌa la sBá whuz de sútilhꞌaꞌ, ꞌet whuz unꞌa si cha nohtisꞌaꞌ.”

John 4:35

ꞋAwhuz dunghi sanun whuzꞌai, tlꞌo ꞌutilꞌelh whutsꞌun. ꞋEt hoontsꞌi nohdúsni whe soo zúlhtsꞌai, soo cho nohna be whunulhꞌen. Tlꞌo kꞌut ꞌawet whudizgi tlꞌo ꞌutihlelh huba.

Acts 13:2

Soo húhoonih ꞌinkꞌez neMoodihti hiba ꞌútꞌen whutoh, Ndoni ubúlhni, “Barnabas Saul bulh sba ꞌudun nébutalhtelh, ndi ꞌutꞌen bugha ínusꞌai-i ꞌuhuyooleh ꞌet wheni.”

Acts 8:4

ꞋEt ꞌawet ooba ꞌalha ꞌuhoontꞌohne ndulcho whe nuhúdilh ꞌinkꞌez ndi khuni unzoo-i huye yálhduk.

1 Corinthians 12:28

ꞋInkꞌez ꞌilhunaoodulhne butoh, Yakꞌusda ꞌutahábanla whe whélꞌaꞌne, ꞌenne ꞌudechoo nébuninla. ꞋEt nus hooꞌenne whulh nat-un nébuninla. ꞋEt dune hodulhꞌehne whulh tat-un nébuninla. ꞋEt ꞌon ꞌat-un huwa ꞌítꞌen túneꞌ ꞌutꞌenne nébuninla. ꞋEt ꞌon ꞌat-un dune soo naꞌyulhꞌenne nébuninla. ꞋEt ꞌon ꞌat-un ꞌuyoonne laꞌ ꞌutꞌenne nébuninla. ꞋEt ꞌon ꞌat-un dune moodihne nébuninla, ꞌinkꞌez whulohne lhelhtsꞌun unꞌa yahalhduk nébuninla.

Ephesians 4:11

ꞋEn za ꞌutꞌen, whulohne cha whelꞌaꞌne butlꞌa hónꞌai. Whulohne cha nus hooꞌenne butlꞌa hónꞌai. ꞋEt whulohne cha khuni unzoo-i be yahutilhduk-un, ꞌet butlꞌa hónꞌai. ꞋInkꞌez whulohne cha Yakꞌusda ba ꞌilhunaoosdilne bughu tilehne ꞌinkꞌez dune hodutilhꞌehne, ꞌet cha butlꞌa hónꞌai wheꞌ hutꞌen.

2 Thessalonians 3:1

Sulhutsinke ꞌudekꞌez nohdusni, neba tenadoohdli. NeMoodihti ooghuni ꞌa cho nohtadókat ꞌinkꞌez nohba dótiꞌ nohni dáhja la, whuz unꞌa.