Matthew 9:37 - Yak'usda Ooghuni

³⁷ ꞋInkꞌez yugha hodulꞌehne ꞌubulhni, “ꞋAlhaꞌ ꞌawet haꞌ nukat-un newhúninzut ꞌinkꞌez tlꞌo maiꞌ lhai suliꞌ, ꞌet hoontsꞌi ꞌutꞌenne soo lheꞌhuniltsuk.

Matthew 9:37 Iomraidhean Croise

Matthew 20:1

“Ndiz unꞌa yakꞌuz whulerwe tsꞌiyawh kꞌuneꞌ whulꞌen: ꞋIlhoghun dune ꞌen yun kꞌut yun ꞌutꞌi-un. ꞋEt tsꞌekoo tooꞌ mai chun ha niyeh kꞌet, ꞌet huba ꞌutitꞌelhne haꞌ ninzun. Bundada ꞌudaꞌ ꞌet dune tilhꞌalh ha whuz whinya.

Matthew 28:19

ꞋEt huwa lhelhtsꞌun keyoh whutꞌenne, tsꞌiyawh butsꞌóhdulh ꞌinkꞌez si sgha hodulꞌehne ubutilhꞌelh. ꞋUBá ꞌinkꞌez ꞌuYeꞌ ꞌinkꞌez Ndoni, booziꞌ be ꞌi be too beꞌ butilhꞌen.

Matthew 9:38

ꞋInka Yakꞌusda haꞌ nukat-un whumoodih, ꞌuyoonne ꞌutꞌenne cha whusáboolhꞌaꞌ, ꞌet huba tenadoohdli,” ubúlhni.

Mark 16:15

ꞌinkꞌez ꞌubulhni, “Yinka ndulcho whe náhdilh, ꞌinkꞌez khuni unzoo-i yinka duneꞌne whubunulhtun.

Luke 10:2

ꞋEt ꞌubulhni, “ꞋAwet háꞌ nukat-un newhúninzut ꞌinkꞌez tlꞌo maiꞌ lhai suliꞌ, ꞌet hoontsꞌi ꞌutꞌenne ꞌaw soo lheꞌhuniltsuk. ꞋEt huwa Yakꞌusda haꞌ nukat-un whumoodih, ꞌaꞌ duninla-un ꞌuyoonne cha ꞌutꞌenne whusáboolhꞌaꞌ, ꞌet huba tenadahdli.

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Acts 16:9

ꞋEt ꞌulhdzis Paul hoonli oonalhtsꞌet ha hóoltsꞌut whe dune Macedonia yun kꞌut whutꞌen-un yunilhꞌen ꞌet usyin ꞌinkꞌez yughu tédudlih, “Macedonia yun kꞌut tsꞌe netsꞌínyalh ꞌinkꞌez nela ꞌineh!” yúlhni.

Acts 18:10

ꞌahoolhyiz nyulh ꞌustꞌoh ꞌet huwa. ꞋAw dune nyun dólhdahne hooloh, lhane njan keyoh sulh ꞌúntꞌohne hoonli wheꞌ hoontꞌoh.”

1 Corinthians 3:9

ꞋEt wheni Yakꞌusda bulh ꞌutsꞌutꞌen ꞌinkꞌez ꞌen ba lhulhutꞌenne tsinli. ꞋInkꞌez nohni Yakꞌusda oohaniyeh kꞌet ꞌahli ꞌinkꞌez Yakꞌusda ooyoh cha ꞌahli.

2 Corinthians 6:1

ꞋInkꞌez wheni Yakꞌusda bulh ꞌilhoh neꞌutꞌenne tsinliꞌ natsꞌutez dudlih, Yakꞌusda ye unzoo-i ꞌantsꞌi ꞌet ólhchoot junih.

Colossians 4:11

ꞋEt Jesus, Zoosta cha huyulhni, ꞌen cha hadih nohúlhni. ꞋEnne tsꞌiyawh yuka dune unli-i kꞌut ꞌustꞌusne ꞌúhintꞌoh. ꞋEnne za Yakꞌusda dune kꞌúneꞌ bulꞌen-un, ꞌet huba slaꞌ hutꞌen, ꞌinkꞌez sóo slaꞌ hutꞌen.

1 Timothy 5:17

Netso whudilhdzulhne soo dune tso nuyane, nawh whe ubudúlhtiꞌ. Mbe ꞌutꞌen ulhtus-i be ꞌutꞌen whe Yakꞌusda be ꞌutꞌen kꞌoh dune hodulhꞌeh ꞌinkꞌez Yakꞌusda ooghuni be yalhdukne, ꞌenne ꞌukꞌenus soo neꞌboolhꞌen.

James 5:4

ꞋEt tlꞌo nohba nadulhdzóohne, ꞌenne cha tsꞌiyawh bubeꞌ whulhtsꞌit. ꞋEt huwa nohchꞌa tsó yahalhduk. ꞋInkꞌez mbene nohba whutꞌásne, ꞌenne cha whuz unꞌa za ꞌubulhꞌen. ꞋInkꞌez Yakꞌusda, mbe la tsꞌiyantsuk whuMoodih unli-un, ꞌen nohchꞌa húnahutso whe tsꞌiyawh ꞌubudántsꞌo.