Matthew 9:35 - Yak'usda Ooghuni

³⁵ ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Matthew 9:35 Iomraidhean Croise

Matthew 10:1

ꞋEt whunizyane ꞌon ꞌat nane Jesus yugha hodulꞌehne, ꞌanih ubudániꞌ. Ntsiꞌ-i nududeh-i tsꞌiyawh whe hílhtus-un, ꞌinkꞌez kꞌuneꞌ boolꞌen ha, ꞌet cha, ꞌinkꞌez dada lhelhdoh didoh-i cha, ꞌet tsꞌiyawh soo naꞌbotilhꞌelh-un, butlꞌa hónꞌai.

Matthew 11:1

ꞋAwet Jesus whunizyane ꞌon ꞌat nane yugha hodulꞌehne, tsꞌiyantsuk ubudániꞌ-un ꞌetsul ꞌudija, ꞌinkꞌez bughu whínya. ꞋUtsꞌun keyoh tsꞌe whinya dune hodutilhꞌeh ꞌinkꞌez bubulh yatilhduk wheni.

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Mark 1:14

ꞋEt John dune too be ꞌulhꞌen-un, ꞌahúyanꞌai hukwꞌelhꞌaz, Jesus Galilee tsꞌe oozya ꞌinkꞌez bubulh yálhduk Yakꞌusda ookꞌúneꞌ whutꞌen-un, ooghuni ghun.

Mark 6:56

ꞋInkꞌez ntsꞌoh la Jesus nuya keyoh whuyaz kꞌus keyoh whuti kꞌus nꞌaho keyoh ꞌeꞌóoket-un whutoh dune ꞌilhodúlh-un whuz ndudáne nébuhunle ꞌinkꞌez Jesus híghu tédudlih, “Nyunaih ꞌantsꞌi ooban ꞌet ndudáne hitꞌa óonalh,” huyúlhni. ꞋEt mbene yutꞌaíznaine tsꞌiyawh soo náꞌhuja.

Mark 6:6

ꞋEt ꞌaw be ꞌalha ꞌuhoontꞌoh-i lhahuyítꞌih, ꞌet Jesus ooba hooncha. ꞋInkꞌez whunat keyoh ꞌoh nuya ꞌinkꞌez dune hubodulhꞌeh.

Luke 13:22

ꞋEt hukwꞌelhꞌaz Jesus Jerusalem whuz tizya. ꞋInkꞌez keyoh whuti ꞌinkꞌez keyoh whuyaz dune toyalh ꞌinkꞌez hubodulhꞌeh.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 2:22

Peter ꞌet cha ndutni, “Israel ootsꞌu hainzutne sghuni soo cho oozúlhtsꞌai, Jesus Nazareth whutꞌen-un, Yakꞌusda nohtsꞌítilhꞌaꞌ-un, ꞌen Yakꞌusda gha huwa ꞌítꞌen teneꞌútꞌen, ꞌet whe whunóhnilhtun njan nohtoh ꞌuhootꞌen ꞌet huwa tꞌewhunáhzun.