Matthew 9:3 - Yak'usda Ooghuni

³ ꞋAho whulohne Moses be ꞌudustlꞌus ꞌukꞌu nunáguzne ꞌulhodutni, “Ndun dune Yakꞌusda chꞌaz yalhduk whe ꞌutni!”

Matthew 9:3 Iomraidhean Croise

Matthew 26:65

ꞋEt lubret ꞌukꞌenus diztiꞌ-un ye usda-i dubut ka lhtsꞌe yalhchꞌul ꞌinkꞌez ꞌutni, “Yakꞌusda chꞌaz ditni whe yalhduk. ꞋAw ꞌuyoonne nedóniꞌ hukwa lheꞌuznízun. ꞋAndit whunulhꞌen Yakꞌusda chꞌaz ditni-un tsꞌiyawh nohni nohnalh ꞌutni.

Matthew 7:29

Soo oobaꞌ hoontꞌoh-un kꞌunꞌa whubodalhꞌeꞌ. Moses be ꞌudustlꞌus kꞌut ꞌukꞌu nunáguzne, ꞌaw whuz unꞌa hubulhodílhꞌel.

Mark 14:64

Ndi ooghuni Yakꞌusda yechꞌaz yálhduk-i dahtsꞌo! Nohba dáhoontꞌoh?” ꞋEt tsꞌiyawh ꞌúhutni, “Daóotsa hubaꞌ ꞌuntꞌoh.”

Mark 3:28

Soo tsꞌihꞌun nohdúsni, tsꞌiyanne dune bulubeshi cha ꞌinkꞌez Yakꞌusda chꞌaz yálhduk-un cha tsꞌiyawh buba nꞌún whutildulh.

Mark 3:29

ꞋEt hoontsꞌi mbe la Ndoni chꞌaz yálhduk-un, ꞌen ꞌaw oolubeshi buba nꞌun yutoolhdilh ꞌaitꞌoh, ꞌilhiz wheni ooba nahutideh.”

Mark 7:21

ꞋEt dune budzi yo whuz de ꞌaw beni lheꞌízooꞌ, ꞌuyoon dune ꞌat bulh lubeshi hilhchuk, tsꞌeke bulh nintaꞌhutꞌih, nehughan cha ꞌutꞌen,

Luke 5:21

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, huwu yawhenilhduk, “Ndun dune Yakꞌusda chꞌaz yalhduk. Mbe lubeshi ꞌuntulhdulh? Yakꞌusda didutchꞌoh za lubeshi ꞌun tulhdilh!”