Matthew 9:27 - Yak'usda Ooghuni

²⁷ Jesus natisja whe nane dune hoos̱ꞌenne hiyuntizꞌaz ꞌinkꞌez hikazulh, “NeMoodihti David ootsꞌuhainzut-un negha teꞌninzeh!”

Matthew 9:27 Iomraidhean Croise

Matthew 1:1

Ndi ꞌudustlꞌus ꞌukꞌeguz-i ꞌet ndutni, ꞌi be Jesus Christ ꞌen ꞌubé dinzutne ꞌuhíntꞌoh, ꞌi Jesus David tsꞌu hainzut. David ꞌen Abraham tsꞌu hainzut-un ꞌuntꞌoh.

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Matthew 15:22

ꞋIlhoghun tsꞌeke, Canaan whutꞌen-un ꞌuntꞌoh, yughu ninya. Tso bulh yalhduk wheꞌ yulhni, “SMoodihti sgha teꞌninzeh, David ootsꞌuhainzut-un ꞌintꞌoh! Syaz tsꞌekeyaz tube hoontsiꞌ hukwꞌunꞌa ntsiꞌ-i nududeh-i ooyudinda!”

Matthew 17:15

“SMoodihti syeꞌ oogha teꞌninzeh! Ookaootuzuk ꞌinkꞌez tube dzoh nuzut. Lhat tsudúltsꞌuk ꞌinkꞌez taltsꞌuk cha ꞌutꞌi.

Matthew 20:29

ꞋEt hukwꞌelhꞌaz Jericho keyoh whuchꞌa náhusdil whe lhane dune hiyuntizdil.

Matthew 21:15

ꞋEt lubret bumoodihne ꞌinkꞌez Moses be ꞌudustlꞌus ꞌukꞌu nunáguzne, huwa ꞌítꞌen tuneꞌ ꞌustꞌen whe hinalhꞌen. ꞋInkꞌez tsꞌoodunne, cha lugliz whucho sulyahalhduk whe njan nduhutni, “David ootsꞌu haínzut-un ooba tsꞌodilhtiꞌ!” ꞋEt lubret ꞌinkꞌez ꞌonghunne cha honalhꞌen whe hukwa ha hunilchꞌe.

Matthew 21:9

ꞋEt ꞌawet ꞌilhunaoodilhne whulohne ootso ꞌinkꞌez whulohne ookꞌoh tsꞌe hidulh ꞌinkꞌez tube cho huhuyih whe nduhutni, “David ootsꞌu haínzut-un ba tsꞌodilhtiꞌ! NeMoodihti booziꞌ be whuz de úyalh. ꞋEn ꞌukꞌenus hoonzoo-un oogha whultsꞌut. ꞋEt soo yoodughi hidílhtiꞌ!” hutni.

Matthew 9:28

Jesus yoh daninya whe hoos̱ꞌenne huyudáninꞌaz. ꞋEt Jesus ubúlhni, “Nohba ꞌalha ꞌuhoontꞌoh eh ꞌet dutísnelh?” ꞋEt ꞌuhuyulhni, “A, neMoodihti!”

Mark 11:10

Netsodaꞌ David oolerwe keyoh ꞌet hoonzoo-un oogha holtsꞌit. NeMoodihti booziꞌ be whusawhútiltsꞌulh ꞌinka Yakꞌusda ba tsꞌodólhtiꞌ!”

Mark 9:22

“Lhat whe tsꞌoodun yuzoolhghelh hukwaꞌ yulhꞌen. Too be cha yuzoolhghelh hukwaꞌ yulhꞌen ꞌinkꞌez tsídunoh chaꞌ yulhꞌen. Sooꞌ tanlelh de, negha téꞌninzeh ꞌinkꞌez nela ꞌineh!”

Luke 17:13

ꞋEt whutsꞌun hitsꞌu huyih, “Jesus neMoodih, negha teꞌninzeh!”

Luke 20:41

ꞋInkꞌez ꞌubulhni, “Ntsꞌenꞌa oolohne nduhutni, Christ dahni-un, David ootsꞌuhainzut-un ꞌuntꞌoh?

Luke 7:21

ꞋEt ꞌaho mbene la ndudane ꞌinkꞌez ooka hooline cha, ꞌinkꞌez ntsiꞌ-i nududeh-i ooyudindane cha lhane soo naꞌbalhꞌen. Hoos̱ꞌenne cha huhooꞌen-un ꞌubulhtsi.

John 7:42

Yakꞌusda ooghuni ꞌukꞌu nusguz-i, ꞌi ndutni, David yutsꞌu ha kédanzut-un, ꞌen keyoh Bethlehem huwhútni, David ookeyoh ínleꞌ, Christ whuz de ha tíyalh,” hutni.

Romans 1:3

Yakꞌusda netsꞌú hoozi-un duYeꞌ ghun, ꞌen Jesus Christ neMoodihti ꞌuntꞌoh. ꞋEn lerwe David yukédinzut. ꞋEt huwa dune ꞌúntꞌoh tꞌétsꞌonínzun.

Romans 9:5

Israel ooduneꞌne ꞌudaꞌ dune tso whúdilhdzulhne tsꞌu ha hánde wheꞌ hintꞌoh, ꞌinkꞌez Christ butsꞌu haínzut. ꞋEt huwa ooyustꞌe dune kꞌunꞌa ꞌuchainya inleꞌ. ꞋEn ꞌuntꞌoh tsꞌiyantsuk whuYakꞌusda unli. ꞋEt huwa ꞌilhiz wheni whe hidílhtiꞌ. ꞋEt ndo honeh.