Matthew 9:22 - Yak'usda Ooghuni

²² Jesus yutsꞌu nálhꞌa yunalhꞌen ꞌinkꞌez ꞌuyulhni, “Stseꞌ ndzi hótꞌe! Be ꞌalha ꞌuhoontꞌoh-i mba ꞌalha ꞌuntꞌoh huwa soo naꞌinja.” ꞋEt whutsꞌun tsꞌeke soo naꞌuja.

Matthew 9:22 Iomraidhean Croise

Matthew 15:28

ꞋEt Jesus ꞌuyulhni, “ꞋOoh tsꞌeke hooncha whe mba ꞌalha ꞌuhoontꞌoh-un, ꞌet hooncha wheꞌ hoontꞌoh. ꞋEt huwa hukwaꞌ ninzun kꞌunꞌa ꞌuhoneh.” ꞋOh whuya hoozulh-un, ooyatsꞌe soo naꞌuja.

Matthew 17:18

Ntsiꞌ-i nududeh-i ooyudinda-i, Jesus khuni ulhtus-i be hukwaꞌ yudániꞌ. ꞋEt whulh hulhgha za yutsꞌu ha nája ꞌinkꞌez tsꞌoodun soo naꞌuja.

Matthew 8:13

ꞋEt Jesus saldanne bumoodih yulhni, “Tinya tsꞌe inyalh! ꞋEt ntsꞌe whula mba ꞌalha ꞌuhoontꞌoh, whuz unꞌa mba ꞌuwhutánelh.” ꞋOh whuya ꞌuhunitꞌoh whe beꞌ ꞌustle-un soo naꞌuja.

Matthew 9:2

ꞋAho ꞌawet ndun delhdusni-un, lili be whusahúyankai. Jesus tꞌeooninzun buba ꞌalha ꞌuhoontꞌoh. ꞋEt délhdusni-un ꞌuyulhni, “Yeꞌ ndzi hoteꞌ, nlubeshi mba hooloh suliꞌ!”

Matthew 9:29

Buna yutꞌaíznai ꞌinkꞌez ubúlhni, “Nohba ꞌalha ꞌuhoontꞌoh, whuz unꞌa ꞌuhóneh.”

Mark 10:52

“Naindalh, si stsꞌun be ꞌalha ꞌuhoontꞌoh-i be soo náꞌinja,” yúlhni. ꞋEt ꞌahoh dune hooꞌen nasdliꞌ ꞌinkꞌez Jesus ti yuntizya.

Mark 5:34

Jesus uyúlhni, “Stseꞌ be ꞌalha ꞌuhoontꞌoh-i ꞌintꞌi ꞌet huwa soo náꞌinja. Ndzi hóontꞌiꞌ whe natonjaꞌ ꞌinkꞌez be dzoh ninzut-i soo náꞌontneh.”

Luke 17:19

ꞋInkꞌez Jesus ꞌuyulhni, “Dudinyaih ꞌinkꞌez naindalh. Mba ꞌalha ꞌuhoontꞌoh-i, ꞌi be soo naꞌinja.”

Luke 18:42

ꞋEt Jesus ꞌuyulhni, “Honꞌen naoodleꞌ! Mba ꞌalhaꞌ ꞌustꞌoh-un ꞌet huwa soo naꞌinja.”

Luke 7:50

ꞋInkꞌez tsꞌeke ꞌúyulhni, “Mba ꞌalha ꞌuhoontꞌoh-i, ꞌi be dinjih. Ndzi dizghel whe naindalh!”

Luke 8:48

ꞋInkꞌez ꞌuyulhni. “ꞋUstseꞌ hooníntꞌiꞌ! Mba ꞌalha ꞌuhoontꞌoh ꞌet huwa soo naꞌinja. Ndzi dizghel whe naindalh.”

John 4:53

ꞋEt ndun dune tꞌewhunínzun soo ꞌoh whuya hoozulh whe Jesus yúlhni, “Nyeꞌ khuna.” ꞋEt didut ꞌinkꞌez ooyoh ꞌuntꞌohne tubulh, tsꞌiyawh Jesus ghun buba ꞌalhaꞌ yintꞌoh suliꞌ.

Acts 14:9

ꞋEt usda ꞌinkꞌez Paul yalhduk yoozílhtsꞌai. ꞋEt Paul yunilhꞌen, tꞌéoonínzun ndun dune ooba ꞌalha ꞌuhoontꞌoh ꞌet whe soo náꞌtitnelh ninzun ꞌinka soo cho yunin tsꞌe yunilhꞌen whe

Acts 16:18

Lhat dzin ndutꞌen, ꞌudekꞌez Paul tube taídizni, yutsꞌu nálhꞌa ꞌinkꞌez ntsiꞌ-i nududeh-i ndí yulhni, “Jesus Christ booziꞌ gha ooyáhanadindaih!” ꞋEt ꞌaho ntsiꞌ-i nududeh-i yuyáhanadide.

Hebrews 4:2

ꞋAlhaꞌ ꞌenne bukꞌunꞌa wheni cha ndi khuni unzoo-i be nebulh yaínduk. ꞋEt hoontsꞌi ndi khuni be bubulh yaínduk-i, ꞌaw lhuhiditsꞌil, ꞌaw buba ꞌalhaꞌ lheꞌhóonel ꞌet huwa. ꞋEt huwa ꞌaw bubeni tálheidikulh. ꞋEt huwa ꞌaw bula lhewhudínel.