Matthew 9:2 - Yak'usda Ooghuni

² ꞋAho ꞌawet ndun delhdusni-un, lili be whusahúyankai. Jesus tꞌeooninzun buba ꞌalha ꞌuhoontꞌoh. ꞋEt délhdusni-un ꞌuyulhni, “Yeꞌ ndzi hoteꞌ, nlubeshi mba hooloh suliꞌ!”

Matthew 9:2 Iomraidhean Croise

Matthew 14:27

ꞋAho Jesus butsꞌu yatilhduk, “Nohdzi hóte! Si ꞌustꞌen! Whenulhjut íloh!”

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Matthew 6:12

ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh.

Matthew 8:10

Jesus whúdantsꞌo whe ooba hooncha. Yunidulhne ubúlhni, “Tsꞌihꞌun unꞌa nohdúsni, Israel ndulcho whe dune whuz unꞌa ooba ꞌalha ꞌuhoontꞌoh-un nalhizústi.

Matthew 8:16

Sa yo tizꞌai whe lhane ntsiꞌ-i nududeh ooyudúltsꞌine, Jesus highu bonínla. Dughuni be ntsiꞌ-i nududeh-i buyáhanainanyoot. Ndudane cha tsꞌiyawh soo naꞌbinla.

Matthew 9:22

Jesus yutsꞌu nálhꞌa yunalhꞌen ꞌinkꞌez ꞌuyulhni, “Stseꞌ ndzi hótꞌe! Be ꞌalha ꞌuhoontꞌoh-i mba ꞌalha ꞌuntꞌoh huwa soo naꞌinja.” ꞋEt whutsꞌun tsꞌeke soo naꞌuja.

Matthew 9:5

Ntsꞌenꞌa suba huwa lhúhoolnaꞌ kꞌunꞌa ꞌuzdooniꞌ? ‘Nlubeshi mba hooloh suliꞌ,’ kꞌus, ‘Dudinyaih ꞌinkꞌez ninya’?

Matthew 9:6

ꞋEt tꞌeoonóhzin Yinka Dune Yeꞌ, ndi yun kꞌut oobaꞌ hoontꞌoh lubeshi ꞌun toolhdilh hubaꞌ ꞌuntꞌoh,” ubúlhni. ꞋInkꞌez delhdusni-un, “Dudinyaih ꞌinkꞌez kwꞌusinti-i ilhchoot ꞌinkꞌez nyoh tsꞌe naindalh!” yulhni.

Mark 1:32

Hulhgha sa yó whinꞌai hukwꞌelhꞌaz, ndudáne ꞌinkꞌez mbene la ntsiꞌ-i nudúdeh-i kꞌúneꞌ ꞌutꞌenne cha Jesus ghu bonínla.

Mark 10:49

Jesus lhgha nenínya ꞌinkꞌez, “ꞋAnih dúhni,” ubúlhni. ꞋEt dune hoos̱ꞌen-un hika huyih, “Hooníntꞌiꞌ ꞌinkꞌez dudinyaih, ꞌanih nyúlhni,” huyúlhni.

Mark 5:34

Jesus uyúlhni, “Stseꞌ be ꞌalha ꞌuhoontꞌoh-i ꞌintꞌi ꞌet huwa soo náꞌinja. Ndzi hóontꞌiꞌ whe natonjaꞌ ꞌinkꞌez be dzoh ninzut-i soo náꞌontneh.”

Mark 6:50

ꞋEt Jesus ꞌahoh bubulh yátilhduk, “Nohdzi ulhtus úlhtsi! Si ꞌustꞌen. Whenulhjut íloh,” ubúlhni.

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

John 2:25

ꞋInkꞌez ꞌaw ꞌuyoonne dune dahíntꞌoh la ꞌet hidóniꞌ ꞌaítꞌoh, didutchꞌoh dunene dahíntꞌoh la tꞌewhunínzun ꞌet huwa.

John 21:5

ꞋEt Jesus ubúlhni, “Tsꞌoodunne ꞌaw eh lheꞌáhlooh?” “Gak,” huyúlhni.

Acts 14:9

ꞋEt usda ꞌinkꞌez Paul yalhduk yoozílhtsꞌai. ꞋEt Paul yunilhꞌen, tꞌéoonínzun ndun dune ooba ꞌalha ꞌuhoontꞌoh ꞌet whe soo náꞌtitnelh ninzun ꞌinka soo cho yunin tsꞌe yunilhꞌen whe

Acts 19:12

Dzezoh ꞌi hoontsꞌi but katsꞌulhbal te Paul ye ꞌítꞌeꞌ-i, ndudáne tsꞌu há yoolhchus te, ꞌaho ndudáne soo naꞌhutꞌih ꞌinkꞌez ntsiꞌ-i nudúdeh utꞌíne bughu whenahonuyukw.

Acts 23:11

ꞋEt ꞌulhdzis za neMoodihti Paul yuzih usyin ꞌinkꞌez uyúlhni, “Ndo ꞌuduniltꞌi. Njan Jerusalem ntsꞌenꞌa la si sghun tsꞌihꞌun ubudániꞌ ꞌet Rome cha whuz unꞌa za ꞌudutánelh.”

Romans 5:11

ꞋAw ꞌet za íloh, Jesus Christ neMoodihti ꞌen gha Yakꞌusda bulh tsꞌuhóontꞌiꞌ, ꞌaw ꞌon ꞌun nebulh lhuntalhchꞌoh ꞌet huwa.

James 2:18

ꞋEt hoontsꞌi ꞌilhoghun tilah ndiz unꞌa njan dusúdoniꞌ, “Nyun be ꞌalha ꞌuhoontꞌoh-i ꞌintꞌi, ꞌinkꞌez si ꞌutꞌen ꞌustꞌi. Nye ꞌutꞌen ooyit be, be mba ꞌalha ꞌuhoontꞌoh-i whusunilhtun, ꞌet de si cha seꞌ ꞌutꞌen be, ꞌi be sba ꞌalha ꞌuhoontꞌoh-un whunyunoostun.”