Matthew 9:18 - Yak'usda Ooghuni

¹⁸ ꞋAwhuz howu yalhduk whe ꞌilhoghun moodih yughu ninya ꞌinkꞌez yubut nachániti ꞌinkꞌez uyúlhni, “Stseꞌ ꞌandit dazsai. ꞋEt hoontsꞌi syoh tsꞌe tónyaꞌ, ꞌinkꞌez nla be ookwꞌédilni, ꞌet la nahótnah!”

Matthew 9:18 Iomraidhean Croise

Matthew 14:33

Tsꞌi bet dilhtsꞌine, tsꞌiyawh hibut nachánilya ꞌinkꞌez ꞌuhuyulhni, “ꞋAlhaꞌ nyun Yakꞌusda ooYeꞌ ꞌintꞌoh!”

Matthew 15:25

Tsꞌeke yughu ninya whe yubut nachaniti ꞌinkꞌez, “SMoodihti, sla ꞌineh!” yulhni.

Matthew 17:14

ꞋAwet ꞌilhozdilne butanahundil whe ꞌilhoghun dune yughu ninya ꞌinkꞌez yubut dugwutsi be nenínya. ꞋInkꞌez ꞌutni,

Matthew 20:20

ꞋEt Zebedee buzkeh duloo te, Jesus tsꞌo tizdil huyoodutalhkut ha. Buloo yubut nachaniti.

Matthew 28:17

Hiyanꞌen whe hitsꞌu teniꞌ nalhdzin. ꞋEt hoontsꞌi whulohne buba nawh ꞌuhoontꞌoh.

Matthew 8:2

ꞌinkꞌez dune ooka whulhjut-un, ꞌi leprosy huyúlhni, ꞌen yududizya ꞌinkꞌez yubut nachaniti ꞌinkꞌez ꞌuyulhni, “SMoodihti hukwaꞌ ninzun de, be ilhtus-i be sunaꞌilhdeh.”

Matthew 8:25

Yugha hodulꞌehne, hitsꞌu whindil ꞌinkꞌez nahuyunilhdzut. “NeMoodihti netalhyis! ꞋAwet yatsꞌidadlah!”

Matthew 9:17

ꞋAw tsꞌekoo tooꞌ ꞌandidi-i ꞌaw ꞌujut-i ꞌuzus be huyóolhdzeh ꞌaitꞌoh. ꞋEt nduhuyinla de, ꞌaho bulh hóokꞌuholtalh. ꞋEt ꞌandidi-i tsꞌekoo tooꞌ nadutijulh, ꞌinkꞌez ꞌuzus ꞌi cha nintaꞌtitꞌelh. ꞋAndidi-i tsꞌekoo tooꞌ, ꞌandidi-i ꞌuzus be húyalhdzo de, ꞌaw nintaꞌootꞌen-un hooloh.”

Matthew 9:19

Jesus dudinya ꞌinkꞌez yuntizya. Yugha hodulꞌehne cha huyulh whéndil.

Matthew 9:24

ꞋEt ꞌubulhni, “ꞋAz náhdulh! Ndun tsꞌekeyaz ꞌaw dálhitsal, nanisti whe ꞌuntꞌoh.” ꞋEt highudloh.

Luke 13:14

ꞋEt Lizwifne lugliz whumoodih hunílchꞌe. Natsꞌulyis dzin ꞌet Jesus ndun tsꞌeke soo naꞌyinla ꞌet hukwa hunílchꞌe. ꞋInkꞌez ꞌilhozdilne ꞌubulhni, “Lhkꞌu tat dzin ꞌet dune ꞌuhootꞌen hubaꞌ hoontꞌoh. ꞋEt huwa ꞌutsꞌutꞌen dzin ꞌet soo naꞌnohohooleh hubaꞌ hoontꞌoh. ꞋEt natsꞌulyiz dzin huba lheꞌhootꞌoh,” ꞌubulhni.

Luke 18:18

ꞋEt ꞌilhoghun dune moodih uncha-un Jesus yoodulhkut, “Dune hodulhꞌeh-un unzoo-un, ntsꞌenꞌa datisnelh whe ꞌilhiz khutisnalh-un whuchꞌa ootásdoh?”

Luke 7:2

ꞋInkꞌez ꞌet keyoh whutꞌen-un ꞌet ꞌilhoghun lhuganne whumoodih yuba neꞌútꞌen-un. Tube yúkꞌentsiꞌ-un, ꞌen tube unduda ꞌinkꞌez ꞌawet datitsah.

John 11:25

ꞋEt Jesus ꞌuyulhni, “Si ꞌustꞌoh dunene tsꞌiyanne dunabudusdle-un ꞌinkꞌez ꞌilhiz wheni huye khóonaꞌ-i bugha yúsꞌaih. Tsꞌiyanne mbene la ooba ꞌalhaꞌ ꞌustꞌohne, dahúzsai ꞌet hoontsꞌi huhutinalh.

John 11:32

Jesus ndet daꞌ ꞌutꞌen Mary whuz oozya. Soo yutilhꞌen ibulh yubut dugwutsi be nenínya ꞌinkꞌez ꞌuyulhni, “SMoodihti, njan ꞌintꞌoh de, ꞌaw daꞌ sulhutsin dalhitsal ooleꞌ daꞌ.”

Acts 13:15

Moses ooghuni ꞌukꞌu nusguz-i ꞌinkꞌez Yakꞌusda be nus hóoꞌenne bughuni cha hikꞌeyailhduk hukwꞌelhꞌaz, Lizwif lugliz whumoodihne Paul, Barnabas ꞌanih ꞌubuhútni, “Neulhutsinke, khuni huye tílhtus-i bugha dútanꞌalh ahtꞌi de, ndunne dune bubulh yátilhduk hukwa ꞌuzninzun.”

Acts 28:8

Publius oobá lili kꞌut sulhti dada be cha ꞌinkꞌez dubut kꞌedzoh nuzut. Paul sulhtí-un, ꞌet yughu danínya ꞌinkꞌez tenadidli, yukꞌudálni, ꞌinkꞌez soo náꞌyinla.