Matthew 9:16 - Yak'usda Ooghuni

¹⁶ ꞋAw dzoot jut ꞌandidi-i naih be naoolhkut ꞌaitꞌoh. ꞋAndidi-i naih naootáltsulh ꞌinkꞌez ootsꞌu ha naitichꞌulh. ꞋOn nus tichꞌulh.

Matthew 9:16 Iomraidhean Croise

Genesis 33:14

Whute smoodih! Stso inyalh, mba ꞌutꞌen-un ootso inyalh, ꞌinkꞌez ndune butso toosyaꞌ sih nanilhtsulyaz, khuna-i cha ꞌinkꞌez tsꞌoodunne cha, ndet la buba sooꞌ hoontꞌoh-un ꞌinkꞌez smoodih keyoh Seir ꞌet la ooghosyaꞌ.”

Matthew 9:15

ꞋEt Jesus ꞌubulhni, “Mbe la ooꞌat whutaleh-un, ookꞌekene, ꞌawhuz huyulh ꞌuntꞌoh, ꞌenne cha eh soo húhootanih? ꞋAwundooh! ꞋEt hoontsꞌi ꞌoh de de ookꞌekene buchꞌa nahuyitálhtelh, ꞌet de za soo hóohootanih.

Matthew 9:17

ꞋAw tsꞌekoo tooꞌ ꞌandidi-i ꞌaw ꞌujut-i ꞌuzus be huyóolhdzeh ꞌaitꞌoh. ꞋEt nduhuyinla de, ꞌaho bulh hóokꞌuholtalh. ꞋEt ꞌandidi-i tsꞌekoo tooꞌ nadutijulh, ꞌinkꞌez ꞌuzus ꞌi cha nintaꞌtitꞌelh. ꞋAndidi-i tsꞌekoo tooꞌ, ꞌandidi-i ꞌuzus be húyalhdzo de, ꞌaw nintaꞌootꞌen-un hooloh.”

Mark 2:21

“ꞋAw ꞌilhoghun naih ꞌandidi-i naih jut be naoolhkut ꞌaitꞌoh. ꞋEt ndúja de, naih ꞌandidi-i be nalhkut-i, naih jut nalhkut-i bulh ha naitichꞌulh ꞌinkꞌez ꞌon nus hoontsiꞌ tileh.

Luke 5:36

ꞋEt be nawhutnuk ꞌi be whutsꞌodulꞌeh-i, ꞌi be bubulh yalhduk whe njan ndutni, “ꞋAw ꞌilhoghun naih ꞌandit-i tsꞌu ha yalhchꞌul ꞌinkꞌez ꞌujut-i yunaidunókalh ꞌaitꞌoh. ꞋEt whuz unꞌa ꞌet nduja de, ꞌet ꞌandit naih-i toochꞌoolh la, ꞌinkꞌez ꞌandit-i naih, ꞌinkꞌez naih jut bulh ꞌaw lhkꞌunꞌa ootꞌeꞌ ꞌaitꞌoh.

John 16:12

ꞋAwhuz tube lhat-un nohdutásnelh-un whuzꞌai, ꞌet hoontsꞌi ꞌandit ꞌaw whulh óohyin, ꞌaítꞌoh.

1 Corinthians 13:13

ꞋEt ndi tawh whúdidoh-un, be ꞌalha ꞌuhoontꞌoh-i, be hukwa tse hóodli-i, ꞌinkꞌez be nékꞌetsꞌinsiꞌ-i ꞌet ta whultꞌoh ꞌawhuz ꞌet njan whuzdla. ꞋInkꞌez ꞌukꞌenus díztiꞌ-i, ꞌi bé lhkꞌetsꞌusiꞌ-i, ꞌi ꞌuntꞌoh.

2 Corinthians 9:12

ꞋEt dahoontꞌoh huwa nohsooniya gha nohꞌeꞌutꞌen be neꞌutꞌenne ꞌahli, ꞌet whe Yakꞌusda oochꞌeꞌ unline huye ndunidzit-i buba sooꞌ yunoltsuk. ꞋI gha la lhane Yakꞌusda tsꞌun tube cho musi tsꞌutni.