Matthew 9:15 - Yak'usda Ooghuni

¹⁵ ꞋEt Jesus ꞌubulhni, “Mbe la ooꞌat whutaleh-un, ookꞌekene, ꞌawhuz huyulh ꞌuntꞌoh, ꞌenne cha eh soo húhootanih? ꞋAwundooh! ꞋEt hoontsꞌi ꞌoh de de ookꞌekene buchꞌa nahuyitálhtelh, ꞌet de za soo hóohootanih.

Matthew 9:15 Iomraidhean Croise

Matthew 9:14

ꞋEt ꞌawet John yugha hodulꞌehne, Jesus tsꞌu hoozdil ꞌinkꞌez huyoodulhkut, “Dáhoontꞌoh huwa wheni ꞌinkꞌez Phariseene, cha lhat soo tsꞌoohooni, ꞌinkꞌez ngha hoodulhꞌehne, ꞌenne gak?”

Matthew 9:16

ꞋAw dzoot jut ꞌandidi-i naih be naoolhkut ꞌaitꞌoh. ꞋAndidi-i naih naootáltsulh ꞌinkꞌez ootsꞌu ha naitichꞌulh. ꞋOn nus tichꞌulh.

Mark 2:19

Jesus ubúlhni, “ꞋAndit ꞌat ꞌutꞌi-un bughu nusdílne soo húhoonih la nahzun eh? Dune ooꞌat whuzdliꞌ-un, butoh usda de, ꞌaw nduhóoneh ꞌaitꞌoh.

Mark 2:20

ꞋEt hoontsꞌi whusaóotiltsꞌulh dune ꞌat utꞌí-un bughu nayitálchulh. ꞋEt dzin whusahóoltsꞌut de, ꞌoh de soo húhootanih.”

Luke 17:22

ꞋInkꞌez ꞌet yugha hodulꞌehne ꞌubulhni, “ꞋEt ꞌoh dzin whusaóotikulh ꞌinkꞌez Yinka Dune Yeꞌ, ꞌilhoh dzin whutihꞌelh hukwaꞌ ntihzilh, ꞌet hoontsꞌi ꞌaw hoohꞌen ꞌaitꞌoh.

Luke 5:34

ꞋEt ꞌubulhni, “Mbe la ooꞌat whutáleh-un, ookꞌekene, bubulh ꞌutꞌen, whe soo húhootanih eh?

Luke 5:35

ꞋOh de whusaootiltsꞌulh, ꞌoh de de ooꞌat whutaleh-un bughu nayitálchulh. ꞋOh de la soo hoohoonih.”

John 16:6

ꞋEt njan nohdúsni, ꞌet huwa nohdzi tsꞌodi be dizbun,

John 3:29

ꞋEt ndóohoontꞌoh whe, ꞌilhoghun dune tsꞌeke yughusda-un, ꞌen ꞌat utꞌí-un ꞌuntꞌoh. ꞋEt ooyadan yuzih usyin-un ꞌinkꞌez yughuni yoozílhtsꞌai whe la tube yuba hóontꞌiꞌ. ꞋEt huwa nohdúsni si cha whuz unꞌa tube cho hoonústꞌiꞌ.

Acts 14:23

Ndet Jesus Christ gha ꞌilhozdílne hoonli-un dune tso whudilhdzulhne buba ꞌutahahánla. ꞋEt tenadudli ꞌinkꞌez soo húhoonih, ꞌinkꞌez neMoodihti tlꞌábahanla whe Jesus soo hitꞌa nínintan.

1 Corinthians 7:5

ꞋAw lhchꞌoh oohkeꞌ huba lheꞌhootꞌoh. ꞋEt hoontsꞌi ꞌatsulyaz whe soo hootahni ꞌinkꞌez tenadutihdli hukwaꞌ nuhzun de, ꞌet nanulhtꞌo soo lhgha hoonuhtꞌiꞌ de, ꞌet sooꞌ whutatꞌelh. ꞋEt hukwꞌelhꞌaz doo cha za lhkꞌeoohsiꞌ ꞌinkꞌez lhzih nenaoohtꞌas, doo ka la ꞌaw nohyustꞌe ooghu tihle huba soo lheꞌahtꞌoh de, ꞌet Satan nohootalhdzih.

2 Corinthians 11:27

ꞋUtꞌen ulhtus-i be ꞌustꞌen. ꞋEt huwa whuloh te tube nenúsi. Lhat ꞌaw lhústoh. Lhat syeꞌúltsꞌilh ꞌinkꞌez taꞌóosda. Lhat-un whe sóo hoosnih, kꞌus lhat hukwꞌuz yo nusúsya dzoh ꞌet dune usdli whe.

Revelation 19:9

ꞋEt ndun yalhduk-un, ꞌen ꞌusúlhni, “Njan ꞌukꞌehoonges, ꞌusbaiyaz ꞌat titꞌelh-un naꞌhutitꞌulh-un, mbene ooghu nusjane, ꞌenne ꞌukꞌenus hoonzoo-un bugha whútaltsꞌulh.” ꞋInkꞌez ꞌusulhni, “Ndi ꞌi soo tsꞌihꞌun Yakꞌusda ooghuni ꞌutni.”

Revelation 21:2

ꞋEt si, John, njan keyoh whuti whulubeshi hooloh-un, ꞌandit-un Jerusalem huwhútni, ꞌet ndus de yakꞌuz tsꞌe Yakꞌusda tsꞌun ha hóoltsꞌut, ꞌet whutísꞌen. ꞋAntsꞌi tsꞌekeyaz ki titꞌelh-un ooki yutaleh-un ba soo naduja, ꞌet ndó hotꞌen.