Matthew 9:14 - Yak'usda Ooghuni

¹⁴ ꞋEt ꞌawet John yugha hodulꞌehne, Jesus tsꞌu hoozdil ꞌinkꞌez huyoodulhkut, “Dáhoontꞌoh huwa wheni ꞌinkꞌez Phariseene, cha lhat soo tsꞌoohooni, ꞌinkꞌez ngha hoodulhꞌehne, ꞌenne gak?”

Matthew 9:14 Iomraidhean Croise

Matthew 11:2

John ꞌadinꞌai whe ꞌet Christ be ꞌutꞌen kꞌoh whulh ꞌudantsꞌo. Nane yugha hodulꞌehne, ꞌenne John Jesus tsꞌu whébalhꞌaꞌ.

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 9:15

ꞋEt Jesus ꞌubulhni, “Mbe la ooꞌat whutaleh-un, ookꞌekene, ꞌawhuz huyulh ꞌuntꞌoh, ꞌenne cha eh soo húhootanih? ꞋAwundooh! ꞋEt hoontsꞌi ꞌoh de de ookꞌekene buchꞌa nahuyitálhtelh, ꞌet de za soo hóohootanih.

John 3:25

John yugha hodulꞌehne Lizwifne bulh howun lhdulhyoh ꞌuhudutni, Lizwifne bube ꞌutꞌen kꞌoh hukwꞌunꞌa lanaꞌhuldoh ꞌet huwun.

John 4:1

ꞋEt Phariseene huyulh ꞌúdantsꞌo whe la ꞌuhutni, “Jesus ꞌen John anus lhane dune cha yugha hodulꞌehne suliꞌ, ꞌinkꞌez ꞌonus lhane too be ꞌúlhꞌen cha ꞌutꞌen,” hutni.