Matthew 9:13 - Yak'usda Ooghuni

¹³ ꞋEt hoontsꞌi ꞌahdulh ꞌinkꞌez hodulhꞌeh daja ni whe ꞌutni, ‘ꞋUyoonne gha teꞌntihzilh ꞌet nohtsꞌo hukwaꞌ nuszun. Loodel kꞌut hidutalhkꞌun-i, ꞌi ooka lheꞌnúszun.’ ꞋAw tsꞌihꞌun ꞌuntꞌohne, ꞌenne iloh bubeni naháhundunooleh huba whusásya. Lubeshi ꞌulhꞌenne, dulubeshi chꞌaz bubeni naháhundunooleh ubudutásnilh ha whusásya.”

Matthew 9:13 Iomraidhean Croise

Matthew 12:3

ꞋEt Jesus ubúlhni, “Lerwe David daja-un ꞌaw lakw hukwꞌu yalhuzulhduk? ꞋEt ꞌoh daꞌ David ꞌinkꞌez yulh ꞌutꞌenne buye ꞌíltsꞌul whe?

Matthew 12:5

Moses be ꞌudustlꞌus doꞌ, ꞌaw ookꞌu yalhuzulhduk whe eh dahni? Lubret natsꞌulyis dzin lugliz whucho dahunindil ꞌinkꞌez ꞌet ꞌuhutꞌen. Huhoolhdzun-un, ꞌet kꞌehoninyuz, ꞌet hoontsꞌi ꞌaw bukꞌelhúhooltsꞌulh.

Matthew 12:7

ꞋEt ꞌukꞌu whusguz ndutni, ‘ꞋUyoonne gha teꞌntihzilh nohtsꞌo hukwaꞌ nuszun. Ndai loodel kꞌut hidutalhkꞌun-i, ꞌi ooka lheꞌnuszun,’ ni. ꞋEt ndi njan ndutni-un, ꞌet tꞌeoonahzun de, ꞌet de mbe la ookwꞌelhúwhulhtsꞌitne, ꞌenne ꞌaw bukꞌehohꞌalh hukwa ꞌahtꞌen iloh!

Matthew 19:4

ꞋEt Jesus ꞌubulhni, “ꞋEt ndi ꞌudustlꞌus kꞌut ꞌukꞌeguz-i, ꞌi ꞌaw lakw ookꞌu yalhuzulhduk? Mbe dune ꞌinla-un, ꞌen dune ꞌinkꞌez tsꞌeke bulh ꞌubínla daꞌ.

Matthew 21:42

ꞋEt Jesus ndúbulhni, “ꞋAw eh hukwꞌu yalhuzulhduk Yakꞌusda ooghuni daja ni inleꞌ daꞌ? ꞋUkꞌehooguz: ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba soo ꞌukꞌenus tse ꞌuntꞌoh-i suliꞌ. Moodihti whuz unꞌa ꞌuhoonla. ꞋInkꞌez wheni tube neba hooncha wheꞌ hoontꞌoh,’ ni.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 3:8

Whute lubeshi chꞌa noheni nahandunoohleh de, ndahtꞌen-un tsꞌiyanne tꞌehonózin ndahtꞌoh la,

Matthew 4:17

ꞋEt whutsꞌun Jesus dune bubulh yawhénilhduk whe ndubúlhni, “Noheni náhandunoohleh! Yakꞌuz kꞌuneꞌ whulꞌen-un ꞌawet nilhdukw suliꞌ.”

Mark 12:26

ꞋEt hoontsꞌi yaidláne dunáhudutádulh huwun, Moses ꞌukꞌu néyuzguz-i ꞌaw eh ookꞌu yalhúlhdih whus dilhtán-i toh whudizkꞌun whe Yakꞌusda yulh yalhduk inleꞌ? Moses Yakꞌusda ndéyulhni, ‘Si ꞌustꞌoh Abraham ooMoodihti ꞌustꞌoh, Isaac cha ooMoodihti ꞌustꞌoh, ꞌinkꞌez Jacob cha ooMoodihti ꞌustꞌoh.’

Mark 12:33

ꞋInkꞌez dune dudzi ndulcho ꞌi be Yakꞌusda kꞌeoosiꞌ, dudeni tsꞌiyawh be cha, duzul be cha, oonutꞌi tsꞌiyawh whe cha ꞌinkꞌez dichꞌoh kꞌenatsiꞌ whuz unꞌa dulh dunene bukꞌeoosiꞌ. ꞋEt ꞌukꞌenus neba hooncha nanki khuni higha néꞌulhꞌa-i ookꞌúneꞌ tsꞌootꞌen. Khuna-i ꞌinkꞌez ꞌuyoo hoonliyaz loodel kꞌut Yakꞌusda gha dizkꞌun, ꞌi ba nus whudíztiꞌ.”

Mark 2:17

Jesus budántsꞌo ꞌinkꞌez ꞌubulhni, “Soo ꞌúntꞌohne ꞌaw yoo be duyun-un ha lheꞌhunízun, mbene la ndudáne za yoo be dúyun-un kaꞌ huninzun. Tsꞌihꞌun ꞌuntꞌohne buba whusálhusyal, lubeshi ꞌulhꞌénne lhtꞌanahunoodilh bubudutásnelh ꞌet wheni whusásya.”

Luke 10:26

ꞋEt Jesus ꞌutni, “Ndet ꞌukꞌu whusguz Moses be ꞌudustlꞌus kꞌut? Ookwꞌuyailhduk whe ntsꞌenꞌa mba daja ni?”

Luke 19:10

Ninta ninkatne, Yinka Dune Yeꞌ, ꞌen bukúniztai ꞌinkꞌez ꞌubutilhyih ha, ꞌet huba whusainya.”

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Luke 5:31

Jesus ꞌet ndúbulhni, “Mbene la soo ꞌúntꞌohne, ꞌaw yoo be duyun ha lheꞌhunizun. Ndudane, ꞌenne za yoo be duyun haꞌ huninzun.

Luke 5:32

ꞋAw tsꞌihꞌun ꞌuntꞌohne dulubeshi chꞌa dudeni naháhunduntileh huba iloh whusásya. ꞋEt lubeshi ꞌulhꞌenne dulubeshi chꞌa dudeni naháhundunooleh ubudutásnelh ha, ꞌet huba whusásya.”

John 10:34

ꞋEt Jesus ubúlhni, “ꞋAw lakw eh Yakꞌusda ooghuni oonalhuzulhni whe njan Yakꞌusda njan dunohúlhni inleꞌ, ‘Nohni yakꞌusdane ꞌahli?’

Acts 11:18

ꞋEt Jerusalem ooba ꞌalha ꞌuhoontꞌohne hodántsꞌo whe Peter hichꞌaz yálhduk ꞌetsul ꞌuhudíja ꞌinkꞌez ꞌenne cha Yakꞌusda hudílhtiꞌ. ꞋInkꞌez njan duhútni, “ꞋUdun yun kꞌut whutꞌenne, ꞌenne cha lhtꞌanahunoodilh ꞌinkꞌez ꞌilhiz hukhoonaꞌ. ꞋEt whuz unꞌa Yakꞌusda bughá whuninꞌai,” hutni.

Acts 2:38

ꞋEt Peter ꞌubulhni, “ꞋIlhone ꞌahli whe lhtꞌananahdilh ꞌinkꞌez Jesus Christ booziꞌ gha too be ꞌúlhneh. ꞋEt nohlubeshi nohunaoodeh ꞌinkꞌez la Ndoni nohyudóoltsꞌit.

Acts 20:21

Lizwifne ꞌinkꞌez ꞌudun yun kꞌut whutꞌenne ꞌalhgoh tube cho bugha dísniꞌ Yakꞌusda tsꞌun dudeni nahondunooleh, ꞌinkꞌez Jesus Christ neMoodihti ꞌen buba ꞌalhaꞌ yotꞌeꞌ.

Acts 3:19

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

2 Peter 3:9

NeMoodihti ntsꞌenꞌa netsꞌu náhizya-un, ꞌaw saꞌ nulhéꞌustꞌen. ꞋEt whulohne saꞌ sla ꞌutꞌen huninzun. ꞋEt hoontsꞌi tube saꞌ neba sulhꞌi. ꞋAw ꞌilhoghun ninta ooltsꞌit hukwa lheꞌnizun. ꞋEt tsꞌiyanne dudzi nahondunooleh ꞌet za butsꞌu hukwaꞌ ninzun.