Matthew 9:11 - Yak'usda Ooghuni

¹¹ ꞋInkꞌez Phariseene hinilhꞌen yugha hodulꞌehne bubuhoodulhkut, “Nohodulhꞌeh-un, di ha sooniya ꞌilhunaoosꞌaihne ꞌinkꞌez lubeshi ꞌulhꞌenne cha bubulh naꞌutꞌalh?”

Matthew 9:11 Iomraidhean Croise

Matthew 11:19

ꞋEt Yinka Dune Yeꞌ, dune taninya ꞌaꞌalh ꞌinkꞌez tatnaiꞌ, ꞌinkꞌez ꞌuhutni, ‘Nyoon oocha hooncha ꞌinkꞌez tsꞌekoo tooꞌ ꞌutnai. Sooneya nalhdzoohne ꞌinkꞌez lubeshi ꞌulhꞌenne, bukꞌeke unli,’ dáhni. ꞋEt hoontsꞌi Yakꞌusda gha whunih suliꞌne, ꞌenne tsꞌiyawh hiye whunih-i, ꞌi be tsꞌihꞌun ꞌuhintꞌoh suliꞌ.”

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Matthew 9:10

Jesus yeyoh tsꞌe daninya ꞌinkꞌez buzih usda bula naꞌutꞌalh whe sooniya ꞌilhunaoosꞌaihne ꞌinkꞌez lubeshi ꞌulhꞌenne, cha yoh dahunindil ꞌinkꞌez Jesus yugha hodulꞌehne bula nahutꞌalh.

Mark 2:16

ꞋEt Moses beꞌ ꞌudustlꞌus ꞌukꞌu nunáguzne ꞌinkꞌez Pharisee didowhne, Jesus hinilhꞌen lubeshi ꞌulhꞌenne, ꞌinkꞌez sooniya nalhdzóohne bula naꞌutꞌalh. Phariseene Jesus yugha hodulꞌehne hubuhoodulhkut, “Dáhoontꞌoh huwa nduntꞌóhne bula ꞌaꞌalh?”

Luke 19:7

ꞋEt tsꞌiyanne hinalhꞌen whe whutsꞌo disnih, ꞌinkꞌez howu yahalhduk, “Lubeshi ꞌulhꞌen-un, ꞌen zih tidalh.”

Luke 5:30

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, didutchꞌoh highu yalhduk ꞌinkꞌez Jesus yugha hodulꞌehne, ꞌubuhútni, “ꞋEt nyoonne sooniya ꞌilhunaoosꞌaihne ꞌinkꞌez lubeshi ꞌulhꞌenne, di ha bubulh áhꞌalh ꞌinkꞌez bubulh ꞌáhtnai?”

Acts 11:3

“ꞋUdun yun kꞌut whutꞌenne, Lizwif lhilohne, ꞌenne buzih hoontꞌi ꞌinkꞌez bula ꞌanꞌal cha ꞌinja inleꞌ,” huyúlhni.

Galatians 2:15

Wheni Lizwif tsinli whe tsꞌuwhuzdli. ꞋAw ꞌudun yun kꞌut whutꞌenne kꞌunꞌa lheꞌtsꞌítꞌoh.

Hebrews 5:2

Yakꞌusda yukꞌunꞌa tꞌeoonúszunne ꞌinkꞌez tankꞌus ítꞌelhne, ꞌenne bughun oodzi únduda, didutchꞌoh cha lhat-un whe tetsun ꞌet huwa.

2 John 1:10

Mbe Christ ooghu yaduk-i lhuyóotun-un whunoh dutilhꞌeh huba nohghu ninya de, nduntꞌoh-un ꞌaw nohyoh daóoyaꞌ junih, kꞌus danínyaih dóhniꞌ junih!