Matthew 8:8 - Yak'usda Ooghuni

⁸ ꞋEt saldanne bumoodih ꞌuyulhni, “SMoodihti syoh tsꞌe tanyalh huba soo lheꞌuzdzooꞌ. ꞋAntsꞌi nghuni be ꞌet ndúdinja de, ꞌet la seꞌustle-un soo naꞌootneh.

Matthew 8:8 Iomraidhean Croise

Genesis 32:10

ꞋAw sgha teꞌninzun ꞌinkꞌez tsꞌihꞌun khuni be cha sulh yailduk, ꞌi ꞌaw soo ba lheꞌuzdzooꞌ whe ꞌustꞌoh. Mba ꞌutꞌen-un whunilhtan njan ꞌukoh Jordan yanusya ndai la stuz cha nustun ꞌinkꞌez nawh ꞌudulhne tsꞌuzdliꞌ.

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Matthew 3:14

ꞋEt hoontsꞌi John dah yúlhni. “Nyun too beꞌ sonleh hubaꞌ hoontꞌoh. ꞋInkꞌez di ha si stsꞌú tinya too beꞌ nyoosdleh ha?”

Matthew 8:3

ꞋEt Jesus dula be yutꞌaiznai ꞌinkꞌez, “A, hukwaꞌ nuszun. Nyunaꞌide!” yúlhni. Ooka whulhjut-un, ꞌet ꞌaho soo naꞌuja.

Matthew 8:7

ꞋEt Jesus yulhni, “Ootsꞌu tisyalh ꞌinkꞌez soo naꞌoosdleh.”

Matthew 8:9

ꞋAlhaꞌ sichꞌoh skꞌuneꞌ whutꞌen-un ꞌusli whe ꞌonghohne sando ꞌuhintꞌoh hukwaꞌ huninzun tuneꞌ suhulhꞌen. ꞋEt si cha whuz unꞌa za saldanne buba ndo ꞌustꞌoh. ꞋIlhoghun, ‘Whuz inyalh!’ dusni te, whuz wheyaih. ꞋUyoon ‘ꞋAnih,’ dúsni te, sghu yaih. Seꞌulhna-un, ‘Njan dineh!’ dúsni te, ꞌet ndútꞌih.”

Luke 15:19

ꞋAw ꞌon ꞌat syeꞌ sudutanelh huba soo lheꞌuzdzooꞌ. ꞋEt huwa mba ꞌutꞌenne kꞌunꞌa ꞌusolhdzin.’

Luke 15:21

ꞋInkꞌez ooyeꞌ uyúlhni, ‘ꞋUbá yakꞌuz whudulhyoh lubeshi ꞌusdla ꞌinkꞌez nyun mbut cha. ꞋAw ꞌon ꞌat nyeꞌ sodutánelh huba soo lhéꞌuzdzooꞌ.’

Luke 5:8

Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

John 1:27

ꞋEn ꞌuntꞌoh skꞌélhꞌaz whusatíyalh-un sanus díztiꞌ whe ꞌuntꞌoh. ꞋAw ookechun natlꞌool ooba kꞌunaítisꞌuk hoontsꞌi huba soo lhéꞌuzdzooꞌ,” ubúlhni.