Matthew 8:6 - Yak'usda Ooghuni

⁶ “SMoodihti seꞌustle-un yoh yun sulhti delhdusni. Tube dzoh nuzut.”

Matthew 8:6 Iomraidhean Croise

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Matthew 8:7

ꞋEt Jesus yulhni, “Ootsꞌu tisyalh ꞌinkꞌez soo naꞌoosdleh.”

Matthew 9:2

ꞋAho ꞌawet ndun delhdusni-un, lili be whusahúyankai. Jesus tꞌeooninzun buba ꞌalha ꞌuhoontꞌoh. ꞋEt délhdusni-un ꞌuyulhni, “Yeꞌ ndzi hoteꞌ, nlubeshi mba hooloh suliꞌ!”

Acts 10:7

ꞋEt hukwꞌelhꞌaz ndun lizas yulh yaílhduk-un whenádide whe Cornelius nane yoh ꞌutꞌenne, dichꞌoh ooduneꞌne, ꞌinkꞌez ꞌilhoghun lhugan-un, ꞌen soo Yakꞌusda za dílhtiꞌ, ꞌen cha dichꞌoh yunat neꞌútꞌenne ꞌutahayálhti.

Acts 8:7

ꞋEt whe ntsiꞌ-i nududeh-i buyáhanainanyoot whe ꞌahúldzul. ꞋInkꞌez lhane dune délhdusnine cha ꞌinkꞌez dzoh nudilhne cha ꞌenne soo náꞌbalhꞌen.

Acts 9:33

ꞌenne butsꞌú nuya whe ꞌilhoghun dune, Aeneas huyúlhni, ghu ninya. ꞋEn la lhkꞌu dit yus kꞌut délhdusni ꞌinkꞌez la sulhti za ꞌuntꞌoh.

Colossians 3:11

Mbene la ooba ꞌalha ꞌuhoontꞌohne, ꞌenne tsꞌiyawh lhunduhúltꞌoh. ꞋAw Greekne kꞌus Lizwifne hooloh. ꞋAw yuka dune unli-i kꞌut ꞌustꞌusne kꞌus ꞌaw lhitꞌusne cha, ꞌutsꞌiz de haindene kꞌus Scythia whutꞌenne cha, ꞌulhnane kꞌus bula nahuditnine dune cha, ꞌenne tsꞌiyawh. ꞋEt hoontsꞌi Christ ꞌen za tsꞌiyai unli ꞌinkꞌez tsꞌiyawh nebulh ꞌúntꞌoh.

Colossians 4:1

ꞋInkꞌez nohni moodih unline, noheꞌustlenne tsꞌihꞌun ꞌuntꞌoh-i ꞌinkꞌez lhgha ꞌuntꞌoh, ꞌi buba kꞌelha yulhꞌi. Tꞌeoonuhzun nohni cha ndo yakꞌuz tsꞌe nohMoodihti hoonli.

1 Timothy 6:2

ꞋEt ꞌulhnane bumoodih ooba ꞌalha ꞌuhoontꞌoh hinline de, ꞌenne butsꞌu hudootni junih, lhulhutsinke hinli ꞌet huwa. Kꞌus ndunne ꞌulhnane, ꞌenne ꞌon nus ulhtus-i be bubaꞌ hutꞌen. Ndunne bumoodihne, ꞌenne Jesus Christ ghun ooba ꞌalhaꞌ yintꞌohne hinli ꞌinkꞌez bukꞌensiꞌ. ꞋEt huwa ꞌon nus ulhtus-i be bubaꞌ hutꞌen whe dude ꞌutꞌen be bulaꞌ hutꞌen wheꞌ hutꞌen. ꞋEt ndi khuni be nyulh yasduk-i, ꞌi ꞌuyoonne soo cho hubodilhꞌeh ꞌinkꞌez budzi donaꞌ ꞌinleh.

Philemon 1:16

ꞌaw ꞌon ꞌun nye ꞌulhna lhtisdle. ꞋEt ꞌandit ꞌulhna unli-un whanus ꞌuntꞌoh. Neulhutsin ookwꞌetsꞌinsiꞌ-un unli. Si tube sba díztiꞌ ꞌet hoontsꞌi dalcho-i be suba nyun ꞌon nus mba díztiꞌ. ꞋEt náwhultꞌoh, ndi yun kꞌut huba cha ꞌinkꞌez neMoodihti ba cha.