Matthew 8:3 - Yak'usda Ooghuni

³ ꞋEt Jesus dula be yutꞌaiznai ꞌinkꞌez, “A, hukwaꞌ nuszun. Nyunaꞌide!” yúlhni. Ooka whulhjut-un, ꞌet ꞌaho soo naꞌuja.

Matthew 8:3 Iomraidhean Croise

Genesis 1:3

ꞋEt Yakꞌusda (Elohim) ꞌen ꞌutni, “ꞋEt njan be hootꞌen-i holeꞌ.” ꞋEt hootꞌen whuzdliꞌ.

Matthew 12:13

ꞋEt ndun dune ꞌúyulhni, “Nla lhtsꞌe díntsih!” ꞋEt ꞌawet lhtsꞌe naidizsi whe ookwꞌuz tsꞌe kꞌunꞌa sóo naꞌuja.

Mark 1:41

Jesus yugha téꞌninzin yutsꞌú nudilhni ꞌinkꞌez yutꞌaíznai. “Hukwaꞌ nuszun soo naꞌíntneh,” yulhni.

Mark 4:39

Jesus dudinya whe too kꞌut nilhtsi khuni ulhtus-i be hukwa yudániꞌ, “Nilhtsꞌi, ꞌetsul ꞌineh,” ꞌinkꞌez, “Tatsi nulhózina.” ꞋEt ꞌaho dínghel.

Mark 5:41

ꞋEt tsꞌekeyaz yula ílhchoot ꞌinkꞌez uyúlhni, “Talitha koumi,” ꞌet dakelh kꞌunꞌa, “Tsꞌekeyaz dududinyaih nyudúsni,” ni whe ꞌutni.

Mark 7:34

Jesus ndo yakꞌuz tsꞌe yutánꞌen, yughudzoh ꞌúja whe tenadudli ꞌinkꞌez dune yulhni, “Ephphatha!” ndi lizwif bughuni ꞌet “Mba dáhaꞌ dooltsꞌit” ni whe ꞌutni.

Mark 9:25

ꞋEt Jesus whutilhꞌen ꞌilhozdílne bughá holhghaz whe ꞌahoh khuni ulhtus-i be ntsiꞌ-i nudúdeh-i hukwaꞌ yudániꞌ, “Ntsiꞌ-i nudúdeh-i lheꞌhudústsꞌo ꞌinkꞌez yalhuhulhduk ilhꞌí-un, tsꞌoodun ooyáhanaindaih nyudúsni, ꞌinkꞌez doo cha ꞌon ꞌat ooyunádondzit junih!” yúlhni.

Luke 4:27

ꞋInkꞌez ꞌoh daꞌ nkedaꞌ Elisha nus hooꞌen-un buba unli inleꞌ, ꞌet Israel ooká whulhjutne, leprosy huyulhni, huldlai. ꞋAw ꞌilhoghun hoontsꞌi soo nálheꞌilel, kꞌus Naman, Syria whutꞌen-un, ꞌen za soo naꞌyinla,” ꞌubulhni.

Luke 5:13

ꞋEt Jesus dula be yutꞌaíznai ꞌinkꞌez ꞌuyulhni, “A, hukwaꞌ nuszun nyunaꞌoosdeh.” ꞋEt ooka whulhjut-un ꞌaho soo naꞌuja.

Luke 7:14

ꞋInkꞌez nezi chunkelh yughu ninya ꞌinkꞌez yutꞌaiznai. Yilhtelhne cha ꞌilhiz nehunindil. ꞋInkꞌez ꞌutni, “Chilh dune dudinyaih nyudúsni!”

John 11:43

ꞋEt ndúdija hukwꞌelhꞌaz soo khuniti be yatilhduk, “Lazarus, ndiz ínyalh!” yúlhni.

John 15:24

Ndi ꞌutꞌen ꞌaw ꞌuyoonne lheꞌyulhꞌén-i bunalh lheꞌyúsꞌel de, ꞌet de lubeshi ꞌulhꞌenne hinli-un ꞌaw daꞌ tꞌehonószin. ꞋEt ꞌandit ꞌutꞌen ꞌusꞌen-i hinalhꞌen ꞌet huwa si ꞌinkꞌez sBá bulh naniltꞌoh netsꞌu hudutni.

John 5:21

OoBá ntsꞌenꞌa la yaidlane dunabudile ꞌinkꞌez ꞌilhiz huye khúna-i bughaꞌaih, whuz unꞌa za ooYeꞌ, mbene la bukaꞌ ninzunne, ꞌenne ꞌilhiz huye khúna-i bughaꞌaih.