Matthew 8:29 - Yak'usda Ooghuni

²⁹ Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”

Matthew 8:29 Iomraidhean Croise

Matthew 4:3

ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Matthew 8:30

Njan howu nilhdzaꞌ-un, gugoos lhai ndi butlꞌa hidantsut-i, ꞌi huyuꞌalh.

Mark 1:24

“Jesus Nazareth whutꞌen-un ndet netsꞌú hukwaꞌ ninzun? Gak netalhtselh ha whusaínya? Mbe inli tꞌenyunúszun, nyun Yakꞌusda ba lubeshi ooghu hooloh-un ꞌintꞌoh.”

Mark 3:11

ꞌinkꞌez ntsiꞌ-i nudúdeh-i buyudíndane, Jesus hitulhꞌih te, hibut nachánuldulh, ꞌinkꞌez ha húzulh whe ꞌuhutni, “Nyun Yakꞌusda ooYeꞌ inli whe ꞌintꞌoh.”

Mark 5:7

ꞌinkꞌez soo ꞌultus-un ꞌaldzul whe ꞌutni, “Jesus, Yakꞌusda ꞌukꞌenus diztiꞌ-un ooYeꞌ, ndet stsꞌu húkwaꞌ ninzun. Yakꞌusda ꞌintꞌoh ꞌinka ntsꞌu tédusdlih dzoh nusílhdzut iloh.”

Luke 4:34

ꞌinkꞌez ꞌutni, “Ah! Nyun Jesus Nazareth whutꞌen-un ꞌintꞌoh. Ndet netsꞌu hukwaꞌ ninzun? Gak netalhtselh ha eh whusainya? Mbe inli tꞌenyunúszun! Yakꞌusda ba lubeshi ooghu hooloh-un ꞌintꞌoh!”

Luke 4:41

ꞋInkꞌez whulohne dune ntsiꞌ-i nududeh-i ꞌahúldzul whe butsꞌu ha náhudide, ꞌinkꞌez ꞌuhutni, “Nyun Yakꞌusda ooYeꞌ Christ huyulhni-un ꞌintꞌoh!” Tꞌeduzahnih ubúlhni ꞌaw yahutilhdih butlꞌa lhúhooꞌal, tꞌehonínzun Christ ꞌen ꞌuntꞌoh ꞌet huwa.

Luke 8:28

ꞋEt Jesus yutilhꞌen whe yutsꞌu huyih ꞌinkꞌez yubut nachániti. ꞋInkꞌez tube cho yutsꞌu tédudli, “Jesus nyun soo ꞌudedo Yakꞌusda ooYeꞌ ꞌintꞌoh! Ndet stsꞌu hukwaꞌ ninzun? Ntsꞌu tedusdlih, dzoh nusilhdzut iloh!”

John 2:4

Jesus ꞌet uyúlhni, “Tsꞌeke ꞌet di ha ꞌet ndusúdini? ꞋAw ꞌawhuz sba ꞌet nelhódiszit, ꞌawhuz stsꞌó dizulh whe ꞌuhoontꞌoh,” yúlhni.

Acts 16:17

ꞋEt ꞌutꞌen Paul ꞌinkꞌez wheni te neununúya ꞌinkꞌez ꞌaldzul whe ꞌutni, “Ndunne dune ꞌukꞌenus ndo Yakꞌusda ooduneꞌ hinli. Ntsꞌenꞌa la dutihjih ꞌoh te nohba nuhúhuyeꞌ!”

James 2:19

ꞋInkꞌez cha sudóniꞌ, “Yakꞌusda ꞌilhoghun za ꞌuntꞌoh.” ꞋEt mba ꞌalha ꞌuhoontꞌoh, ꞌet huwa ꞌutꞌen unzoo-i ꞌilhꞌen. Ntsiꞌ-i nududeh-i ꞌenne hoontsꞌi, buba ꞌalha ꞌuhoontꞌoh whe nujut bulh hudutlut.

2 Peter 2:4

ꞋOh daꞌ whuz unꞌa za njan dúhooja, nyoonne lizasne lubeshi inlane, ꞌenne Yakꞌusda ꞌaw buba whula lhdítnel. ꞋEt huwa tsa kꞌet whutlꞌah hooloh-un, Tartarus tsꞌutni, whuz tsꞌe whébalhdil. ꞋInkꞌez whuz tsꞌe tsalhgus yo buba nahutiyeh whutsꞌun lhuztih tlꞌool be whénubudizguz.

Jude 1:6

ꞋEt ndunne lizas, ꞌenne cha Yakꞌusda buba ꞌuhoonla-un, ꞌet whula huditni. ꞋInkꞌez ndunne neMoodihti tsálhgus yo tsꞌe ꞌenne buboontun. Tlꞌoolh ꞌilhiz ꞌuntꞌoh-i, ꞌi be whénubudizguz, dzin hooncha-un whuz de hóoltsꞌulh ꞌoh de buba nahutiyeh.