Matthew 8:27 - Yak'usda Ooghuni

²⁷ Dune buba hooncha whe ꞌulhodutni, “Dantꞌoh-un dune suba ꞌuntꞌoh? Nilhtsi ꞌinkꞌez tatsi bulh hoontsꞌi yukꞌuneꞌ ꞌutꞌen.”

Matthew 8:27 Iomraidhean Croise

Matthew 14:33

Tsꞌi bet dilhtsꞌine, tsꞌiyawh hibut nachánilya ꞌinkꞌez ꞌuhuyulhni, “ꞋAlhaꞌ nyun Yakꞌusda ooYeꞌ ꞌintꞌoh!”

Matthew 15:31

Yalhulhdukne cha yawhehunilhduk, ooyustꞌe bodinꞌaine, cha soo naꞌhuja. Nulhúsdilne cha nahúdilh nahusdliꞌ, hoos̱ꞌenne cha hoohooꞌen nahusdliꞌ. Tsꞌiyanne bunalhꞌen whe tube buba hooncha ꞌinkꞌez Israel whudune buYakꞌusda ꞌen hidálhtiꞌ.

Matthew 8:10

Jesus whúdantsꞌo whe ooba hooncha. Yunidulhne ubúlhni, “Tsꞌihꞌun unꞌa nohdúsni, Israel ndulcho whe dune whuz unꞌa ooba ꞌalha ꞌuhoontꞌoh-un nalhizústi.

Matthew 8:26

ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.

Matthew 8:28

Nyan hoozki whe ndunne Gergesene ooyun kꞌut, whuz hoozdil. Nane dune highu ninꞌaz. Ntsiꞌ-i nududeh-i buyudinda. Nezi ꞌahule-un, whuz de ha hánꞌaz. Bube whunujut kꞌet ꞌaw dune whuzih noohooyaꞌ ꞌaitꞌoh.

Mark 1:27

Tsꞌiyanne buba hooncha kꞌet ꞌet ꞌulhodútni, “Dantꞌóh-i ghuni ꞌuntꞌoh, whutsodaꞌ lhtsꞌodústsꞌo-un ꞌet whuneoodulhꞌeh? Ooghuni be whúnujut kꞌet ntsiꞌ-i nudúdeh-i hoontsꞌi hikꞌúneꞌ ꞌutꞌen.”

Mark 6:51

ꞋEt tsꞌi bet bughu dénya. ꞋEt ꞌawet ooztsꞌi ꞌinkꞌez yugha hodulꞌehne tube buba hooncha.

Mark 7:37

ꞋInkꞌez tsꞌiyawh tube cho buba hooncha, “Sóo ꞌusdla tsꞌiyantsuk néꞌwhulhꞌen, lheꞌdústsꞌone ꞌuhuditsꞌo ꞌinkꞌez yalhulhdúkne cha yahalhduk ꞌubulhtsi,” hutni.