Matthew 8:20 - Yak'usda Ooghuni

²⁰ Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Matthew 8:20 Iomraidhean Croise

Matthew 12:32

Mbe la Yinka Dune Yeꞌ chꞌaz yalhdukne, soo buba ꞌun whutilhdulh. ꞋEt hoontsꞌi mbene la Ndoni chꞌaz yalhdukne, ꞌaw buba ꞌun whutoolhdilh ꞌaitꞌoh. ꞋAndit dzin kꞌus nus de hoontsꞌi.”

Matthew 12:40

Tat dzin ꞌinkꞌez tat ꞌulhdzis Jonah lho cho chandandaꞌ. Whuz unꞌa za Yinka Dune Yeꞌ ꞌen tat dzin ꞌinkꞌez tat ꞌulhdzis yun yo tsꞌe ꞌutitelh.

Matthew 12:8

Yinka Dune Yeꞌ natsꞌulyis dzin ꞌet hoontsꞌi whumoodihti unli whe ꞌuntꞌoh.”

Matthew 13:37

ꞋEt dúbulhni, “Unzoo-i ha nányai oomaiꞌ ꞌi, ꞌainanla-un, ꞌen Yinka Dune Yeꞌ ꞌuntꞌoh.

Matthew 16:13

Jesus Caesarea Philippi buyun kꞌuz whinya whe yugha hodulꞌehne, buboodulhkut, “Si, Yinka Dune Yeꞌ ꞌustꞌoh, dunene, mbe whe ꞌustꞌoh hutni?”

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 17:9

Dzulh kꞌut whenáhudidil whe, Jesus khuni ulhtus-i be bubulh yalhduk ꞌubulhni, “Yinka Dune Yeꞌ yaidlane toh dunadija de za whutsꞌun ndet hoohꞌen-un, ꞌuyoonne dóhniꞌ!”

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Mark 8:38

ꞋAndit yukꞌedinzutne lubeshi ꞌuhutꞌen ꞌinkꞌez dune tsꞌeke bulh nintaꞌhutꞌih hinli, ꞌet hoontsꞌi mbe la si ꞌinkꞌez sughuni cha yukaya unli de, Yinka Dune Yeꞌ, ꞌen cha yukaya tileh, lizas bulh ooBá ootsꞌu ha yánduz-i toh whusanája de.”

Luke 12:8

“ꞋInkꞌez ꞌet cha nohdusni, mbe la dune nalh, Jesus Christ ꞌen oochꞌeꞌ usdli ni-un, ꞌen Yinka Dune Yeꞌ Yakꞌusda oolizas ubudutánelh, ndun ꞌen schꞌeꞌ unli whe ꞌuntꞌoh.

Luke 18:8

ꞋInkꞌez ꞌunohdusni, ꞌahoh buba kꞌutítnelh! ꞋEt hoontsꞌi Yinka Dune Yeꞌ ndi yun kꞌut whusanája de, soo eh dune ooba ꞌalha ꞌuhoontꞌohne naitálelh?”

Luke 2:12

Ndiz unꞌa whe tꞌewhuntihzeh ha nohba whe hoodalꞌen dahooja-un, layin oogha ósduz ꞌinkꞌez musdoos yez ꞌaꞌalh-i, ꞌi bet ꞌusti.”

Luke 2:16

ꞋEt ꞌa cho hutizdil. ꞋEt Mary ꞌinkꞌez Joseph ꞌinkꞌez tsꞌoodun musdoos yez ꞌaꞌalh-i bet ꞌusti whe bugho hunindil.

Luke 2:7

ꞋInkꞌez ꞌudechoo ooyaz whuzdliꞌ. Layin naih yugháꞌ ozduz ꞌinkꞌez musdoos yez ꞌaꞌalh-i be yalhti. ꞋAw tsꞌuztez bayoh nahuhóꞌalh ꞌaitꞌoh, tsꞌiyantsuk whudizbun ꞌet huwa.

Luke 21:36

ꞋEt huwa ꞌahoolhyiz hukwa tse hóhleꞌ ꞌinkꞌez ꞌahoolhyiz tenadoodli ntsꞌoh daóotanelh-un nohyit ꞌuwhutánelh-un huba soo ꞌúlhdzooꞌ ꞌinkꞌez Yinka Dune Yeꞌ ꞌen oobut tihyin.”

Luke 8:3

ꞋInkꞌez Joanna, Chuza ooꞌat, ꞌet Chuza, ꞌen Herod yoh dilhtsꞌine bumoodih unli, ꞌinkꞌez Susanna cha ꞌinkꞌez ꞌuyoonne lhane cha huyutꞌi-i, ꞌi be hila ꞌutꞌen.

Luke 9:58

ꞋEt Jesus ꞌuyulhni, “Nanguz ꞌi cha ꞌan whutꞌi ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw tsén talꞌal-un lhuhóotꞌiꞌ.”

John 1:51

ꞋEt soo tsꞌihꞌun unꞌa nyudusni, yakꞌuz dáhaꞌ dankez ꞌinkꞌez Yakꞌusda oolizasne ndus de ha hádudoh ꞌinkꞌez ndo cha whenáhadudoh ndun Yinka Dune Yeꞌ ꞌen ba ꞌuhutꞌen, ꞌet whuntalhꞌelh,” yúlhni.

John 12:34

ꞋEt ꞌilhunaoosdílne ꞌuhuyulhni, “Moses ꞌukꞌunéyuzguz inleꞌ-i, ꞌi gha whulh ꞌúzditsꞌo ndun Christ ꞌen ꞌilhiz hutinalh. ꞋInkꞌez dálhtiꞌ ꞌudini ꞌet Yinka Dune Yeꞌ, ꞌen whe beꞌ dutáltsiꞌ dini? Mbe whe ꞌuntꞌoh ndun Yinka Dune Yeꞌ?” hutni.

John 13:31

ꞋAz whénya hukwꞌelhꞌaz ꞌet Jesus ꞌutni, “ꞋAwet Yinka Dune Yeꞌ ooba whudáltiꞌ ꞌinkꞌez ꞌen oogha Yakꞌusda ooba whudáltiꞌ.

John 3:13

ꞋAw ꞌilhoghun dune ndo yakꞌuz whenya-un hooloh, ꞌaw ꞌilhoghun za ꞌuja-un ndus de yakꞌuz haínya. ꞋEn ꞌuntꞌoh Yinka Dune Yeꞌ unli, ꞌen ꞌuntꞌoh yakꞌuz ookeyoh whuzꞌai.

John 3:14

ꞋUdaꞌ ꞌaw dune lhuhootꞌih-un tsꞌe whe Moses ꞌen tlꞌughus kꞌeltsi dubeꞌ yudilhtsi inleꞌ, whuz unꞌa za Yinka Dune Yeꞌ dubeꞌ hidutálhtsih huba ꞌuhoontꞌoh.

John 6:27

Ndi tꞌalh-i gak nadleh whe ꞌuntꞌoh, ꞌaw ꞌi iloh ookunáhta, kꞌus ndi ꞌutꞌalh-i dune ꞌilhiz ooleꞌ huye khúna-i, ꞌi ookunáhta. Yinka Dune Yeꞌ, ꞌi nohghá yoꞌalh, ooBá Yakꞌusda ꞌen yugha óoninꞌai, ꞌen ooYeꞌ ꞌuntꞌoh ꞌet huwa.”

John 6:53

ꞋEt Jesus ꞌubulhni, “Tsꞌihꞌun ꞌunohdusni, ꞌaw ndun Yinka Dune Yeꞌ ooyustꞌe lháhꞌulh ꞌinkꞌez buzkaiꞌ cha lháhtnel de, ꞌet de ndi ꞌilhiz wheni huye khúna-i ꞌaw lháhtꞌih whe ꞌuhtꞌoh.

John 6:62

ꞋInkꞌez Yinka Dune Yeꞌ ndo ntsꞌe la whutsodaꞌ usda tsꞌe, whuz nadalh nulhꞌen de, daja ntihzilh?

Acts 7:56

ꞋInkꞌez ꞌutni, “Ndo lheꞌhóoja whunulhꞌen, yakꞌuz dáhaꞌ dankez ꞌinkꞌez yinka whuduneꞌne yeꞌ Yakꞌusda nailhni tsꞌe yughusyin whe whunusꞌen!”

2 Corinthians 8:9

NeMoodihti Jesus Christ, ꞌen ye unzoo-i ooghu tꞌeoonáhzun ꞌet huwa. Dalcho-i be la hoonzooꞌ ꞌuntꞌoh, ꞌet hoontsꞌi nohni nohba telꞌen suliꞌ. ꞋEt whe ndai la ye telꞌen-i, ꞌi nohni be hoonzooꞌ oohneh.