Matthew 8:2 - Yak'usda Ooghuni

² ꞌinkꞌez dune ooka whulhjut-un, ꞌi leprosy huyúlhni, ꞌen yududizya ꞌinkꞌez yubut nachaniti ꞌinkꞌez ꞌuyulhni, “SMoodihti hukwaꞌ ninzun de, be ilhtus-i be sunaꞌilhdeh.”

Matthew 8:2 Iomraidhean Croise

Matthew 10:8

Ndudáne soo naꞌboolhꞌen, ooka whulhjutne, leprosy huyúlhni, bubunaꞌoolhdeh. Yaidlane dunabudóhlelh. Ntsiꞌ-i nududeh-i, dune butsꞌa ha nábunuhyukw. ꞋAntsꞌi nohgha únkat, ꞌet huwa tsꞌiyawh ꞌantsꞌi huwa oohlelh.

Matthew 13:58

ꞋEt Jesus ꞌaw buba ꞌalha lheꞌyitꞌoh. ꞋEt huwa dukeyoh ꞌaw lhat-un hooncha tunulhéꞌitꞌel.

Matthew 14:33

Tsꞌi bet dilhtsꞌine, tsꞌiyawh hibut nachánilya ꞌinkꞌez ꞌuhuyulhni, “ꞋAlhaꞌ nyun Yakꞌusda ooYeꞌ ꞌintꞌoh!”

Matthew 15:25

Tsꞌeke yughu ninya whe yubut nachaniti ꞌinkꞌez, “SMoodihti, sla ꞌineh!” yulhni.

Matthew 18:26

ꞋEt be ꞌulhna-un yubut nachániti ꞌinkꞌez yutsꞌun tedudli whe ꞌuyulhni, ‘Smoodih kꞌat, huba silhꞌi! Tsꞌiyawh mba kꞌelha whutiselh!’

Matthew 2:11

ꞋEt yoh dahunindil whe tsꞌoodun hitilhꞌen. Ooloo Mary ꞌen bulh. Hibut nachánilya ꞌinkꞌez hitsꞌun teniꞌ nalhdzun. Huye ꞌúzdla-i hidah lhchꞌaz hiyilhchoot hiyé ha háyanla-i ꞌinkꞌez hitsꞌu hítilhdil. Gold, yoo sooltsun-i frankencense huyulhni, ꞌinkꞌez yoo Myrrh huyulhni ꞌi cha, ꞌi hitsꞌu hítilhdil.

Matthew 20:20

ꞋEt Zebedee buzkeh duloo te, Jesus tsꞌo tizdil huyoodutalhkut ha. Buloo yubut nachaniti.

Matthew 26:6

ꞋEt keyoh whuyaz Bethany huwhútni-un, ꞌet Simon ooka whulhjut ínleꞌ-un, leprosy huyúlhni, ooyoh Jesus yuzih usda.

Matthew 28:17

Hiyanꞌen whe hitsꞌu teniꞌ nalhdzin. ꞋEt hoontsꞌi whulohne buba nawh ꞌuhoontꞌoh.

Matthew 28:9

ꞋEt ꞌugha hodulꞌehne tsꞌu híꞌus whe khuntsul Jesus butsꞌu dizya ꞌinkꞌez, “Whunúlhnih,” ꞌubulhni. Hizih neninꞌaz ꞌinkꞌez hike óontun ꞌinkꞌez hitsꞌun téniꞌ nalhdzin.

Matthew 4:9

ꞋInkꞌez ꞌuyulhni, “Ngwutsi be neninya ꞌinkꞌez stsꞌu téniꞌ nilhdzun de, ꞌet de ndi tsꞌiyawh, nchꞌeꞌ tileh!”

Matthew 8:1

Jesus ndus de shus kꞌuz ha naja whe lhane dune yunantisdil,

Matthew 8:25

Yugha hodulꞌehne, hitsꞌu whindil ꞌinkꞌez nahuyunilhdzut. “NeMoodihti netalhyis! ꞋAwet yatsꞌidadlah!”

Matthew 9:18

ꞋAwhuz howu yalhduk whe ꞌilhoghun moodih yughu ninya ꞌinkꞌez yubut nachániti ꞌinkꞌez uyúlhni, “Stseꞌ ꞌandit dazsai. ꞋEt hoontsꞌi syoh tsꞌe tónyaꞌ, ꞌinkꞌez nla be ookwꞌédilni, ꞌet la nahótnah!”

Luke 4:27

ꞋInkꞌez ꞌoh daꞌ nkedaꞌ Elisha nus hooꞌen-un buba unli inleꞌ, ꞌet Israel ooká whulhjutne, leprosy huyulhni, huldlai. ꞋAw ꞌilhoghun hoontsꞌi soo nálheꞌilel, kꞌus Naman, Syria whutꞌen-un, ꞌen za soo naꞌyinla,” ꞌubulhni.

John 9:38

ꞋEt dune yubut nachániti ꞌinkꞌez, “SMoodihti, sba ꞌalhaꞌ ꞌintꞌoh!” yúlhni, ꞌinkꞌez yutsꞌun teniꞌ nalhdzin.

Acts 10:14

ꞋEt hoontsꞌi Peter utni, “SMoodihti ndi khuna-i me tsꞌútni oochꞌaz nijoot wheꞌ hoontꞌoh, ꞌet huwa ꞌaw oosꞌalh ꞌaítꞌoh!”

Acts 10:25

Peter yoh tsꞌu tizya whe Cornelius yududizya ꞌinkꞌez yubut nachániti.

1 Corinthians 14:25

ꞋEt whe la dudzi yo whe yuntilhꞌi-i, ꞌi tsꞌiyanne nalhtsꞌet ha óotiltsꞌulh wheꞌ hoontꞌoh. ꞋEt huwa nachánitno, Yakꞌusda tsꞌun teniꞌ untilhdzilh, ꞌinkꞌez ꞌalhaꞌ Yakꞌusda nohtoh ꞌúntꞌoh dutinelh.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”