Matthew 8:17 - Yak'usda Ooghuni

¹⁷ ꞋEt whuz unꞌa Isaiah nus hoꞌen-un ndutni, Lhawhdotneh ha. ꞋEt huwa njan ndutni, “Ndai la tetsun neilhꞌi-i, ꞌi tsꞌiyawh neghu nayílhchoot. ꞋInkꞌez nedadaꞌ cha ꞌet tsꞌiyawh netsꞌu ha náhonla.”

Matthew 8:17 Iomraidhean Croise

Genesis 22:6

ꞋEt Abraham nyoo tsuz lhtsꞌe nidilhnat-i yilhchoot ꞌinkꞌez Isaac ꞌen yutꞌuyuzꞌai yutoogheꞌ ha. Didut kwun ꞌi yutizꞌai ꞌinkꞌez lhuztiꞌ cha ꞌinkꞌez whehanꞌaz.

Matthew 1:22

NeMoodihti ooba nus hooꞌen-un, ꞌen be njan ꞌoh túneꞌ whustꞌen. ꞋEt nyoon nus hooꞌen-un njan ndutni,

Matthew 2:15

Herod datitsah whutsꞌun whuz hudutáltsꞌi. Nus hooꞌen-un, ꞌen be daja ni la ꞌet whunilhchoh ꞌoh tuneꞌ hitꞌen “Syeꞌ ꞌanih dasniꞌ yun kꞌut Egypt whuchꞌa naoojaꞌ ha.”

Matthew 2:23

Whuz hoozdil whe keyoh Nazareth ꞌet hudutáltsꞌilh. Nus hooꞌenne daja hutni la, ꞌoh túneꞌ whustꞌen whe njan duhútni, “ꞋEn Nazareth whutꞌen-un hidutánelh.”

Mark 1:32

Hulhgha sa yó whinꞌai hukwꞌelhꞌaz, ndudáne ꞌinkꞌez mbene la ntsiꞌ-i nudúdeh-i kꞌúneꞌ ꞌutꞌenne cha Jesus ghu bonínla.

Luke 4:40

ꞋAwet sa yo táꞌaih whe mbene ookꞌekene lhelhdowh didowh-i dada be ndudane tsꞌiyawh Jesus highu bonínla. ꞋInkꞌez tsꞌiyawh bukꞌudálni ꞌinkꞌez whuz unꞌa soo náꞌbinla.

2 Corinthians 12:10

ꞋInka ndet tesun-un, ꞌinkꞌez sghu hudloh, ꞌinkꞌez hoonli sba howa whúlnaꞌ, ꞌinkꞌez ndet la dzoh nusahalhdzut, ꞌinkꞌez hoontsiꞌ-un sghá honinla, ꞌi tsꞌiyawh ꞌalhgoh Christ ꞌen gha sba ꞌuhóoja de, ꞌet de ꞌoonústꞌeꞌ. ꞋEt whuz unꞌa be tesun-i, ꞌi be ústus nasdleh, ꞌet huwa hoonústꞌiꞌ.

1 Peter 2:24

Nelubeshi didutchꞌoh duyustꞌe be tulalhgus tsꞌú yoozdla. ꞋEt huwa ꞌaw ꞌon ꞌun nelubeshi nemoodih ooleꞌ ꞌaitꞌoh. ꞋEt sih tsꞌihꞌun unꞌa tsꞌukhoonaꞌ. Ooka kꞌet ꞌet whe tsꞌiyawh soo náꞌtsꞌulya.