Matthew 8:13 - Yak'usda Ooghuni

¹³ ꞋEt Jesus saldanne bumoodih yulhni, “Tinya tsꞌe inyalh! ꞋEt ntsꞌe whula mba ꞌalha ꞌuhoontꞌoh, whuz unꞌa mba ꞌuwhutánelh.” ꞋOh whuya ꞌuhunitꞌoh whe beꞌ ꞌustle-un soo naꞌuja.

Matthew 8:13 Iomraidhean Croise

Matthew 15:28

ꞋEt Jesus ꞌuyulhni, “ꞋOoh tsꞌeke hooncha whe mba ꞌalha ꞌuhoontꞌoh-un, ꞌet hooncha wheꞌ hoontꞌoh. ꞋEt huwa hukwaꞌ ninzun kꞌunꞌa ꞌuhoneh.” ꞋOh whuya hoozulh-un, ooyatsꞌe soo naꞌuja.

Matthew 17:20

ꞋEt Jesus ꞌúbulhni, “Nohba ꞌalha lheꞌhootꞌoh ꞌet huwa ꞌaw oohleh ꞌaitꞌoh. ꞋAlha nohdusni ꞌanukat-i lheꞌniltsool-i, ꞌi mustard huyulhni, ꞌi kꞌunꞌa be nohba ꞌalha ꞌuhoontꞌoh de, ꞌet ꞌulcho de, dzulh njan whutsꞌun, nguz nailtsꞌut dahni de, ꞌaho ndutínelh. ꞋEt whuz unꞌa tsꞌiyaitsuk whuz unꞌa ꞌudahni de, ꞌet ndutítꞌelh.

Matthew 8:4

ꞋEt Jesus ꞌuyulhni, “ꞋUyoonne doniꞌ junih! Lubret ꞌen ootsꞌinyalh ꞌinkꞌez tsꞌihꞌun unꞌa díni nyustꞌe ntsꞌenꞌa whe soo naꞌuja ꞌinkꞌez nyunoolhꞌen. Moses ooghuni ꞌutni kꞌunꞌa huwaꞌ tanꞌalh. Whuz unꞌa whubuntalhtun dainja whe soo naꞌinja-un.”

Matthew 9:22

Jesus yutsꞌu nálhꞌa yunalhꞌen ꞌinkꞌez ꞌuyulhni, “Stseꞌ ndzi hótꞌe! Be ꞌalha ꞌuhoontꞌoh-i mba ꞌalha ꞌuntꞌoh huwa soo naꞌinja.” ꞋEt whutsꞌun tsꞌeke soo naꞌuja.

Mark 7:29

ꞋEt Jesus ndúyulhni, “ꞋEt ndúdinja-un huwa nyoh tsꞌe naíndalh ntsiꞌ-i nudúdeh-i nyaz yuyáhanadidzut.”

Mark 9:23

“A,” yúlhni, “Soo ꞌúlcho ꞌi be be ꞌalha ꞌuhoontꞌoh ꞌintꞌi de, mbene la ooba ꞌalha ꞌuhoontꞌoh utꞌíne tsꞌiyantsuk neꞌhutitꞌen-un buba huwa lhótilhnaꞌ.”

John 4:50

ꞋEt Jesus ꞌuyulhni, “Naindalh, nyeꞌ khuna.” ꞋEt dune daja yulhni la, Jesus yuba ꞌalhaꞌ dija ꞌinkꞌez whenája.