Matthew 8:12 - Yak'usda Ooghuni

¹² ꞋEt hoontsꞌi mbene la yakꞌuz kꞌuneꞌ hoolꞌen huba ꞌuntꞌoh inleꞌne, tsahólhgus tsꞌe hubotilhdulh, hutso ꞌinkꞌez dughoo lhehídutikꞌus.”

Matthew 8:12 Iomraidhean Croise

Matthew 13:38

Ha niyeh kꞌet, ꞌi yun kꞌut ꞌuhoontꞌoh. Mai unzoo-i, ꞌi yakꞌuz whulerwe buzkehne, nuhíntꞌoh. ꞋEt hoontsꞌi ꞌutꞌantsiꞌ, ꞌi ntsiꞌ-un buzkeh nuhíntꞌoh.

Matthew 13:42

ꞋInkꞌez ntsꞌe la kwun dizkꞌun hubaꞌ hoontꞌoh-un, whuz hubotilhdulh. ꞋInkꞌez tso yahutilhduk ꞌinkꞌez dughoo lhuhidutikꞌus.

Matthew 13:50

Ntsiꞌne, kwun dizkꞌun tsꞌe tsꞌubotutilhlelh. Tso yahutilhduk ꞌinkꞌez dughoo lhuhidutikꞌus.”

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 24:51

ꞋEt kꞌubeꞌ yutálhtꞌoh ꞌinkꞌez ootsꞌitikulh-i, ꞌi tsꞌiyawh mbe duba naꞌudzooꞌne butsꞌitikulh-i, bukꞌunꞌa ꞌi za ootsꞌitikulh. ꞋEt whe la tso bulh dughoo lhidutikꞌus.”

Matthew 25:30

ꞋEt ndun ꞌulhna-un ntsiꞌ-un, ulhchoot ꞌinkꞌez ꞌaz tsaholhgus yo tsꞌe táhneh.’ ꞋEt whe la tso bulh dughoo lhudookꞌus si.”

Luke 13:28

Abraham, Isaac, Jacob, ꞌinkꞌez nus hooꞌenne tsꞌiyawh, Yakꞌusda whe lerwe unli-un, ꞌet hudutáltsꞌilh ꞌinkꞌez ꞌet la bunoolhꞌen. ꞋEt ꞌoh de nohni tenanohonilhdil. ꞋEt tihtso ꞌinkꞌez nohghoo lhudutihkꞌus.

Acts 3:25

Nohni cha Yakꞌusda be nus hóoꞌenne butsꞌu háhde ꞌinkꞌez ndai la Yakꞌusda nohtsodaꞌne khuni buba lhaídinla-i, nohni cha nohba ꞌuntꞌoh. Ndi khuni buba lhaídinla-i, Abraham cha tlꞌa díltsꞌut inleꞌ, ‘Ntsꞌu haínzut-un, ꞌen gha dune ndi yun kꞌut buba hoonzoo tileh,’ ꞌet Yakꞌusda Abraham yulhni.

Romans 9:4

Israel ootsꞌu haindene Yakꞌusda ꞌutahábanla duduneꞌ hooleꞌ ha. ꞋEnne ꞌuhintꞌoh Yakꞌusda budálhtiꞌ ꞌinkꞌez butsꞌú nahizya-un, ꞌet buba nahoosdzi. ꞋEnne ꞌuhintꞌoh Moses be ꞌudustlꞌus butlꞌa ídanꞌai ꞌi be Yakꞌusda tsꞌihꞌun unꞌa hiba ꞌootꞌen ha.

2 Peter 2:17

ꞋEt ndunne nduntꞌohne, ꞌenne ꞌantsꞌi too kꞌet naoodizgih whunduhúltꞌoh. ꞋEt ndo kwꞌus búlh nodultsꞌut, leꞌ uhintꞌoh. Soo ntsꞌe la tsahólhgus ꞌinkꞌez múgaih hoonli, ꞌet ꞌilhiz wheni ꞌet buba ꞌudun whuzꞌai.

2 Peter 2:4

ꞋOh daꞌ whuz unꞌa za njan dúhooja, nyoonne lizasne lubeshi inlane, ꞌenne Yakꞌusda ꞌaw buba whula lhdítnel. ꞋEt huwa tsa kꞌet whutlꞌah hooloh-un, Tartarus tsꞌutni, whuz tsꞌe whébalhdil. ꞋInkꞌez whuz tsꞌe tsalhgus yo buba nahutiyeh whutsꞌun lhuztih tlꞌool be whénubudizguz.

Jude 1:13

ꞋAntsꞌi ndulcho tatsi nudútun leꞌ hintꞌoh. Ndai la dune buba hukwaya hooni-i, ꞌi huwus ꞌet nduntꞌoh. Sum kꞌunꞌa lhtanahikulh leꞌ hutꞌen. ꞋEt nduntꞌohne dune, ꞌenne soo tsalhgus tꞌes leꞌ ꞌuntꞌoh-i, ꞌi ꞌilhiz wheni ꞌet Yakꞌusda buba ꞌudun whulhꞌai.

Revelation 22:15

ꞋEt hoontsꞌi njan keyoh whuti yoo ꞌaz tsꞌe, ꞌet lhike ndultꞌohne, ꞌinkꞌez duyunne, dune kꞌus tsꞌekoo bulh níntaꞌ ꞌutꞌihne, neghane cha, ꞌinkꞌez ꞌukꞌeltsi tsꞌun tenadudline cha, ꞌinkꞌez mbene hoohóontꞌiꞌ whe huwhutsꞌitne, ꞌenne tsꞌiyawh yoo ꞌaz tsꞌe ꞌuhintꞌoh.