Matthew 8:11 - Yak'usda Ooghuni

¹¹ Nohdusni ndaz de ꞌinkꞌez nooz de lhane whusatidulh yakꞌuz keyoh ꞌet Abraham cha, Isaac, ꞌinkꞌez Jacob cha, ꞌalhgoh lhla náꞌhutitꞌulh.

Matthew 8:11 Iomraidhean Croise

Genesis 12:3

Mbene la mba soo hoonzoo-un ngha hóotaltsꞌulh, ꞌenne cha soo hoonzoo-un bugha hóotaltsꞌulh, ꞌinkꞌez mbe la nkꞌehiyihne cha bukꞌehutisyih, ndi yun kꞌut dilhtsꞌine ꞌenne tsꞌiyawh nyun ngha soo hoonzoo-un bugha hóotaltsꞌulh.”

Genesis 22:18

Ntsꞌu hainde-un ndi yun kꞌut dune tsꞌiyawh soo hoonzoo-un bugha hóotaltsꞌulh, skꞌunꞌa ꞌinja ꞌet huwa.”

Genesis 28:14

ꞋInkꞌez cha mbene la ntsꞌu haindene ndi yun kꞌut lhez lheꞌuntꞌoh. Lhai whuz unꞌa hutildlaiꞌ, nooꞌ cha ꞌinkꞌez ndaꞌ cha, whuz netihnelh, no cha, nyan ꞌinkꞌez ntsꞌu hainde-un cha, ꞌen gha ndi yun kꞌut dilhtsꞌine, ꞌenne tsꞌiyawh soo hoonzoo-un bugha hóotaltsꞌulh.

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 21:41

ꞋEt ꞌuhúyulhni, “Ndunne untsiꞌne, hooncha hukwꞌunꞌa musai ubutilhtselh ꞌinkꞌez ha niyeh kꞌet ꞌuyoonne haꞌ úntilhyehne bugho whutálhꞌalh. ꞋEt whuz unꞌa newhúzuk totsuk mai higha hitalelh.”

Matthew 24:31

Be tsꞌujih-i tube cho beꞌ dutsꞌo whe oolizas whuz de ubutilhꞌalh. ꞋUtahalyane, tsꞌiyawh ꞌilhunaboohootálelh. Diwh hukwꞌunꞌa hutidulh ꞌinkꞌez yat dulcho nótidulh. ꞋEt ndulcho whe ꞌilhunaboohootálelh.”

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 8:10

Jesus whúdantsꞌo whe ooba hooncha. Yunidulhne ubúlhni, “Tsꞌihꞌun unꞌa nohdúsni, Israel ndulcho whe dune whuz unꞌa ooba ꞌalha ꞌuhoontꞌoh-un nalhizústi.

Luke 12:37

ꞋEt moodih whusanaja de, ꞌinkꞌez be ꞌulhnane hika tse hooli, ꞌinkꞌez hika ítisꞌen. Moodih ndutꞌenne bunilhꞌen de, ꞌukꞌenus hoonzoo-un bugha whultsꞌut. ꞋAlhaꞌ nohdúsni, bumoodih soo nadutitneh ha, ꞌinkꞌez dude ꞌulhnane nátlꞌa dulhtsꞌi budutánelh, ꞌinkꞌez bubut néꞌtilelh.

Luke 16:22

ꞋEt dune telꞌen-un dazsai. ꞋInkꞌez lizasne Abraham zih nehinilhti. ꞋInkꞌez hoonzooꞌ ꞌuntꞌoh-un cha dazsai. ꞋInkꞌez ꞌahuyalhti.

Acts 10:45

ꞋInkꞌez ndunne Lizwif ooba ꞌalha ꞌuhoontꞌohne, Peter bulh whusaindilne, buba hooncha ꞌuhooja ꞌudun yun kꞌut whutꞌenne hoontsꞌi Ndoni butsꞌó tlꞌa idiltsꞌut ꞌinkꞌez buyudiltsꞌut.

Acts 11:18

ꞋEt Jerusalem ooba ꞌalha ꞌuhoontꞌohne hodántsꞌo whe Peter hichꞌaz yálhduk ꞌetsul ꞌuhudíja ꞌinkꞌez ꞌenne cha Yakꞌusda hudílhtiꞌ. ꞋInkꞌez njan duhútni, “ꞋUdun yun kꞌut whutꞌenne, ꞌenne cha lhtꞌanahunoodilh ꞌinkꞌez ꞌilhiz hukhoonaꞌ. ꞋEt whuz unꞌa Yakꞌusda bughá whuninꞌai,” hutni.

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Acts 14:27

ꞋEt Antioch tsꞌe nahoostꞌaz whe Jesus Christ yugha hodulꞌehne, tsꞌiyawh ꞌilhubuhozdla ꞌinkꞌez ntsꞌoh te la Yakꞌusda gha néꞌhustꞌen-un ꞌinkꞌez ꞌudun yun kꞌut whutꞌenne cha be ꞌalha ꞌuhoontꞌoh-i hutꞌi suliꞌ hutni whe bubulh nahuwhulnuk.

1 Corinthians 15:20

ꞋEt hoontsꞌi ꞌalhaꞌ yaidlane toh Christ ꞌen dunadija. ꞋIlhiz nanistezne toh ꞌen ꞌudechoo dunadija-un whuzdliꞌ.

1 Corinthians 6:9

ꞋAw tꞌeoonuzahzun Yakꞌusda whe lerwe unli-un, ꞌet mbe tsꞌihꞌun lheꞌitꞌohne, ꞌenne ꞌaw bugha lhuhootasꞌal? Khun nohnichꞌoh naꞌdunoohtꞌah junih! Mbe dune tsꞌeke bulh lubeshi ꞌulhꞌenne, kꞌus ꞌukꞌeltsi ooba ꞌalhaꞌ ꞌuntꞌohne, kꞌus mbene la lhghu dilhtsꞌine lubeshi tsꞌu nintꞌine hinli, kꞌus dudulh dunene hoontsiꞌ kꞌunꞌa bulh nintaꞌutꞌihne ꞌinkꞌez tsꞌekoo dudulh tsꞌekoo bulh nintaꞌutꞌihne,

Ephesians 3:6

ꞋUdun yun kꞌut whutꞌenne ꞌinkꞌez Lizwifne, ꞌenne cha ꞌilho yustꞌe hooleꞌ hubaꞌ hoontꞌoh. ꞋInkꞌez Yakꞌusda, Christ ꞌen be ndi khuni unzoo-i, ꞌi be netsꞌu hooszi. Wheni tsꞌiyawh nebaꞌ hoontꞌoh wheꞌ hoontꞌoh.

Colossians 3:11

Mbene la ooba ꞌalha ꞌuhoontꞌohne, ꞌenne tsꞌiyawh lhunduhúltꞌoh. ꞋAw Greekne kꞌus Lizwifne hooloh. ꞋAw yuka dune unli-i kꞌut ꞌustꞌusne kꞌus ꞌaw lhitꞌusne cha, ꞌutsꞌiz de haindene kꞌus Scythia whutꞌenne cha, ꞌulhnane kꞌus bula nahuditnine dune cha, ꞌenne tsꞌiyawh. ꞋEt hoontsꞌi Christ ꞌen za tsꞌiyai unli ꞌinkꞌez tsꞌiyawh nebulh ꞌúntꞌoh.

2 Thessalonians 1:5

ꞋInka tsꞌiyanne tꞌehininzun Yakꞌusda tsꞌihꞌun nahiyilh-un ꞌuntꞌoh. ꞋEt huwa ndet Yakꞌusda lerwe unli, ꞌet soo ꞌúlhdzooꞌ ooleꞌ ookꞌélhꞌotihꞌalh. ꞋEt huba ꞌandit dzoh nahdeh.

Revelation 7:6

Asher bulh didowhne tsꞌu haindene, 12,000ne bube hoodatꞌen bubuhulhtsi. Naphtali bulh didowhne tsꞌu haindene, 12,000ne bube hoodatꞌen bubuhulhtsi. Manasseh bulh didowhne tsꞌu haindene, 12,000ne bube hoodatꞌen bubuhulhtsi.