Matthew 7:7 - Yak'usda Ooghuni

⁷ “ꞋEt nohdusni Yakꞌusda ndai la ooka yoodulhkut-i nohgha ítaꞌalh. Ookunáhta ꞌinkꞌez nahootáhꞌalh. Dati dunulhkwꞌuz ꞌinkꞌez nohba dáhaꞌ dutikwus.

Matthew 7:7 Iomraidhean Croise

Genesis 26:32

ꞋEt nyoonne ꞌet dzin za Isaac yuba ꞌutꞌenne, doo cha za too hoonli ha honkai ꞌinkꞌez highu nindil ꞌinkꞌez ꞌuhuyulhni, “Too kꞌet ꞌet ꞌutsꞌuhoonla!”

Matthew 18:19

Doo cha za ꞌunohdusni, ndai ookwa oodutalhkut-i, nane kꞌus tane ndi yun kꞌut lhgha nohba sooꞌ hoontꞌoh de, yakꞌuz usda-un sBá, ꞌen nohba ꞌuwhutilelh.

Matthew 21:22

ꞋEt ndai ookaꞌ dahni tenadudli be, nohba ꞌalha ꞌuhoontꞌoh de, ꞌi tsꞌiyawh nohgha tíkulh.”

Matthew 6:33

ꞋEt hoontsꞌi ntsꞌenꞌa Yakꞌusda nohba lerwe tileh ꞌinkꞌez be tsꞌihꞌun unꞌa ꞌuhoontꞌoh-i nohchꞌeꞌ tileh, ꞌet za hukwaꞌ nahzun, ꞌinkꞌez ꞌon ꞌun cha tsꞌiyawh nohgha tíkulh wheꞌ hoontꞌoh.

Matthew 7:11

Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh.

Matthew 7:8

Yoodulhkutne, Yakꞌusda bugha whútaꞌalh. Hoonliyaz hukwunútane, nahahootáꞌalh. Dati dunulkwꞌuzne, Yakꞌusda buba dáhaꞌ dutitꞌelh.

Mark 11:24

ꞋEt huwaꞌ nohdúsni, tenadahdli de, ꞌinkꞌez hoonli haꞌ dahni te ꞌalhaꞌ nahzun whe nohgha tíkulh nahzun de, ndai la ookaꞌ dahni-i nohgha tíkulh whe ꞌuntꞌoh.

Luke 13:25

ꞋEt ꞌilhoh whumoodih dudinya ꞌinkꞌez dati dánaidintan, ꞌaz nudulhya ꞌinkꞌez dati dunulhkwꞌuz ꞌinkꞌez ꞌudahni, ‘Moodihti, moodihti neba dáhaꞌ dintih!’ ꞋEt nohdóniꞌ, ‘ꞋAw tꞌenohnuzúszun ntsꞌez de háhdil.’

Luke 18:1

ꞋEt Jesus be whutsꞌodulꞌeh-i, ꞌi ghun ꞌubulhni, dune ꞌahoolhyiz tenahudoodli ꞌinkꞌez whulazdootnih junih.

John 15:16

ꞋAw nohni ꞌutahalhúsulhtel. Si ꞌutáhanóhisdla toohdilh ꞌinkꞌez mai ha nóolhyeh ꞌinkꞌez nohmaiꞌ ꞌilhiz wheni ootꞌeꞌ, ꞌet hukwa ꞌet nenóhnusdla. ꞋEt huwa la sBá ndai la si sooziꞌ gha ootsꞌo hukwa dahni-i, ꞌi la nohgha íyoꞌalh.

John 15:7

ꞋEt si syódulhtsꞌi ꞌinkꞌez sghuni nohyo dizꞌai de, ꞌet ndet hukwaꞌ nahzun-un, ꞌet tsꞌiyawh nohba ꞌet nduwhutanelh.

John 4:10

ꞋEt Jesus uyúlhni, “Yakꞌusda huwa íninꞌai-i, tꞌeninzun de, ꞌinkꞌez mbe ꞌutni nyulh yálhduk whe too ntsꞌu ha ꞌutni-un, ꞌen tꞌenínzun de, ꞌet de nyun daꞌ oodolhkut ꞌinkꞌez ndai la too oogha huye khuna-i, ꞌi daꞌ nghá yolhdzeh ooleꞌ,” yúlhni.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Romans 3:11

ꞋAw ꞌilhoghun dune tꞌeooninzun-un hooloh. ꞋInkꞌez dune huwu dalhóditꞌoh.

Hebrews 11:6

Bé ꞌalha ꞌuhoontꞌoh-i, ꞌi ooyit de, ꞌaw Yakꞌusda ooba dzoh tsꞌoozooꞌ ꞌaitꞌoh. Mbene Yakꞌusda tsꞌun hutidulh hukwaꞌ huninzun, Yakꞌusda hoonli wheꞌ hoontꞌoh, ꞌet buba ꞌalhaꞌ hotꞌeꞌ hubaꞌ hoontꞌoh. ꞋInkꞌez soo tsꞌihꞌun dudzi huwaꞌ hooli whe hikꞌoh tsꞌe hukwa hítisꞌenne, ꞌenne za buba ꞌukꞌelha whutilhtselh.

James 5:15

ꞋInkꞌez be ꞌalha ꞌuhoontꞌoh-i bulh tenahudoodli. ꞋEt de nduda-un soo naꞌootneh. ꞋEt de la neMoodihti do náꞌyooleh. Lubeshi ꞌutꞌi de, ꞌi yuba whunawhudoolnoh.

1 John 3:22

Di ootsꞌo óokaꞌ tsꞌutni-i, ꞌi negha íyunle, ooghuni tsꞌoontun ꞌinkꞌez hoonzoo whe oonalh neꞌtsꞌutꞌen ꞌet huwa.